ខែតុលា ប្រហែលជាមិនសូវល្អសម្រាប់ឆ្នាំមួយចំនួន តែយ៉ាងណា ដោយសារតែជោគជតារាសី គួបផ្សំនឹងចំណេះដឹងនៃការគ្រប់គ្រងហិរញ្ញវត្ថុបានល្អផង ក៏រុញឲ្យម្ចាស់ឆ្នាំទាំង ៤ ខាងក្រោម អាចផ្លាស់មកចាប់សំណាង ប៉ះលាភធំធ្លាក់ចូលក្នុងជីវិតវិញ ពោលគឺដល់ពេលបើកកំណប់ទ្រព្យឈុតធំប្រចាំឆ្នាំហើយ នៅចន្លោះថ្ងៃទី ០១ ដល់ថ្ងៃទី ០៨ វិច្ឆិកា ចំថ្ងៃចន្ទពេញវង្សប្រចាំខែ៖
អ្នកកើតឆ្នាំមមី – សេះ
ស្ថានភាពតាំងពីដើមឆ្នាំមក អាចថារដាក់រដុប ជួបគ្រោះច្រើនជាងលាភ តែអាជីពការងារ រកស៊ីរបស់អ្នកកើតឆ្នាំមមី នៅតែមានផ្លូវដើរជានិច្ចមកទល់ពេលនេះ។ ពួកគេទទួលបានឱកាសច្រើន មានទំនាក់ទំនងល្អច្រើនជាមួយមនុស្សម្នាក្នុងសង្គម ជាហេតុជួយបើកផ្លូវ បើកឱកាសច្រើនមិនចេះអស់ឡើយ។
មកទល់ចុងឆ្នាំ ចំថ្ងៃទី ០១ ដល់ ០៨ វិច្ឆិកា ដោយសារអំណោយទាននៃរាសីឡើងខ្ពស់ត្រដែតផង ក៏នាំឲ្យម្ចាស់ឆ្នាំជូត អាចមានលុយចាយពេញដៃ ដោយមិនខ្វល់រឿងលុយកាក់ រឿងចំណាយលើការចង់បានរបស់អ្វីឡើយ។ មិនថាផ្ទះថ្មី ឡានថ្មី ពេលវេលាកើបលុយធំនៅចុងឆ្នាំ ក៏ល្មមអាចឲ្យពួកគេអាចមានឱកាសទិញរបស់ទាំងនោះបានផងដែរ។
អ្នកកើតឆ្នាំវក – ស្វា
ជីវិតម្ចាស់ឆ្នាំវក មិនងាយស្រុត ឃើញតែផ្លូវឡើងជាប់ជានិច្ច បើទោះបីជួបបញ្ហាជារឿយៗក៏ដោយ។ មនុស្សនេះពូកែជម្នះឧបសគ្គខ្លាំងណាស់ ហើយមិនងាយនឹងជួបរឿងខកចិត្តក្នុងជីវិតនោះទេ។
តាមហោរាសាស្រ្តបានចារមក ថាឆ្នាំវក សម្រាប់ចុងឆ្នាំ ២០២២ ចំថ្ងៃទី ០១ ដល់ ០៨ វិច្ឆិកា បណ្តាក់ទុនអ្វីក៏នឹងបានផលចំណេញមកវិញ ហើយការវិនិយោគខ្លះ រុញឲ្យអ្នកឆ្ពោះទៅរកជោគជ័យហួសពីការរំពឹងទុកត្រឹមតែរយៈពេលខ្លីក៏មាន។ មនុស្សដែលពូកែប្រើខួរក្បាល ដូចជាអ្នកកើតឆ្នាំស្វា ត្រៀមតែបើកកំណប់ទ្រព្យធំទៅនៅពេលដ៏ខ្លីខាងមុខ។
អ្នកកើតឆ្នាំរកា – មាន់
ទ្រព្យសម្បត្តិនាឆ្នាំ ២០២២ សម្រាប់អ្នកកើតឆ្នាំរកា គឺរាប់បានថាមានស្ថិរភាព បើទោះបីមនុស្សជាច្រើនគេជួបរឿងលំបាកក៏ដោយ នៅក្នុងឆ្នាំនេះ។ តែតាមសញ្ញាជោគជតារាសីចូលមកដល់ចុងឆ្នាំ ពួកគេក៏កាន់តែបានផលធំ នេះវាកើតចេញពីការខិតខំកន្លងមកផង គួបផ្សំនឹងសំណាងផង។
អ្នកបម្រើការងារ នឹងមានប្រាក់ខែខ្ពស់ជាងមុនដល់ពេលចាំទទួលដំណឹងល្អ អាចឡើងឋានៈ មុខងារកាន់តែខ្ពស់ រីឯអ្នករកស៊ី ទទួលបានអតិថិជនច្រើនជាងពីពាក់កណ្តាលឆ្នាំ ជួយឲ្យកើនលុយចំណូលខ្ពស់ពីមួយថ្ងៃ ទៅមួយថ្ងៃ។ យ៉ាងណាក្នុងគ្រាលំបាកនៅឆ្នាំ ២០២២ អ្នកកើតឆ្នាំរកា បែរត្រូវបានគេកោតសរសើរ ពីវិធីនៃការគ្រប់គ្រងហិរញ្ញវត្ថុ ដោយពូកែសន្សំណាស់ផងដែរ។
អ្នកកើតឆ្នាំកុរ – ជ្រូក
តែងតែមានសំណាងក្នុងកាលៈទេសៈលំបាកទាំងឡាយ សម្រាប់អ្នកកើតឆ្នាំកុរ។ នៅរយៈពេល ០៨ ថ្ងៃ ដូចបង្ហាញពីខាងលើ គឺជាពេលវេលាដ៏អស្ចារ្យ ឱកាសពិសេសអាចកើតមានក្នុងជីវិតឆ្នាំទី ១២។
ក៏អរគុណដល់អត្តចរិតរបស់អ្នកកើតឆ្នាំកុរ មិនថាបុរស ឬស្រ្តី តែងមានចិត្តសប្បុរស ចេះជួយយកអាសាមនុស្សជុំវិញខ្លួន ហើយបានសុខ មិនចេះនៅស្ងប់តែឯកឯងទេ ពោលតែងចង់ស្រោចស្រង់អ្នកដទៃ ឲ្យបានល្អដូចជាខ្លួនដែរ៕
ប្រភព៖ បរទេស | ប្រែសម្រួល៖ ក្នុងស្រុក