តាមក្បួនហោរាសាស្រ្តបានគន់គូរឃើញថា ម្ចាស់ឆ្នាំទាំង ៣ ខាងក្រោម សម្រាប់រាសីនៅវិច្ឆិកា កំឡុង ១០ ថ្ងៃ ពីថ្ងៃទី ០១ ដល់ទី ១០ ពួកគេគឺមានរាសីខ្ពស់ត្រដែត ហើយខ្លះនឹងកើតមានការផ្លាស់ប្តូរវិជ្ជមានដ៏ធំមួយក្នុងជីវិត៖
អ្នកកើតឆ្នាំច – ឆ្កែ
ជាមនុស្សដែលតែងតែមានចរិតរឹងមាំ មានទំនួលខុសត្រូវខ្ពស់ចំពោះកិច្ចការងារដែលពួកគេកំពុងធ្វើ។ នៅខែវិច្ឆិកាខាងមុខ រយៈពេល ១០ ថ្ងៃដំបូង ម្ចាស់ឆ្នាំច នឹងមានការផ្លាស់ប្តូរដ៏ធំ ដោយពួកគេទទួលបានឱកាសដែលកម្រនឹងជួបក្នុងជីវិត ហើយអាចនាំឲ្យទទួលបានជោគជ័យ ល្មមនឹងមនុស្សជាច្រើននៅក្បែរខ្លួនគេច្រណែន។
តាមពិតទៅប៉ុន្មានខែមកនេះ ម្ចាស់ឆ្នាំច ជួបរឿងលំបាកច្រើនហើយ រួចក៏ដល់ពេលដែលពួកគេទទួលបានរឿងភ្ញាក់ផ្អើលនៃផ្នែកទ្រព្យត្រលប់មកវិញ ដោយការលំបាកនានានឹងត្រូវបានដោះស្រាយ ហើយមានតែសាងអាជីព បង្កើតចំណូល បង្កើតប្រាក់ចំណេញហូរចូលដូចទឹកនៅខែក្រោយ។
អ្នកកើតឆ្នាំខាល – ខ្លា
ជាមនុស្សមានចរិតស្លូតបូត ម៉ឺងម៉ាត់ និងតែងតែទទួលបានការរីកចម្រើនក្នុងជីវិតជានិច្ច។ មនុស្សកើតឆ្នាំខាល ប្រហែលជាដំបូងឡើយមិនមែនជាអ្នកមានអ្វីទេ តែពួកគេខិតខំ ពួកគេក្លាហាន ដល់រុញខ្លួនឲ្យក្លាយជាអ្នកមានបានទៅថ្ងៃមុខ។
នៅខែទី ១១ រយៈពេល ១០ ថ្ងៃដំបូង អ្នកកើតឆ្នាំខាល នឹងមានជីវិតល្អប្រសើរឡើង បញ្ច្រាសពីស្ថានភាពកាលពីដើមឆ្នាំ ដែលពួកគេជួបរឿងរ៉ាវលំបាកក្នុងជីវិត។ ទាំងការងារ ការរកស៊ី ទ្រព្យសម្បត្តិរបស់ម្ចាស់ឆ្នាំខ្លា នឹងរីកសាយ ដូចផ្លែទ្រព្យដែលកំពុងដុះផ្លែផ្កា។ ពួកគេអាចនឹងទទួលបានជំនួយធំ ពីមនុស្សដែលមានឋានៈខ្ពស់ជាង ជួយទាញដៃឲ្យឡើងទៅកម្រិតខ្ពស់មួយទៀតផង។
អ្នកកើតឆ្នាំកុរ – ជ្រូក
ជាមនុស្សមានចរិតស្លូតបូត មិនចេះឈឺឆ្អាលនឹងរឿងអ្នកដទៃច្រើនទេ ហើយមនុស្សនេះ រមែងមានមនុស្សល្អៗនៅក្បែរខ្លួន ចាំជួយ ចាំគាំទ្រដល់គេជានិច្ច។ សម្រាប់ខែទី ១១ នៃឆ្នាំ ២០២២ គឺជាពេលវេលានាំសំណាងដ៏ធំមួយសម្រាប់ ម្ចាស់ឆ្នាំវក ហើយចាប់ពីថ្ងៃទី ០១ តទៅ ពួកគេនឹងមិនសូវជួបរឿងលំបាកដូចកំឡុងខែមុនៗឡើយ។
លាភសំណាងធំមួយ កាត់ថ្លៃឥតបាន ទោះមានគេហាមក៏ហាមមិនជាប់ នឹងចូលមកដល់ក្នុងជីវិតអ្នក ចន្លោះថ្ងៃទី ០១ ដល់ទី ១០ ចាំតែមើលចុះ។ អំពីរឿងរ៉ាវជីវិតគូក៏ល្អឡើងមួយកម្រិត បើអ្នកនៅលីវ ទំនងនឹងជួបគូពិត រីឯអ្នកមានស្នេហ៍ស្រាប់ ក៏នឹងកាន់តែបន្ថែមភាពផ្អែមល្ហែម៕
ប្រភព៖ បរទេស | ប្រែសម្រួល៖ ក្នុងស្រុក