នៅរយៈពេលកន្លះខែពេញ នៃខែតុលាខាងមុខ ពោលរាប់ចាប់ពីថ្ងៃទី ១៥ ដល់ ៣១ ហោរាសាស្រ្តបានគន់គូរមើលឃើញជើងលេខឆ្នាំទាំង ៣ ដែលដូចត្រូវបានព្រះប្រទានពរជ័យ នាំឲ្យកើតសិរីមង្គលពេញចន្លោះវេលានោះ៖
អ្នកកើតឆ្នាំរកា – មាន់
មនុស្សនេះឈ្លាសវៃ មានសមត្ថភាព ពូកែខាងប្រើចិត្តសាស្រ្តក្នុងការទំនាក់ទំនងនៅខាងក្រៅ ហើយការចងចាំគេមានខ្ពស់ រួចធ្វើអ្វីគិតដោយល្អិតល្អន់ខ្លាំងណាស់។
ចាប់ពីថ្ងៃទី ១៥ តុលាខាងមុខ បន្ថែមពីលើទេពកោសល្យដែលមាន រាសីល្អនិងសំណាងក្រាស់ ផ្លាស់ជីវិតអ្នកកើតឆ្នាំរកា ឲ្យជៀសផុតអស់បញ្ហាទាំងឡាយ កាយមកវិញតែមាសតែប្រាក់ចូលផ្ទះ។ លើសពីនេះ នឹងកើតគុណសម្បត្តិល្អច្រើន អាចនាំឲ្យអ្នករកលុយរកចំណូលចូលក្នុងហោប៉ៅឥតខ្វះ រីឯជំនួញក៏រីកអតិថិជនធំបន្ថែមទៀត។
អ្នកកើតឆ្នាំពពែ – មមែ
ទៅមើលឆ្នាំមមែឯណេះ ជាមនុស្សមានចិត្តទូលាយ សុទិដ្ឋិនិយម និងមានចរិតរឹងមាំ។ ពួកគេតែងប្រឹងអស់ពីសមត្ថភាព លើកិច្ចការងារអ្វីទាំងអស់ដែលត្រូវធ្វើចំពោះមុខ ហើយក៏តែងព្យាករណ៍ដឹងជាមុន ថារមែងទទួលបានផលល្អក្នុងការងារនោះ។
នៅក្រោយថ្ងៃទី ១៥ តុលាតទៅដល់ ៣១ ដំណាច់ខែ ឱកាសល្អចូលមកដល់បន្តកន្ទុយ ចំពេលហុងស៊ុយឡើងកូដ ក៏នាំឲ្យទាញប្រយោជន៍ធំហូហែរចេញពីការងារ ឬគម្រោងរកស៊ីដែលជួបប្រទះ។ មិនត្រឹមប៉ុណ្ណោះទេ ម្ចាស់ឆ្នាំមមែ នឹងបានជួបមនុស្សមានបុណ្យ ដូចគេសន្សំទ្រព្យទុកមកចែកឲ្យអ្នក កើតភាពសប្បាយនាពេលវេលាត្រីមាសទី ៤។
អ្នកកើតឆ្នាំមមី – សេះ
ចុងក្រោយអ្នកកើតឆ្នាំសេះ តាមរយៈបទពិសោធន៍បានឆ្លងកាត់ មនុស្សនេះសមតែទទួលបានរង្វាន់ធំក្នុងជីវិតនៅល្បាក់ចុងឆ្នាំ ២០២២ តែមិនទាន់ច្បាស់ថាពេលវេលាណាមួយឡើយ។ គ្រាន់ថាចន្លោះចុងខែតុលា ក៏អាចមានលាភសំណាងរំលេចជាបណ្តើរៗ ដូចបើកទ្វារមាសទ្វារប្រាក់ឲ្យចូលមកហើយ។
រាសីអ្នកល្អគួរសម លើសពីកម្រិតបង្គួរ គ្រាន់ទាមទារឲ្យព្យាយាមជាងឆ្នាំពីរខាងលើ ព្រោះបើខំតិច អាចនឹងមិនចាប់លាភនោះបានទេ។ ងាកទៅការប្រកួតប្រជែងទាំងការងារ ឬសេចក្តីសេ្នហា ក៏អ្នកនឹងមានប្រៀបអាចចយកឈ្នះគេ ហើយត្រូវត្រៀមចិត្តទទួលយកការផ្លាស់ប្តូរមួយខាងមុខ តែជារឿងល្អ មិនមានអ្វីគួរឲ្យបារម្ភ៕
ប្រភព៖ បរទេស | ប្រែសម្រួល៖ ក្នុងស្រុក