ជីវិតមនុស្សយើងម្នាក់ៗ ពេលខ្លះមិនអាចមើលឃើញពីភាពខ្វះខាត ឬចន្លោះប្រហោងដែលត្រូវបំពេញនោះទេ។ លុះដល់តែគេលើកមកនិយាយ ចាក់ត្រូវចំណុច ក៏នឹកឃើញថា ការពិតគឺវាអ៊ីចឹងមែន ជារឿងដែលយើងខ្វះខាតយ៉ាងពិតប្រាកដមែន។
តាមរយៈអត្ថបទតេស្តបែបវិទ្យាសាស្រ្តមួយនេះ គឺដូចគ្នា យើងសូមឲ្យអ្នកស្តាប់ ជ្រើសរើសនូវបៀរមួយសន្លឹក ក្នុងចំណោមបៀរទាំង ៣ សន្លឹកខាងលើ ហើយ Knongsrok នឹងបង្ហាញនូវចន្លោះប្រហោងក្នុងជីវិតរបស់អ្នកដូចខាងក្រោម៖
សន្លឹកបៀរទី ១
អ្នកខ្វះការគិតវិជ្ជមាន។ តាមពិតទៅជីវិតអ្នកពេលនេះ វាមិនជាពិបាកពេកនោះទេ ហើយអ្នកអាចសប្បាយជាងអ្វីដែលអ្នកកំពុងគិតទៅទៀត។ អ្នកតែងតែមិនដឹងពីមធ្យោបាយក្នុងការផ្តល់ក្តីសុខសម្រាប់ខ្លួនឯង ខណៈដែលមានមនុស្សជាច្រើនកំពុងប្រាថ្នាចង់បានជីវិតដូចជាអ្នក។
ត្រូវចាំថាក្នុងលោកនេះ ប្រសិនអ្នកបន្តភាពមិនស្កប់ស្កល់ខ្លាំងពេក អ្នកគ្មានថ្ងៃដែលនឹងរីករាយបំផុតនោះឡើយ។ ក្តីសុខធំបំផុតក្នុងជីវិត មិនមែនការដែលមានលុយ មិនមែនការដែលមានឡាន បើអ្នកទៅសួរអ្នកដែលមានទ្រព្ច្រើនយបំផុត ពួកគេប្រាកដជាឆ្លើយតប បកមកវិញថា ការដែលមនុស្សចេះមានភាពស្កប់ស្កល់ និងរីករាយជាមួយបច្ចុប្បន្នភាពដែលខ្លួនកំពុងមាននោះឯង។
សន្លឹកបៀរទី ២
អ្នកខ្វះជំនឿចិត្ត និងឆន្ទៈរយៈពេលយូរ។ អ្នកយល់ថា សំណាងជារឿងធំជាងការខិតខំប្រឹងប្រែង។ អ្នកមើលទៅជីវិតរបស់គេ ថាហេតុអ្វីសុខៗគេមានបានលឿនយ៉ាងនេះ តែអ្នកមិនបានដឹងច្បាស់នោះទេ ពីដំណើរចាប់ផ្តើមរបស់គេ ពីរឿងរ៉ាវនៅខាងក្រោយនៃការជោគជ័យរបស់គេ ហើយអ្នកបែរជាគិតថាវាជាសំណាង។
ចំណុចខ្វះខាតរបស់អ្នក គឺការដែលអ្នកត្រូវបោះបង់ការគិត ថាគ្រប់យ៉ាងវាធ្លាក់ពីលើមេឃ ជារួមទៅត្រូវជឿលើការខិតខំរបស់ខ្លួនឯង ការមានឆន្ទៈនិងការជឿជាក់លើខ្លួនឯងរយៈពេលយូរ នោះទើបអាចនាំឲ្យអ្នកឆ្ពោះទៅភាពជោគជ័យដូចជាគេឯងដែរ។
សន្លឹកបៀរទី ៣
អ្នកខ្វះពេលវេលាសម្រាក។ អ្នកខិតខំច្រើនពេកហើយ ធ្វើបានល្អណាស់ហើយ អ្នកមិនអន់នោះទេ តែអ្នកធ្វើហួសកម្លាំងហើយពេលនេះ។
យើងសូមឲ្យអ្នកដកឃ្លាពីភាពរវល់ទាំងអស់បន្តិច ហើយផ្តល់ពេលវេលាសម្រាប់ជីវិតខ្លួនឯងបន្តិច។ អ្នកមិនមែនត្រូវរស់នៅតែប៉ុន្មានឆ្នាំទៅមុខនោះទេ ដូច្នេះការដកឃ្លាមួយរយៈពេលខ្លី ត្រឹម ២-៣ ថ្ងៃផ្តល់ក្តីសុខសម្រាប់ខ្លួនឯង និងមនុស្សក្បែរខ្លួន ដែលអ្នកស្រលាញ់បំផុត នោះវាក៏នឹងក្លាយជាកម្លាំងចិត្តរុញឲ្យអ្នកដើរទៅមុខបានលឿនជាងមុនក៏ថាបាន។
ឆ្លៀតពេលវេលានេះះ ក៏គួរត្រលប់ថយក្រោយវិញ គិតដំណើរចាស់ៗដែលបានឆ្លងកាត់ ថាតើខ្លួនឯងលះបង់កម្រិតណា បានខិតខំកម្រិតណា ក៏គួរលើកទឹកចិត្តខ្លួនឯង មុនគិតលើជំហានថ្មី ដែលត្រូវដើរ។ មនុស្សយន្ត សុខៗនៅមានថ្ងៃស៊យ ជាប់គាំងម៉ាស៊ីន ចុះទម្រាំមនុស្សធម្មតា ឲ្យដើរទៅមុខ ដោយមិនឈប់ខ្លះយ៉ាងម៉េចបាន៕
ប្រភព៖ បរទេស | ប្រែសម្រួល៖ ក្នុងស្រុក