នៅផ្លូវជីវិតខាងមុខ អាចនឹងជួបបញ្ហាមួយចំនួន ចូរកុំព្យាយាមគេចវេះ ឬខ្មាសអៀននឹងជួបប្រទះវាអី ផ្ទុយទៅវិញចូរហ៊ានប្រឈម ចាំថាបើដោះផុត អ្នកនឹងអាចជួបរឿងល្អត្រលប់មកវិញ នៅពេលបន្ទាប់។ Knongsrok ចូលរួមចំណែកជួយដល់អ្នក ដោយតម្រូវឲ្យបងប្អូនជ្រើសយកបៀរមួយសន្លឹក ហើយទៅផ្ទៀងផ្ទាត់មើលចម្លើយដូចខាងក្រោម៖
បៀរសន្លឹកទី ១
អ្នកជាមនុស្សដែលចូលចិត្តភាពល្អឥតខ្ចោះ ដោយអ្នករមែងទទួលខុសត្រូវនូវគ្រប់អ្វីដែលបានធ្វើ ហើយទង្វើដែលធ្វើនោះគឺរមែងធ្វើដោយមានការគិតល្អិតល្អន់។ ប៉ុន្តែប្រភេទមនុស្សចំណុចនេះ ពេលខ្លះគឺពិបាកនឹងទទួលយកគំនិតយោបល់ពីអ្នកដទៃបន្តិច បែបនេះយើងសូមលើកទឹកចិត្តឲ្យអ្នកចេះរៀនបត់បែន និងទទួលយកការផ្តល់យោបល់ពីមជ្ឈដ្ឋានជុំវិញខ្លួនខ្លះតាមដែលអាចធ្វើទៅបាន ទើបអាចសម្របនឹងផ្លូវខាងមុខ។
បៀរសន្លឹកទី ២
អ្នកជាមនុស្សដែលប្រើប្រាស់មនោសញ្ចេតនាខ្ពស់ នៅក្នុងការសម្រេចចិត្តខ្លះ អ្នកពិតជាពិបាកនឹងសម្រេច ព្រោះធ្វើដោយមិនដាច់ស្រឡះ ពេលខ្លះខួរក្បាលប្រាប់ឲ្យធ្វើនេះ តែបេះដូងហាមឲ្យបញ្ឈប់ភ្លាម នោះក៏ដោយសារតែគិតពីអ្នកដទៃខ្លាំងជាងខ្លួនឯង។
ផ្លូវខាងមុខនេះ អ្នកគួរតែរៀនប្រឆាំងនឹងអារម្មណ៍ខ្លួនឯង កុំបន្តមនោសច្ចេតនាខ្ពស់ពេកអី ចូរលាយឡំការគិត ដោយប្រើខួរក្បាល និងការពិចារណាមកជាមួយផង មិនដូច្នោះទេ អ្នកអាចធ្លាក់ទៅក្នុងរណ្តៅនៃការលំបាកមិនខាន។
បៀរសន្លឹកទី ៣
អ្នកជាមនុស្សដែលមានចិត្តអាណិតអាសូរ ហើយរមែងជួយមនុស្សជុំវិញខ្លួនដោយគ្មានលក្ខខណ្ឌ និងគ្មានទាមទារអ្វីត្រលប់មកវិញ។ នរណាបានអ្នកជាមិត្ត គឺជាសំណាងដ៏ធំបំផុតរបស់ពួកគេហើយ អ្នករមែងគិតដល់អ្នកដទៃមុនគិតដល់ខ្លួនឯង តែក្នុងកាលៈទេសៈខ្លះវាមិនល្អនោះទេ៕
ប្រភព៖ បរទេស | ប្រែសម្រួល៖ ក្នុងស្រុក