អ្នកកើតឆ្នាំទាំង ៣ ខាងក្រោម តាមក្បួនហោរតែងមើលឃើញថាពួកគេពូកែក្នុងសន្សំសំចៃ ទុកដាក់លុយកាក់ល្អជាងឆ្នាំដទៃណាៗទាំងអស់។ ហេតុផលនេះ ក៏នាំឲ្យពួកគេឆាប់មានឆាប់បាន សល់លុយទាំងដុំ សល់ផ្ទះសល់ឡាន ទាំងវ័យក្មេង៖
អ្នកកើតឆ្នាំមមី – សេះ
សម្រាប់អ្នកកើតឆ្នាំសេះ ពួកគេមិនចេះនៅស្ងៀមទេ កន្លែងណារកបានលុយ គឺត្បុរសំដៅទៅកន្លែងនោះ ដោយច្បាស់អំពីវិធីធ្វើជំនួញ រកស៊ី ប្រកបកិច្ចការងារ ដោយកម្លាំងញើសឈាមខ្លួនឯងតាំងតែពីនៅក្មេងវ័យ។
ពីមួយឆ្នាំទៅមួយឆ្នាំ ចំណូលកើនជាបន្តបន្ទាប់ ហើយកម្រមានការខាតបង់ណាស់ លុះត្រាតែជួបរឿងស៊យ ជៀសមិនផុត។ ទៅមើលជីវិតរបស់ម្ចាស់ឆ្នាំមមី ជារឿយៗតែងមានភាពរុងរឿងជាងឆ្នាំដទៃ ហើយចេះសន្សំទិញបានទ្រព្យធំដូចជាផ្ទះ ដូចជាឡាន ត្រឹមតែប៉ុន្មានឆ្នាំប៉ុណ្ណោះ។ អនាគតពួកគេបូកថែមសំណាងផង នឹងរីកមានបាន សល់ទ្រព្យ នៅពេលចាស់ទៅ។
អ្នកកើតឆ្នាំមមែ – ពពែ
ជាមនុស្សដែលច្រើនមានភាពម៉ត់ចត់ មានទំនួលខុសត្រូវខ្ពស់ ក្នុងការកាន់លុយកាក់ ហើយតែងតែគិតថាគួរទុកលុយដើម្បីធ្វើអ្វី ឲ្យកើតជាផលចំណេញ ពោលមិនចង់សន្សំលុយដើម្បីតែទិញរបស់របរអ្វីមួយឡើយ ទោះដើម្បីខ្លួនឯងក៏ដោយ។
ជោគជតារាសីម្ចាស់ឆ្នាំមមែ ក៏ចារថា បើកាលណាមនុស្សនេះ ពូកែរក្សាលុយហើយ នោះយូរទៅក៏នឹងស្បើយអស់ភាពក្រលំបាក ដោយសារលាភសំណាងនាពាក់កណ្តាលវ័យផង នាំឲ្យពួកគេអាចក្លាយជាអ្នកមានបាន ថាមិនត្រូវមុនអាយុ ៣០ ផង។
អ្នកកើតឆ្នាំច – ឆ្កែ
មនុស្សនេះខិតខំធ្វើការ មានទំនួលខុសត្រូវ និងជឿជាក់លើអ្វីដែលខ្លួនកំពុងធ្វើ មិនសូវចេះខ្វល់ពីពាក្យសម្តីអ្នកដទៃឡើយ។ ជារឿយៗតែងតែទទួលបានផលល្អនៅកន្លែងធ្វើការ ជាងម្ចាស់ឆ្នាំដទៃ បើកន្លែងរកស៊ី តែងលេចធ្លោជាគូប្រកួតក្បែរខ្លួន។
ឈ្លាសវៃ ពូកែសង្កេត ពូកែរៀបចំផែនការណ៍ក្នុងការចំណាយ នោះទ្រព្យនឹងគាប់ប្រសើរឡើងទៅតាមក្បួនដូចបានកំណត់ផងដែរ។ អមការតស៊ូព្យាយាម បូកផ្សំនឹងជោគវាសនាកំណត់ឲ្យម្ចាស់ឆ្នាំច ឆាប់ឆ្លងផុតភាពក្រលំបាកផង ក៏ភាគរយកើតជាអ្នកមាន នឹងមានខ្ពស់ រាសីរមែងឡើងត្រដែតជាបន្តបន្ទាប់៕
ប្រភព៖ បរទេស | ប្រែសម្រួល៖ ក្នុងស្រុក