រាប់ពីថ្ងៃទី ០៥ ដល់ថ្ងៃចន្ទពេញវង្ស ប្រចាំខែកញ្ញា ដែលចំថ្ងៃទី ១០ ក៏ជាថ្ងៃសែនព្រះខែដែរនោះ ចិនសែបានទាយឃើញជោគវាសនាមហាឆ្នាំទាំង ៣ ដែលមានរាសីឡើងខ្ពស់ ក៏ជៀសផុតគ្រោះទាំងឡាយ ហើយប្រទះមកវិញតែលាភសំណាងចូលពេញក្នុងផ្ទះ៖
អ្នកកើតឆ្នាំវក – ស្វា
មនុស្សដែលកើតឆ្នាំវក ភាគច្រើនជាមនុស្សឆ្លាតនិងពូកែ ហើយពួកគេចេះបត់បែន និងសម្របខ្លួនបានល្អទៅតាមកាលៈទេសៈ។ រាល់ពេលជួបបញ្ហា មនុស្សនេះមិនងាយបាក់ទឹកចិត្តទេ ពោលរមែងអាចដោះស្រាយបញ្ហាទាំងនោះបានដោយភាពការប្រើអារម្មណ៍ស្ងប់ស្ងាត់។
យ៉ាងណាពេលវេលាហៅទ្រព្យរបស់អ្នកបានចូលមកដល់ហើយ ក្នុងកំឡុងពេលនេះ ដល់ថ្ងៃចន្ទពេញវង្សប្រចាំខែ គឺពេញទំហឹងតែម្តងសម្រាប់អ្នកកើតឆ្នាំស្វា។ ជីវិតពួកគេនឹងល្អប្រសើរឡើង រួមទាំងសមាជិកក្រុមគ្រួសារ តែត្រូវចាំចេះគ្រប់គ្រងការចំណាយឲ្យបានច្បាស់លាស់ផង។
អ្នកកើតឆ្នាំកុរ – ជ្រូក
ជាមនុស្សដែលមានទេពកោសល្យ និងសមត្ថភាពពីកំណើត។ មនុស្សនេះឆ្លាតនិងមោះមុតខ្លាំងណាស់ ហើយការបង្កើតទំនាក់ទំនងជាមួយអ្នកដទៃក៏ធ្វើទៅបានល្អណាស់ដែរ។
នាពេលដ៏ខ្លីខាងមុខ ជាពិសេសចំថ្ងៃសែនលោកខែ ឱកាសកើបទ្រព្យរបស់អ្នកកើតឆ្នាំកុរនឹងមានច្រើន ហើយបើអ្នករកស៊ីជំនួញធំវិញ ក៏នឹងទទួលបានកិច្ចសន្យាដែលអាចបង្កើតផលចំណេញរាប់មុឺនដុល្លារសម្រាប់ពួកគេ ល្មមអាចសល់លុយទិញផ្ទះ ទិញឡានប្តូរសេរ៊ីថ្មីផ្អើលបងប្អូន។
អ្នកកើតឆ្នាំឆ្លូវ – គោ
ជាមនុស្សដែលស្មោះត្រង់ ចិត្តល្អ ហើយរួសរាយរាក់ទាក់ខ្លាំងណាស់។ លក្ខណៈពិសេសនៃបុគ្គលកើតឆ្នាំឆ្លូវ គឺរមែងមានចិត្តល្អ ធ្វើអំពើល្អជាមួយគេរាល់គ្នា។ ប្រសិនបើឃើញនរណាជួបបញ្ហានៅនឹងភ្នែក បើពួកគេមានលទ្ធភាពអាចជួយបាន គឺពួកគេមិនរុញរានឹងជួយឡើយ។
មកដល់ត្រីមាសចុងក្រោយនៃឆ្នាំ ២០២២ ចំថ្ងៃចន្ទពេញវង្ស នៃខែកញ្ញា ក៏ដល់ពេលវេលាសម្រាប់អ្នកកើតឆ្នាំឆ្លូវផងដែរ ក្នុងការកើបទ្រព្យសម្បត្តិជាច្រើន។ រាល់កិច្ចការងារ ឬដាក់ផែនការណ៍ធ្វើអ្វីថ្មីក្នុងជីវិត ក៏នឹងរមែងទទួលបានជោគជ័យជានិច្ច។ ដូច្នេះបើក្នុងផ្ទះអ្នកមានសមាជិកកើតឆ្នាំទាំង ៣ ដូចរៀបរាប់ពីខាងលើ នោះយើងសូមចូលរួមអបអរសាទរផង៕
ប្រភព៖ បរទេស | ប្រែសម្រួល៖ ក្នុងស្រុក