ថ្ងៃនេះ ជាថ្ងៃចុងក្រោយនៃខែសីហា ហើយរំលងតែជាង ១០ ម៉ោងទៀត នឹងផ្លាស់ទៅទំព័រថ្មីនៃខែកញ្ញាហើយ។ តាមការទស្សន៍ទាយពី Knongsrok យើងតម្រូវឲ្យបងប្អូនជ្រើសរើសក្នុងចំណោមប្រអប់កាដូទាំង ៤ ដើម្បីដឹងថា តើ ៥ ថ្ងៃដំបូងខែថ្មី អ្នកបម្រុងនឹងជួបរឿងរ៉ាវអ្វីខ្លះ?
ប្រអប់កាដូទី ១
អ្នកនឹងទទួលបានភាពរីករាយនៅកន្លែងការងារ និងការរកស៊ី ដោយដំណើរការគ្រប់កាតព្វកិច្ចទាំងឡាយ នឹងសម្រេចទៅបានដោយរលូន ពោលគ្មានឧបសគ្គអ្វីមករាំងស្ទះអ្នកឡើយ នៅ ៥ ថ្ងៃដើមខែខាងមុខ។ ទន្ទឹមនេះ វាក៏ជាផល ជាអំណោយផ្នែកទ្រព្យមួយផ្នែកផងដែរ ជាការប៉ះប៉ូវនឹងញើសឈាមនឿយហត់មួយរយៈពេលមុន។
ប្រអប់កាដូទី ២
បញ្ហាជាប់ជំពាក់នៅខែសីហានេះ នឹងត្រូវដោះស្រាយ រកឃើញផ្លូវចេញ ត្រឹម ៥ ថ្ងៃដំបូងនៃខែកញ្ញា។ មិនថារឿងតូច រឿងធំ រឿងអាក្រក់ប៉ុណ្ណាក៏ដោយ នឹងដូចមានវិញ្ញាណល្អមកជប់ មកជួយទាញដៃអ្នក ឲ្យមកឈរនៅទីទួលកក់ក្ដៅចិត្តសារជាថ្មី។
ប្រអប់កាដូទី ៣
មានមនុស្សមួយចំនួន ដែលគេមិនជឿជាក់លើអ្នក គេហាក់គ្មានទំនុកចិត្តមកលើអ្នកទាល់តែសោះ។ យ៉ាងណានៅខែថ្មី ៥ ថ្ងៃ ពី ០១ ដល់ ០៥ កញ្ញា បើអ្នកជាបុគ្គលិកផ្នែកលក់ ឬការងារដែលតម្រូវឲ្យមានការបញ្ចុះបញ្ចូលអូសទាញភ្ញៀវ ម្ល៉េះអ្នកនឹងទទួលបានដំណឹងល្អ ទទួលបានការយល់ព្រម យល់ស្របពីអតិថិជន។
រីឯអ្នកធ្វើកិច្ចការងារ ឬរបររកស៊ីធម្មតា បើដាក់ចិត្តលើការវិនិយោគអ្វី ដែលបានចាប់ផ្តើមតាំងពីខែចាស់ ក៏នឹងរំពឹងទទួលបានផ្លែផ្កាជាបណ្តើរៗផងដែរ នៅដើមខែដ៏ខ្លីខាងមុខ។
ប្រអប់កាដូទី ៤
គោលដៅរបស់អ្នក ឈានចូលមកដល់ហើយ ការបោះជំហានខិតខំអស់ពេលជាយូរ ពេលវេលាលេចចេញផ្លែផ្កា លេចចេញលទ្ធផលសមប្រកប នឹងចូលមកដល់ នៅពេល ៥ ថ្ងៃខាងមុខ។
ចូររៀបចំខ្លួនឲ្យបានល្អ ត្រៀមនឹងទទួលយកវាដោយក្តីរីករាយ និងមោទនភាពចំពោះការខិតខំកន្លងមក ហើយក៏ត្រូវត្រៀមផែនការណ៍ដើម្បីបោះជំហានទៅកាន់ចំណុចកំពូលបន្ទាប់ផងដែរ៕
ប្រភព៖ បរទេស | ប្រែសម្រួល៖ ក្នុងស្រុក