នៅសម័យកាលមាស ២ ឆ្នាំជាប់ ចន្លោះ ២០២៣/២៤ និង ២០២៤/២៥ ខាងមុខ ហោរាមើលឃើញជោគវាសនាម្ចាស់ឆ្នាំទាំង ៣ ដែលដូចដើរដល់គន្លងនៃផ្កាយលើកយីអ៊ុន ប្រទះហុងស៊ុយល្អហួស កើតទ្រព្យ កើតចំណូល ប្រៀបដូចម៉ាស៊ីនបោះពុម្ពទាំងបាច់ៗ៖
អ្នកកើតឆ្នាំខាល – ខ្លា
ផុតពីឆ្នាំ ២០២២ ឈានចូលដល់ឆ្នាំ ២០២៣ តទៅដល់ ២០២៥ ជោគវាសនាម្ចាស់ឆ្នាំខាល នឹងប្រែមកជាល្អ លែងជាប់ជំពាក់បំណុល ក៏ផុតអស់ទុក្ខគ្រោះទាំងឡាយ ចូលមកវិញ តែលាភ តែសំណាង និងមានដំណឹងល្អច្រើនក្នុងជីវិត។
ឆ្នាំខាល នឹងទទួលបានឱកាសច្រើន អាចផ្លាស់ប្តូរជីវភាពពីក្រខ្សត់ ទៅជីវភាពបង្គួរ ពីបង្គួរទៅជាអ្នកមានបានត្រឹមតែមួយពព្រិចភ្នែក។ ប្រាក់ចំណូល ដូចត្រូវឆ្នោតរង្វាន់ធំ កើនគុណជា ១០ ជា ២០ ជាពិសេសអ្នកស្ថិតនៅវ័យកណ្តាល ល្បាក់ជិត ៣០ ឬ ៣០ ស្តើង នឹងកាន់តែទទួលបានលាភសារនេះ។
អ្នកកើតឆ្នាំឆ្លូវ – គោ
ជាមនុស្សដែលឧស្សាហ៍ព្យាយាម ហើយពីមុនមក ខិតខំខ្លាំងណាស់ តែមិនបានស្រណុកជួបសុខនឹងគេសោះ ក៏ដោយសារពេលវេលានៃផ្កាយព្រះគ្រោះមិនទាន់រំលងផុត។ បញ្ចប់ទំព័រឆ្នាំ ២០២២ ផ្លាស់ចូលឆ្នាំថ្មី ២០២៣ ដល់ ២០២៥ គ្រប់យ៉ាងនឹងមិនដូចមុនទៀតឡើយ រឿងអាក្រក់ៗនឹងត្រូវបានទេវតាប្រោស ឲ្យប្រែមកជារឿងល្អ ត្រឹមមួយពព្រិចភ្នែក។
ម្ចាស់ឆ្នាំឆ្លូវ ត្រៀមតែហោប៉ៅដាក់លុយទៅ ចំណូលនឹងឡើងក្រាស់ពីមួយខែទៅមួយខែ លុយចូលដូចទឹកបាក់ទំនប់ នាំឲ្យជីវិតពោរពេញដោយស្នាមញញឹម សល់ទ្រព្យទាំងដុំ អាចទិញរបស់របរចូលផ្ទះ ល្មមនឹងឲ្យញាតិមិត្តជិតឆ្ងាយមានការងឿងឆ្ងល់ ច្រណែនផងដែរ។
អ្នកកើតឆ្នាំរកា – មាន់
រាសីម្ចាស់ឆ្នាំរកា ផ្លាស់ពីមិនអំណោយផលនៅឆ្នាំចាស់ មកក្លាយជាបានផ្លែផ្កាដុំកំភួននៅឆ្នាំថ្មី ២០២៣ បន្តដល់ ២០២៥។ រឿងរ៉ាវបាក់ទឹកចិត្ត ការគិតវេទនាអារម្មណ៍ទាំងឡាយ នឹងត្រូវបានផាត់ទៅឆ្ងាយ ចូលមកវិញតែការសប្បាយ សុភមង្គលជុំក្រុមគ្រួសារ។
រាសីប្រែប្រួលទៅទិសដៅវិជ្ជមាន ដូចមានពន្លឺចែងចាំង នាំបំណាំឲ្យដើរផ្លូវត្រូវ បោះជំហានទៅមុខ បានឡើងឋានៈបុណ្យសក្តិ នៅក្នុងវិថីការងារ។ រីឯអ្នករកស៊ីរបរធំតូច សុទ្ធតែបានផលចំណេញ កើនចំណូល មួយពេញចិត្ត៕
ប្រភព៖ បរទេស | ប្រែសម្រួល៖ ក្នុងស្រុក