តាមហោរាសាស្ត្របានទស្សន៍ទាយឃើញជោគវាសនាម្ចាស់ឆ្នាំទាំង ៣ នៅចន្លោះថ្ងៃសៅរ៍-អាទិត្យខាងមុខ ពោលចំថ្ងៃទី ២០ និង ២១ សីហា គឺមានមហាឆ្នាំ ៣ ដែលអាចជួបសំណាងចូលលាភហូរចូលមិនដាច់ ពោលជាថ្ងៃមាសថ្ងៃប្រាក់របស់ពួកគេ៖
អ្នកកើតឆ្នាំថោះ – ទន្សាយ
ជាមនុស្សដែលស្មោះត្រង់ ចិត្តល្អ ហើយរួសរាយរាក់ទាក់ខ្លាំងណាស់។ លក្ខណៈពិសេសនៃបុគ្គលកើតឆ្នាំថោះ គឺរមែងមានចិត្តល្អ ធ្វើអំពើល្អជាមួយគេរាល់គ្នា។ ប្រសិនបើឃើញនរណាជួបបញ្ហានៅនឹងភ្នែក បើពួកគេមានលទ្ធភាពអាចជួយបាន គឺពួកគេមិនរុញរានឹងជួយឡើយ។
មកដល់រយៈពេលនៃចុងសប្តាហ៍ នៃថ្ងៃទី ២០-២១ សីហា ក៏ដល់ពេលវេលាសម្រាប់អ្នកកើតឆ្នាំទន្សាយផងដែរ ក្នុងការកើបទ្រព្យសម្បត្តិជាច្រើន។ រាល់កិច្ចការងារ ឬដាក់ផែនការណ៍ធ្វើអ្វីថ្មីក្នុងជីវិត ក៏នឹងរមែងទទួលបានជោគជ័យជានិច្ច។
អ្នកកើតឆ្នាំរោង – នាគ
ជាមនុស្សដែលមានទេពកោសល្យ និងសមត្ថភាពពីកំណើត។ មនុស្សនេះឆ្លាតនិងមោះមុតខ្លាំងណាស់ ហើយការបង្កើតទំនាក់ទំនងជាមួយអ្នកដទៃក៏ធ្វើទៅបានល្អណាស់ដែរ។
នាពេលដ៏ខ្លីខាងមុខ នៅកំឡុងពេល ២ ថ្ងៃ ចំសៅរ៍-អាទិត្យ ផ្តើមពីថ្ងៃគូ ២០ សីហា បញ្ចប់ទៅវិញនៅថ្ងៃ ២១ សីហា ឱកាសកើបទ្រព្យរបស់អ្នកកើតឆ្នាំរោងនឹងមានច្រើន ហើយបើអ្នករកស៊ីជំនួញធំវិញ ក៏នឹងទទួលបានកិច្ចសន្យាដែលអាចបង្កើតផលចំណេញរាប់មុឺនដុល្លារសម្រាប់ពួកគេ។ ដូច្នេះខណៈពេលនេះ កុំទាន់ប្រញាប់សម្រាកអី ចូរខិតខំមួយប្រាវទៀតសិនទៅ។
អ្នកកើតឆ្នាំច – ឆ្កែ
មនុស្សដែលកើតឆ្នាំច ភាគច្រើនជាមនុស្សឆ្លាតនិងពូកែ ហើយពួកគេចេះបត់បែន និងសម្របខ្លួនបានល្អទៅតាមកាលៈទេសៈ។ រាល់ពេលជួបបញ្ហា មនុស្សនេះមិនងាយបាក់ទឹកចិត្តទេ ពោលរមែងអាចដោះស្រាយបញ្ហាទាំងនោះបានដោយភាពការប្រើអារម្មណ៍ស្ងប់ស្ងាត់ មិនស្រែកគំហុក ឬបន្ទោសនរណាម្នាក់ឡើយ។
យ៉ាងណាពេលវេលាហៅទ្រព្យរបស់អ្នកបានចូលមកដល់ហើយ ក្នុងរយៈពេល ២ ថ្ងៃពេញខាងមុខ ចំសៅរ៍-អាទិត្យ គឺពេញទំហឹងតែម្តងសម្រាប់អ្នកកើតឆ្នាំច។ ជីវិតពួកគេនឹងល្អប្រសើរឡើង តែត្រូវចាំចេះគ្រប់គ្រងការចំណាយឲ្យបានច្បាស់លាស់ផង៕
ប្រភព៖ បរទេស | ប្រែសម្រួល៖ ក្នុងស្រុក