តាមរយៈលំពែងវេទមន្តទាំង ១០ យើងសូមឲ្យបងប្អូនធ្វើការជ្រើសរើសយកមួយ ដើម្បីទទួលយកសារណែនាំសម្រាប់ជីវិត ដើរចេញពីភាពលំបាកក្នុងពេលវេលានេះ៖
លំពែងទី ១
លំពែងនេះ បង្ហាញថានៅពេលខាងមុខ អ្នកនឹងមានសំណួរជាច្រើនដែលត្រូវសួរមកកាន់ខ្លួនឯង តើអ្នកចង់បានអ្វី អ្នកចង់ទៅកន្លែងណា? ជីវិតរបស់អ្នកមិនលំបាករហូតនោះទេ ក៏នៅតែមានពេលមួយ ឆាប់ៗប៉ុន្មានសប្តាហ៍បន្ទាប់នេះ គ្រប់យ៉ាងនឹងកើតឡើងទៅតាមហេតុនិងផល។
នោះមានន័យថា ការដែលអ្នកបានខិតខំជាច្រើនកន្លងមក វានឹងតបស្នងមកវិញនូវផលជាផ្លែផ្កា ដែលអ្នកសក្តិសមនឹងទទួលបាន។ គ្រប់ស្ថានភាពទាំងអស់ចាប់ពីពេលនេះទៅ អ្នកត្រូវបន្ថែមការអត់ធ្មត់ខ្ពស់ ដើម្បីត្រៀមចាប់យកលាភធំសម្រាប់ជីវិតនៅពេលខាងមុខ។
លំពែងទី ២
ក្នុងចិត្តអ្នកគឺដឹងច្បាស់ហើយ ថាអ្នកកំពុងរង់ចាំអ្វី ចង់បានអ្វី? តាមរយៈលំពែងនេះបានផ្តល់ចម្លើយមកហើយ ការរង់ចាំគឺបានឈានមកដល់គោលដៅ។ រឿងចម្បងដែលអ្នកត្រូវធ្វើ គឺបន្តភាពរឹងមាំ និងជឿជាក់លើខ្លួនឯង។
រឿងអស្ចារ្យនឹងកើតឡើងឆាប់ៗខាងមុខនេះ អាចថាប៉ុន្មានខែបន្ទាប់យ៉ាងយូរបំផុត ហើយចូរធ្វើគ្រប់យ៉ាងដោយប្រើប្រាស់ក្តីស្រលាញ់ចេញពីចិត្តនិងបេះដូង។
លំពែងទី ៣
ល្អណាស់ដែលអ្នកជាមនុស្សចេះមានក្តីសុបិន្តក្នុងជីវិត តែអ្វីដែលរឹតតែស្រស់បំព្រងទៀតនោះ គឺការសម្រេចក្តីសុបិន្តនោះឲ្យក្លាយជាការពិត។
វាដល់ពេលហើយដែលអ្នកត្រូវបោះជំហានទៅមុខបន្ទាប់ទៀត ធ្វើការវិភាគនិងគូសវាសឲ្យបានល្អិតល្អន់ អំពីអ្វីដែលអ្នកដាក់គោលដៅនៅពេលខាងមុខនេះ។ កន្លងមកអ្នកបានប្រឹងប្រែងច្រើនហើយ យើងលើកទឹកចិត្តឲ្យអ្នកខិតខំប៉ុន្មានជំហានទៀត តែកុំភ្លេចឆ្លៀតពេលសម្រាកបន្តិចផង។
លំពែងទី ៤
អ្នកជាមនុស្សដែលមានចិត្តល្អ តែងតែជួយយកអសារអ្នកដទៃ។ នៅពេលខាងមុខនេះ អ្នកអាចនឹងជួបប្រទះបញ្ហាមួយចំនួនក្នុងជីវិត តែកុំបារម្ភអី នឹងមានគេចាំជួយអ្នក នៅក្បែរអ្នកជានិច្ច។
យើងមិនអាចទម្លាយមុនបានទេ ថាម្នាក់នោះជានរណាឲ្យប្រាកដ ប៉ុន្តែអ្នកអាចជឿជាក់លើគេបាន ហើយគេគឺជាចំណែកដែលនឹងជួយត្រួសត្រាយជីវិតអ្នកឲ្យសម្រេចបាននៅគោលដៅដ៏ធំ។
លំពែងទី ៥
ដល់ពេលដែលអ្នកត្រូវបម្លាស់ទីទៅមុខហើយ ឬអភិវឌ្ឍខ្លួនទៅកម្រិតថ្មីមួយទៀតហើយ។ ដ្បិតការងារ ឬការរកស៊ីបច្ចុប្បន្ន វាបានធ្វើឲ្យអ្នករស់នៅក្នុងកម្រិតសមរម្យមួយក៏ដោយ តែការដែលបន្តនៅ Comfort Zone រយៈពេលយូរពេក វាមិនជារឿងល្អទៅវិញ។
ទាន់អ្នកមានពេលវេលា អ្នកមានផ្លូវក្រោយសម្រាប់បក អ្នកក៏ដល់ពេលបោះជំហានទៅកាន់អាជីពថ្មីមួយទៀត ឬការងារថ្មី ដើម្បីចាប់យកក្តីស្រមៃធំដែលចង់បានពិតប្រាកដ។ អ្នកត្រូវចាំថា ដើម្បីបានត្រីធំ អ្នកក៏ត្រូវលះបង់នុយតូចៗមួយចំនួនដែរ ដូច្នេះមិនអាចចាប់យកគ្រប់យ៉ាងបានឡើយក្នុងជីវិត។
លំពែងទី ៦
បើមិនប្រឈមហានិភ័យ មិនបានទេលាភធំ។ យើងមិនណែនាំឲ្យអ្នកបោះបង់គ្រប់យ៉ាងនោះទេ តែគួរបន្ថែម ឬរកមធ្យោបាយថ្មី ដែលល្អប្រសើរជាងនេះ។
បើកចិត្តឲ្យទូលាយ មើលឃើញពិភពលោកឲ្យធំ ហើយដើរតាមក្តីស្រមៃដែលបានគ្រោងទុក។ ភាពនឹងនពេលនេះ ក៏រាប់បានជាជំហានមួយ ដែលនឹងជួយត្រួសត្រាយអ្នកទៅកាន់វិថីថ្មី ជាជាងបន្តនៅកន្លែងដដែល នោះថ្ងៃណាមួយនឹងមានគេមកប្រជែង គេមកទម្លាក់អ្នកជាមិនខាន។ ត្រូវចាំថា ជីវិតគឺរត់ជានិច្ច កុំទាន់ឆាប់សម្រាកលឿនពេក បើមិនទាន់សម្រេចគោលដៅធំ។
លំពែងទី ៧
បើអ្នកកំពុងគិតពីការចង់រកស៊ីអ្វីមួយ ឬបោះជំហានទៅក្នុងវិស័យថ្មីណាមួយ អ្នកគួរដល់ពេលដែលត្រូវចេញដំណើរទៅហើយ ព្រោះអ្នកបានជាប់គាំងរយៈពេលយូរពេក ដែលសឹងតែនាំឲ្យខ្លួនឯងបាត់បង់មហិច្ឆតា និងភាពរឹងមាំពិតប្រាកដ។
ក្រោយការវិភាគ និងគូសវាសកន្លងមក បើអ្នកយល់ថា អ្នកត្រៀមខ្លួនហើយនោះ គួរដល់ពេលហើយដែលអ្នកត្រូវចេញទ័ព ក្នុងការច្បាំងជាមួយការប្រកួតប្រជែងក្នុងជីវិត។
លំពែងទី ៨
អ្នកជាមនុស្សដែលជឿជាក់លើខ្លួនឯងខ្លាំងពេក រហូតធ្វើឲ្យពេលខ្លះ ខ្លួនឯងហ្នឹងហើយជាអ្នកបិទផ្លូវខ្លួនឯង។ តាមពិតទៅក្នុងកាលៈទេសៈខ្លះ អ្នកគួរតែស្តាប់ការណែនាំរបស់អ្នកដទៃ ឬយោបល់របស់អ្នកដទៃ ព្រោះកុំមើលតែមួយជ្រុងនៃការគិតរបស់អ្នក ពេលខ្លះគំនិតគិតមកផ្សំគំនិតអ្នក វាកាន់តែល្អថែមទៀតក៏មាន។
នៅពេលខាងមុខនេះ អ្នកមិនអាចបន្តភាពរឹងរូស ឬចចេសមិនស្តាប់អ្នកដទៃទៀតនោះទេ អ្នកគួរតែលំអន់ខ្លួនបន្តិច បន្ទន់ការគិត ការសម្រេចចិត្ត ដោយគិតឲ្យបានធំទូលាយជាងពេលមុន។
លំពែងទី ៩
បំភ្លេចចោលទំនាក់ទំនងដែលមិនល្អពីមុនមក។ ដោយសារតែអ្នកធ្លាប់ត្រូវបានគេបោះបង់ ធ្លាប់ទទួលរងអារម្មណ៍ឯកោ អ្នកក៏ចាប់ផ្តើមស្អប់មនុស្សផែនដី ហើយគិតថាបុរសឬនារីនោះ នឹងមិនល្អនោះទេ ពោលសុទ្ធតែជាមនុស្សដែលអាក្រក់ដូចគ្នា។
អ្នកធ្វើបែបនេះ ហាក់កំពុងបិទផ្លូវខ្លួនឯង ហើយមើលឃើញមនុស្សល្អក្លាយទៅជាមនុស្សអាក្រក់។ ដល់ពេលដែលអ្នកត្រូវកែតម្រូវហើយ អ្នកត្រូវបើកចិត្តឲ្យទូលាយឡើងវិញ ហើយផ្តោតទៅលើនរណាម្នាក់សារជាថ្មី ដោយត្រូវចាំថា មនុស្សមិនដូចគ្នាទាំងអស់នោះទេ។
លំពែងទី ១០
បញ្ឈប់ការសង្ស័យ ការមិនជឿជាក់លើខ្លួនឯង ព្រោះវាកំពុងបំផ្លាញគោលដៅរបស់អ្នក។ អ្នកប្រហែលជាធ្លាប់បានឆ្លងកាត់រឿងរ៉ាវលំបាកជាច្រើន ហើយការសម្រេចចិត្តរបស់អ្នកហ្នឹងហើយជាអ្នកសម្លាប់ខ្លួនឯង។
ដោយសារតែអ្នកមិនមានការជឿជាក់លើខ្លួនឯង អ្នកសម្រេចចិត្តដោយមានភាពស្ទាក់ស្ទើរ នាំឲ្យស្ថានភាពខ្លះ វាក្លាយជាការសម្រេចចិត្ត។ ដល់ពេលដែលអ្នកត្រូវផ្លាស់ប្តូរចំណុចហ្នឹងហើយ ចូរធ្វើការវិភាគ និងគិតឲ្យបានល្អិតល្អន់ ហើយត្រូវចាំថា ខ្លួនឯងជាទំនួលខុសត្រូវខ្លួនឯង ហើយកុំពឹងផ្អែកលើគំនិតយោបល់អ្នកដទៃខ្លាំងជាងខ្លួនឯង៕
ប្រភព៖ បរទេស | ប្រែសម្រួល៖ ក្នុងស្រុក