ចន្លោះពីខែសីហា ទៅដល់ចុងខែឆ្នាំ ២០២២ សម្រាប់ជោគវាសនាអ្នកកើតឆ្នាំទាំង ៤ ខាងក្រោម នឹងមានដួងរាសីរំលេចឡើងនៅកំពូលភ្នំមាសភ្នំប្រាក់ នាំឲ្យលុយកាក់ហូរចូលឥតខ្វះ។ តោះទៅមើលនៅខាងក្រោម តើមានឆ្នាំរបស់អ្នកដែរឬទេ?
អ្នកកើតឆ្នាំកុរ – ជ្រូក
ជាមនុស្សដែលមានការប្រុងប្រយ័ត្ន ឈ្លាសវៃ ចេះដឹងពីរបៀបទាញប្រយោជន៍នៅរាល់ឱកាសដែលបានជួប។ បុគ្គលនេះ ដាក់គោលដៅជីវិតច្បាស់ណាស់ ហើយពួកគេក៏មិនចូលចិត្តចំណាយពេលឥតប្រយោជន៍ដែរ ពោលសូម្បីតែពេលវេលាក៏ចាយយ៉ាងត្រឹមត្រូវ។
ផ្លូវឆ្ពោះទៅវិថីរីកចម្រើន ហាក់ដូចគេដឹកដៃនាំដើរទៅមុខ ឥតជួបឧបសគ្គ គ្រោះមកពីឆ្វេងក៏ផុត ទុក្ខមកពីស្តាំក៏រលត់ ហើយបំពេញមកវិញ ដោយសំណាងប្រោះព្រំពីព្រះ នាំឲ្យជីវិតពួកគេជួបតែរឿងល្អ ចាប់ពីខែសីហា ដល់ដំណាច់ឆ្នាំ ២០២២។
អ្នកកើតឆ្នាំថោះ – ទន្សាយ
បន្ទាប់ការខិតខំសាងអាជីព សង់កេរ្តិ៍ឈ្មោះអស់រយៈពេលជាច្រើន ក៏ដល់ពេលវេលាហើយសម្រាប់ម្ចាស់ឆ្នាំថោះ ក្នុងការកើបប្រាក់ចំណេញ ចូលហួសឥតឧបមា លើសទាំងបំណងប្រាថ្នាដែលរំពឹងទុក។
ភាពចាស់ទុំក៏ចាប់ផ្តើមកើតមាន ភាពក្លាហានក៏ហាក់ចូលមកបញ្ឆេះក្នុងចិត្ត ដូចមានវិញ្ញាណល្អទាញឲ្យធ្វើរឿងត្រូវ រឿងនាំប្រយោជន៍ធំមកក្នុងជីវិត។ ចន្លោះខែសីហា តទៅមុខ ដល់បញ្ចប់ខែធ្នូ ឆ្នាំ ២០២២ រាសីម្ចាស់ឆ្នាំថោះ ឡើងខ្ពស់ត្រដែត សល់លុយទាំងដៃ មិនខ្វះចាយឡើយ។
អ្នកកើតឆ្នាំឆ្លូវ – គោ
រីឯអ្នកកើតឆ្នាំឆ្លូវ នៅល្បាក់ចុងឆ្នាំ ២០២២ និងដើមឆ្នាំ ២០២៣ ជាពេលវេលាមានការប្រែប្រួលវិជ្ជមានខ្លាំងក្នុងជីវិតរបស់ពួកគេ។ អំពើល្អ ទាំងឡាយដែលបានសាង ក៏ដល់ពេលសំណាងតបស្នងមកវិញហើយ។
ទ្រព្យពីមុនរកបានត្រឹមដូចទឹកសន្សើមស្រក់ លុះដល់ចន្លោះខែសីហា ដល់ចុងឆ្នាំ ក៏ហូរចូលដូចទឹកបាក់ទំនប់ ជួនខ្លះរកតែមួយយប់ ស្មើគេរកមួយខែ។ ពេលវេលានាំលាភចូលផ្ទះ គឺផ្ទុះធំ នៅល្បាក់ចុងឆ្នាំ ២០២២ ដែលជាថ្ងៃល្អ ខែល្អ ជាងថ្ងៃខែធម្មតាដល់ទៅ ៣ ដង។ មនុស្សកាន់តែចំណាស់ លុយចូលកាន់តែក្រាស់ទៅតាមនោះ។
អ្នកកើតឆ្នាំវក – ស្វា
ងាកមកឆ្នាំចុងក្រោយ គឺឆ្នាំវក រមែងជាមនុស្សមានអត្តចរិតស្លូតបូត ឧស្សាហ៍ព្យាយាម ហ៊ានថា ហ៊ានទទួលខុសត្រូវ សក្តិសមជាអ្នកដឹកនាំយ៉ាងពិតប្រាកដ មិនថាតែក្នុងគ្រួសារនិងស្ថាប័នការងារនានា។
ពេលវេលាលើកហិរញ្ញវត្ថុ ដល់ម្ចាស់ឆ្នាំវក នឹងបត់មកភាពវិជ្ជមានខ្លាំង នៅចន្លោះខែសីហា ដល់ចុងឆ្នាំ ២០២២ ដោយដូចមានមនុស្សល្អមកជួយជ្រោមជ្រែង ជួយបើកផ្លូវ ឲ្យឆ្ពោះទៅរកភាពល្អប្រសើរជាទីគាប់ចិត្ត។
សំណាងត្រៀមមកដល់ហើយ ដូច្នេះម្ចាស់ឆ្នាំវក ក៏ត្រៀមទទួលយកឲ្យបានល្អផង។ តែកុំភ្លេចនូវភាពអំណត់ ការអត់ធ្មត់ឲ្យបានខ្ពស់ ព្រោះក៏មានលាយឧបសគ្គតេស្តចិត្តអ្នកខ្លះៗដែរ មុនទម្លាក់លាភធំមកក្នុងជីវិត៕
ប្រភព៖ បរទេស | ប្រែសម្រួល៖ ក្នុងស្រុក