តាមហោរាសាស្រ្តបានទស្សន៍ទាយមើលឃើញពីការលំបាកជាច្រើនកន្លងមករបស់ម្ចាស់ឆ្នាំទាំង ៤ ខាងក្រោម ដែលបុគ្គលខ្លះ ប្រឹងហើយប្រឹងអស់ពីលទ្ធភាព តែសំណាងមិនផ្តល់ឲ្យ ក៏នាំឲ្យពួកគេមិនបានផលសមប្រកបដូចចិត្ត។ ងាកមកពេលវេលាថ្មីនេះ រាប់ពីថ្ងៃថ្មី ២៨/១២/២២ ពួកគេនឹងទទួលបានផលតបស្នងមកវិញហើយ៖
អ្នកកើតឆ្នាំកុរ – ជ្រូក
ជោគជតារាសីមិនថាបុរស ឬស្រ្តី ដែលកើតឆ្នាំកុរ ដល់ពេលវេលាសោយសុខនឹងប្រាក់កាក់ហើយនៅថ្ងៃថ្មី ទី ២៨ ធ្នូតទៅមុខ។ កន្លងមកជីវិតបុគ្គលខ្លះ បានឆ្លងកាត់ការបែកបាក់ ការលែងលះ ការជំទាស់ពីក្រុមគ្រួសារ តែពេលទៅមុខនេះ គ្រប់យ៉ាងនឹងរកឃើញដំណោះស្រាយ មេឃបានស្រឡះហើយ បញ្ហាទាំងអស់រកឃើញផ្លូវចេញហើយ។
បើនិយាយពីអាជីពការងារ ការរកស៊ីឯណោះវិញ យីអ៊ុនម្ចាស់ឆ្នាំកុរ នឹងផ្ទុះខ្លាំងនៅឆ្នាំ ២០២៣ ឯណោះ ក៏ប៉ុន្តែមានលាយឡំនៅក្រឡមាសប្រាក់ធ្លាក់មកម្តងម្កាលដែរ នាល្បាក់ប៉ុន្មានថ្ងៃខាងមុខ។ សុខៗក៏ជួបប្រទះ គិតថើរៗក៏ចេញចម្លើយល្អ អាចជួយឲ្យអ្នកឆ្ពោះទៅរកភាពរុងរឿងក្នុងជីវិត នៅចន្លោះពេលខាងមុខ។ ខ្សែជីវិតម្ចាស់ឆ្នាំជ្រូក ល្មមអាចឲ្យមនុស្សមួយចំនួនច្រណែនបាន ព្រោះពីលំបាកផ្លាស់មកស្រណុក ដូចគេបត់ ១៨០ ដឺក្រេ។
អ្នកកើតឆ្នាំឆ្លូវ – គោ
ជាមនុស្សដែលមានការយោគយល់និងចេះអធ្យាស្រ័យដល់អ្នកដទៃ ហើយរមែងជួយគេដោយមិនចង់បានអ្វីត្រលប់មកវិញឡើយ។ យ៉ាងណាមួយរយៈមុនពួកគេហាក់ជួបបញ្ហាហិរញ្ញវត្ថុ និងភាពរកាំរកូសនាំឲ្យផ្លូវចិត្តមានការសោកសង្រេង។
ដំណឹងល្អតាមក្បួនហោរាសាស្ត្រអ្នកកើតឆ្នាំឆ្លូវ នៅកំឡុងចុងខែធ្នូ នឹងទទួលបានពរជ័យត្រលប់មកវិញហើយ ពោលនាំឲ្យមានភាពរុងរឿង ជួបរឿងដែលលើសពីការរំពឹងទុក ដូចជាត្រូវបានថ្នាក់លើនៅកន្លែងការងារកោតសរសើរ ដំឡើងប្រាក់ខែឲ្យ រីឯក្នុងអាជីវកម្ម ឬការធ្វើជំនួញនឹងបានជួបអតិថិជនល្អដូចគ្រាប់ពេជ្រ ដែលជួយជំរុញឲ្យអាជីវកម្មអ្នកកាន់តែរលូនទៅមុខបន្ថែមទៀត។
អ្នកកើតឆ្នាំជូត – កណ្តុរ
ជាមនុស្សដែលមានការគិតបែបសុទិដ្ឋិនិយម ពោលគិតឃើញតែរឿងវិជ្ជមាន ច្រើនជាងអវិជ្ជមាន។ ផ្នត់គំនិតរបស់ពួកគេ គឺប្រកាន់ខ្ជាប់ភាពស្មោះត្រង់ ក្បត់ខ្លួនឯងបាន តែមិនក្បត់អ្នកដទៃ។
ក្រោយឆ្លងកាត់ដំណឹងមិនល្អប៉ុន្មានសប្ដាហ៍មកនេះ ក៏ដល់ពេលដែលអ្នកជួបរឿងល្អត្រលប់មកវិញហើយ ទាំងនៅកន្លែងធ្វើការនិងក្នុងជីវិតប្រចាំថ្ងៃ។ អ្នកនឹងទទួលបានភាពរីកចម្រើនជាងមុន ហើយអាចឆ្លងផុតបញ្ហាដែលជួបប្រទះកន្លងមក ពោលគឺដំណោះស្រាយនៃរឿងទាំងនោះបានលេចចេញមកហើយចាប់ពីថ្ងៃទី ២៨ ធ្នូតទៅ។
អ្នកកើតឆ្នាំច – ឆ្កែ
ជាមនុស្សដែលមានភាពរីករាយច្រើន ទោះខាងក្នុងលំបាកប៉ុណ្ណា ក៏ស្នាមញញឹមនៅតែលេចចេញមកដែរ។ ជាងនេះពួកគេចូលចិត្តជួយមិត្តភ័ក្ដិនិងមនុស្សជុំវិញខ្លួនណាស់ ដ្បិតបើជាមនុស្សដែលមិនសូវចេះនិយាយស្តីច្រើនក៏ដោយ។
រាល់ការប្រឈមនឹងបញ្ហាឬការលំបាកនានា ពួកគេរមែងជឿជាក់លើដំណោះស្រាយខ្លួនឯងជាងយោបល់របស់អ្នកដទៃ។ ជាការពិតលាភសំណាងរបស់អ្នកកើតឆ្នាំច បានចូលមកដល់ដូចឡើងឋានសួគ៌នៅថ្ងៃទី ២៨ ធ្នូស្អែកនេះ ហើយអ្នកក៏ដល់ពេលទទួលបានការអភិវឌ្ឍខ្លួន និងជួយឲ្យជីវិតល្អប្រសើរជាងមុនផងដែរ។ សម្រាប់អ្នកកើតឆ្នាំច បើកំពុងវិនិយោគក្នុងវិស័យកសិកម្ម សម្រាប់ចុងខែនេះនឹងទទួលបានផលច្រើនពីវា៕
ប្រភព៖ បរទេស | ប្រែសម្រួល៖ ក្នុងស្រុក