ឆ្លងផុតតែ ៥ ថ្ងៃ រាប់ពីថ្ងៃទី ២៧ នេះទៅ បើកក្បាលចូលខែថ្មី ខែសីហា ឆ្នាំ ២០២២ សម្រាប់រាសីម្ចាស់ឆ្នាំទាំង ៣ ខាងក្រោម នឹងឡើងខ្ពស់ត្រដែត ប្រទះលាភសំណាងហូរចូលជុំទិស៖
អ្នកកើតឆ្នាំមមី – សេះ
អ្នកកើតឆ្នាំមមី ជាមនុស្សដែលពូកែខាងបង្កើតទំនាក់ទំនង ហើយរមែងប្រើប្រាស់បណ្តាញនោះ ក្លាយទៅជាអាជីពបង្កើតចំណូលជាប្រចាំ។ ស្ទើរពេញមួយជីវិតម្ចាស់ឆ្នាំសេះ តែងតែជួបសំណាង ហើយដើមខែសីហាខាងមុខនេះ គឺកាន់តែមិនអាចលើកលែងបាន។
លាភសំណាងនឹងកាន់តែធំ ធំជាងខែមុនៗទៅទៀត ពោលវានឹងក្លាយជាផលលើសការរំពឹងទុក តែយ៉ាងណាត្រូវចាំ កុំខ្ជិល កុំធុញនឹងការងារឬរបររកស៊ីខ្លួនឯង បើខំពង្រឹងបន្ថែម គួបផ្សំលាភដែលបម្រុងមកដល់ផង អ្នកនឹងអាចសល់លុយទិញឡាន ទិញផ្ទះសម្រាប់ខ្លួនឯងក៏ថាបាន។
អ្នកកើតឆ្នាំកុរ – ជ្រូក
ម្ចាស់ឆ្នាំកុរ ជាមនុស្សដែលធ្វើការច្រើន តែមិនងាយនឹងត្អូញថាហត់នឿយឡើយ។ នៅបញ្ចប់ខែកក្កដា ឈានចូលដើមខែសីហាខាងមុខ ពេលវេលាលើកយីអ៊ុនសម្រាប់ពួកគេក៏បានឈានចូលមកដល់។ មហាសំណាងនឹងធ្លាក់ពីលើមេឃ លើកឲ្យរាសីឆ្នាំកុរ ឡើងខ្ពស់ត្រដែត។
ទ្រព្យសម្បត្តិនឹងរីកសុះសាយ មុខងារតួនាទីនានាក៏មានឱកាសនឹងអាចបានឡើងខ្ពស់ជាងមុន។ យ៉ាងណាត្រូវចាំរឿងមួយ បើចង់រក្សាលាភ នៅខែក្រោយនេះ ត្រូវដាក់គម្លាតឈរឲ្យឆ្ងាយពីមនុស្សពូកែត្អូញត្អែរ និងមនុស្សមាត់តូចមាត់ធំ។
អ្នកកើតឆ្នាំគោ – ឆ្លូវ
ម្ចាស់ឆ្នាំគោ ជាមនុស្សមានការគិតបែបសុទិដ្ឋិនិយម មើលឃើញអ្វីក្នុងផ្លូវវិជ្ជមានជានិច្ច ជាហេតុនាំឲ្យអនាគតរបស់ពួកគេ រមែងទទួលបានភាពល្អប្រសើរច្រើន។ បន្ទាប់ពីឆ្លងកាត់ការធ្លាក់ចុះ នៅខែមិថុនា និងកក្កដា សម្រាប់ខែសីហាខាងមុខ សំណាងបានចូលមកដល់ជីវិតរបស់ពួកគេហើយ។
ឆ្នាំគោ នឹងលែងមានការព្រួយបារម្ភ ដែលត្រូវក្រោកមកខ្វល់ខ្វាយរឿងលុយទៀតហើយ ដោយជីវិតនឹងបើកភ្នែកឃើញតែភាពបរិបូរណ៍ លុយហូរចូលគ្រប់ច្រក នាំឲ្យហិរញ្ញវត្ថុគ្រួសារទាំងមូលត្រលប់មកភាពធូរស្រាល៕
ប្រភព៖ បរទេស | ប្រែសម្រួល៖ ក្នុងស្រុក