តាមក្បួនដែលគេនិយមទស្សន៍ទាយឃើញ ភាគច្រើននៃអ្នកកើតឆ្នាំទាំង ៣ ខាងក្រោម កើតមកមិនសូវមានសម្ពាយទ្រព្យនោះទេ ពោលអភ័ព្វខ្វះខាត ហើយត្រូវខិតខំរកទាំងយប់ថ្ងៃ តែយ៉ាងណាទឹកចិត្តរបស់ពួកគេវិញ គឺធំធេងប៉ុនមហាសាគរ ដែលនេះជាអំពើនៃបុណ្យទាំងពីអតីតជាតិ និងបច្ចុប្បន្នជាតិ នាំឲ្យជីវិតតទៅមុខ នឹងមិនលំបាកយូរឡើយ៖
អ្នកកើតឆ្នាំរោង – នាគ
ចិត្តមនុស្សកើតឆ្នាំនាគល្អក្រៃកន្លង ចេះមើលទុក្ខធុរៈបងប្អូនសាច់ញាតិ ពោលមិនចេះរស់នៅរកសុខតែឯកឯងឡើយ។ ហេតុនេះ ទើបនាំឲ្យពួកគេរមែងស្ពាយសម្ពាធបញ្ហាច្រើន តែសុទ្ធសឹងជាអម្រែករបស់អ្នកជុំវិញខ្លួនសឹងតែទាំងអស់ ជារួមបើត្រឹមមើលថែ ផ្តល់ឲ្យខ្លួនឯងបានសុខគឺមិនជាលំបាកពេកឡើយ។
តែយ៉ាងណាពេលទៅមុខ អ្នកកើតឆ្នាំរោង ក៏រមែងដើរប្រទះជួបមនុស្សមានឋានៈខ្ពស់ជាងខ្លួន ដែលពួកគាត់បានមើលឃើញពីសេចក្តីស្មោះត្រង់ ការលះបង់ដោយមិនចង់បានអ្វីតបស្នងមកវិញ វាជាចំណុចលេចធ្លោរបស់អ្នក។ អំពើល្អទាំងនោះ ក៏នាំឲ្យអ្នកខ្ពស់ អ្នកមានឋានៈធំជាងមើលឃើញ ហើយជួយជ្រោមជ្រែង និងផ្តល់ឱកាសឲ្យស្ងាត់ៗ អាចនាំឲ្យអ្នកមានបានលឿនត្រឹមមួយរំពេច។
អ្នកកើតឆ្នាំមមែ – ពពែ
ជាមនុស្សមានអត្តចរិតស្មោះត្រង់ ចេះគិតគូរវែងឆ្ងាយ ហើយបើធ្វើកិច្ចការងារអ្វីមួយ គឺរមែងព្យាយាមឲ្យអស់ពីសមត្ថភាព ដើម្បីរកវិធីបញ្ចប់កិច្ចការនោះ ឲ្យបានលទ្ធផលល្អជាទីបំផុត។
អ្នកកើតឆ្នាំមមែ មិនចេះឈរឱបដៃមើលគេលំបាកទេ ពោលចូលចិត្តជួយគេ បើពេលខ្លះខ្លួនឯងកំពុងលំបាកហើយក៏ដោយ។ បុគ្គលនេះ ជឿថាការផ្តល់ឲ្យអ្នកខ្សត់ជាងខ្លួន ជួយយឹតយោងអ្នកដែលលំបាក គឺជាក្តីសុខពិតប្រាកដសម្រាប់ពួកគេក្នុងជីវិត ពោលភាពមានបានតែឯកឯង មិនបានជួយឲ្យគេគ្រប់គ្រាន់នោះឡើយ។
បន្ទាប់ពីរៀបការរួច ចាំមើលចុះ ចំណូលម្ចាស់ឆ្នាំមមែ នឹងកើនគុណជា ១០ ជា ២០ ព្រោះរកប៉ះមនុស្សប្រុស ឬមនុស្សស្រីល្អ ដែលមានចិត្តបុណ្យដូចគ្នា។ មនុស្សនេះ កាន់តែមាន កាន់តែធ្វើបុណ្យ ក៏អរគុណដល់វដ្តនៃផលតបស្នង អំពើនិងផល ក៏ជាហេតុនាំឲ្យសល់តែសុខតែសាន្ត តទៅអនាគតជាតិទៀតផង។
អ្នកកើតឆ្នាំកុរ – ជ្រូក
មនុស្សនេះតែងតែរីកចម្រើន ដោយសារចូលចិត្តជួយអ្នកដទៃ ដោយមិនសម្លឹងឃើញប្រយោជន៍តបមកខ្លួនវិញ។ មិនថាចំពោះមិត្តភក្តិ ឬពេលខ្លះមនុស្សទើបស្គាល់ថ្មីថ្មោង ក៏ពួកគេមានចិត្តចង់ជួយ ចង់ចែករំលែកឲ្យអ្នកនោះផងដែរ ទាំងដែលខ្លួនមិនមានអ្វីច្រើនជាដុំកំភួន។
ឆ្លងផុតទុក្ខ ជម្នះអស់ភាពក្រីក្រ មិនមែនដោយសារតែការខិតខំប្រឹងប្រែងមួយមុខទេ តែវាក៏កើតចេញពីសេចក្តីស្ងប់ និងភាពមិនលោភលន់ចង់បានរបស់អ្នកដទៃនោះឯង។ ជីវិតផ្តើមចេញពីត្រី មកក្លាយជានាគ នាំឲ្យកើតជាផលមានបាន តកូនតចៅច្រើនជំនាន់ តែកុំភ្លេចណា ចូលអ្នកណែនាំកូនៗ ឲ្យបន្តធ្វើអំពើល្អនោះផង៕
ប្រភព៖ បរទេស | ប្រែសម្រួល៖ ក្នុងស្រុក