ខែកក្កដានៅសល់តែ ១០ ថ្ងៃទៀតប៉ុណ្ណោះ នឹងកន្លងផុតទៅហើយ ដោយឡែកយើងត្រៀមស្វាគមន៍ខែថ្មី ខែសីហាចូលមកដល់។ បើតាមជើងលេខ គន់គូរពីហោរាសាស្រ្ត នៅចន្លោះខែថ្មី រាប់ពីម៉ោង ០០:០០ ចូលថ្ងៃទី ១ សីហាតទៅ ម្ចាស់ឆ្នាំទាំង ៤ បួងសួងអ្វីក៏នឹងសម្រេចបានដូចពិត ពោលលាភធំខិតជិតមកដល់ហើយ៖
អ្នកកើតឆ្នាំរោង – នាគ
ចូលដល់ខែថ្មីសីហាខាងមុខ ពោរពេញដោយសំណាងសម្រាប់អ្នកកើតឆ្នាំរោង ដោយមានមនុស្សល្អតាមមកជួយថែរក្សា តាមមកជួយពេលជួបបញ្ហា មិនឲ្យអ្នកលំបាកតែឯងនោះទេ។ នៅកន្លែងធ្វើការ មានឱកាសច្រើនក្នុងការឡើងមុខតំណែងតួនាទី ព្រោះមានថ្នាក់លើជឿជាក់និងមើលឃើញពីសមត្ថភាពពិតរបស់អ្នក។
លាភសំណាងដូចត្រូវបានគេតំរៀបជាជួរ ងាកទៅឆ្វេងក៏ឃើញ ស្តាំក៏ឃើញ សំខាន់ឲ្យតែអ្នកចេះចាប់យកឱកាសនេះឲ្យបានល្អ នោះលុយនឹងហូរចូលច្រើន។ ចំពោះទំនាក់ទំនងស្នេហា គឺមានភាពផ្អែមល្ហែមបន្តឲ្យគ្រប់គ្នាច្រណែននឹងអ្នក ហើយបើអ្នកអត់គូត្រៀមខ្លួនទៅ អាចនឹងជួបគូពិតក្នុងជីវិតឆាប់ៗខាងមុខ។
អ្នកកើតឆ្នាំខាល – ខ្លា
តាមហោរាសាស្រ្ត នៅក្រោយម៉ោង ០០:០០ ថ្ងៃទី ១ សីហា សម្រាប់ម្ចាស់ឆ្នាំខាល ដែលរមែងជាមនុស្សមានចិត្តល្អ រួសរាយរាក់ទាក់ និងអាចជួបលាភសំណាងធំ នៅពេលខាងមុខ។ អ្វីគ្រប់យ៉ាងសម្រាប់ពួកគេ នឹងទទួលបានជោគជ័យ ធ្វើឲ្យគ្រប់គ្នាមានការច្រណែនខ្លាំង។
ក្នុងកំឡុងពេលនេះ ម្ចាស់ឆ្នាំខាល ក៏រមែងមានគេស្ថិតនៅទីខ្ពស់មកតាមជួយថែរក្សា ទាញឲ្យងើបឡើងជាបន្តបន្ទាប់ ហើយក៏ជួយដឹកដៃឆ្ពោះទៅវិថីរីកចម្រើនក្នុងជីវិតផងដែរ។ បន្ថែមពីសំណាងដែលជួប ទៅមើលឧបសគ្គរបស់ពួកគេវិញ ក៏នឹងអាចជម្នះបានដោយភាពនឹងន ហើយមិនជាមានរឿងអ្វីគួរឲ្យបារម្ភខ្លាំងឡើយ។
អ្នកកើតឆ្នាំឆ្លូវ – គោ
សម្រាប់អ្នកកើតឆ្នាំឆ្លូវ នៅល្បាក់ខែថ្មី ជាពិសេសកំឡុងដើមខែសីហា អ្នកនឹងមានមនុស្សមកផ្តល់ប្រយោជន៍ធំឲ្យ ហើយគេដូចជាកម្លាំងចិត្ត និងកម្លាំងស្មារតីជំរុញឲ្យអ្នកសម្រេចការងារជោគជ័យដ៏គួរឲ្យកត់សម្គាល់មួយ។
បញ្ហាទាក់ទងនឹងលុយកាក់ឈប់បារម្ភទៅ អ្នកអាចនឹងដោះស្រាយបាននៅពេលដ៏ខ្លីខាងមុខ តែត្រូវប្រយ័ត្នរឿងមួយ គឺការសម្រេចចិត្តផ្សេងៗជាមួយហ្វូងមនុស្សច្រើន ព្រោះអាចជានាំផលអវិជ្ជមានមកដល់ជីវិតអ្នក បើសម្រេចចិត្តខុសក្នុងពេលនេះ។
អ្នកកើតឆ្នាំកុរ – ជ្រូក
ចូលម៉ោង ០០:០០ ថ្ងៃទី ១ សីហាតទៅ លុយនឹងហូរចូលហោប៉ៅ អ្នកកើតឆ្នាំជ្រូកច្រើនដូចទឹកបាក់ទំនប់ ហើយជោគវាសនារបស់ពួកគេ ក៏នឹងទទួលបានដំណឹងល្អច្រើនដែលនឹងលេចចេញមកជាបន្តបន្ទាប់។ ដូច្នេះអ្នកត្រូវតែខិតខំចាប់យកឱកាសទាំងនោះឲ្យបានល្អផង។
នៅក្នុងកិច្ចការងារ ការរកស៊ី មិនមានអ្វីដែលត្រូវព្រួយបារម្ភច្រើនឡើយ ព្រោះអ្នកនឹងទទួលបានទំនុកចិត្តពីអតិថិជនបន្ថែមទៀត ហើយរាល់បញ្ហាដែលជួបប្រទះ ក៏នឹងអាចដោះស្រាយបានយ៉ាងឆាប់រហ័ស៕
ប្រភព៖ បរទេស | ប្រែសម្រួល៖ ក្នុងស្រុក