តាមរយៈការតេស្តបែបវិទ្យាសាស្រ្តមួយនេះ យើងមានព្រះគោចំនួន ២ ដែលមានរូបរាង និងលក្ខណៈខុសប្លែកពីគ្នា។ ផ្អែកតាមចំណូលចិត្ត តើអ្នកនឹងជ្រើសយកព្រះគោមួយណា? ចម្លើយរបស់អ្នក អាចឲ្យយើងបង្ហាញបកទៅវិញ ថាផ្លូវដែលអ្នកកំពុងដើរត្រូវឬអត់ ហើយអ្នកគួរប្រើប្រាស់អ្វី ដើម្បីឲ្យក្តីស្រមៃអាចសម្រេចក្លាយជាការពិត៖
ព្រះគោទី ១
នេះបង្ហាញមកច្បាស់ៗថា អ្នកជាមនុស្សដែលកំពុងរីករាយនឹងបច្ចុប្បន្នភាពដែលមាន មិនថាជីវិតមានការខ្វះខាតចន្លោះប្រហោងមួយចំនួន ក៏ប៉ុន្តែអ្នកពុំមានការបារម្ភខ្លាំងពេក ដល់ថ្នាក់នាំឲ្យដំណើរការនៃជីវិតលែងរំកិលទៅមុខទេ។
នេះជាការគិតត្រូវ ក៏ប៉ុន្តែចូរចាំថា កុំបណ្ដែតបណ្ដោយខ្លួនតាមធម្មជាតិខ្លាំងពេកអី។ សើចច្រើន ញញឹមច្រើនមិនខុសទេ តែចូរមើលពីឱកាសដែលខ្លួនមានផង បើវាមកដល់ហើយចូរចាប់យកឲ្យបានល្អ កុំលេងសើចដល់ភ្លេចខ្លួន។ ភាពច្បាស់លាស់ ល្អិតល្អន់តែបន្តិច ជោគជ័យក៏នៅនឹងមុខ។
ព្រះគោទី ២
ផ្លូវដែលអាចនាំឲ្យអ្នកឆ្ពោះទៅរកភាពជោគជ័យ អ្នកត្រូវចេះកែខៃចំណុចធំ ២ ទី ១) អ្នកខ្វះខាតភាពច្នៃប្រឌិត ព្រោះយើងមើលឃើញថា ក្នុងស្ថានភាពខ្លះ អ្នកហាក់ត្រង់ទៅមុខពេក ដោយវាមិនខុសទេ តែយើងត្រូវមើលតាមកាលៈទេសៈដែរ ពោលត្រូវចេះបត់បែន ច្នៃរឿងធំឲ្យក្លាយជារឿងតូច ច្នៃគ្រោះឲ្យក្លាយជាលាភ នោះហើយជាអ្វីដែលត្រូវរៀនសូត្របន្ថែម។
ចំណុចទី ២) អ្នកពិបាកនឹងចុះសម្រុងជាមួយមនុស្សជុំវិញខ្លួន ក៏ដោយសារតែភាពចចេស រឹងរូសពីកំណើត។ អានហើយកំពុងញញឹមអស់សំណើចនឹងខ្លួនឯងមែនទេ? បើជាការពិត ចូរអ្នកគិតជាថ្មីថា ភាពចចេស រឹងរូសនេះសោត គឺអាចប្រើប្រាស់មើលទៅតាមពេលវេលានិងស្ថានភាពដែរ ជាពិសេសនៅកន្លែងការងារ ការរកស៊ី អ្នកគួរតែរៀនកាត់វាចេញឲ្យបានច្រើនតាមដែលអាចធ្វើទៅបាន៕
ប្រភព៖ បរទេស | ប្រែសម្រួល៖ ក្នុងស្រុក