ហោរាសាស្រ្តបានទស្សន៍ទាយឃើញថា អ្នកកើតឆ្នាំទាំង ៣ ដូចបង្ហាញខាងក្រោម នៅចន្លោះថ្ងៃទី ២៦ ដល់ ០១ មករា ខាងមុខ ពោលពេញមួយសប្ដាហ៍ថ្មី ជោគជតារាសីរបស់ពួកគេនឹងឡើងខ្ពស់ បង្វិលទៅរកចំណុចត្រដែតខ្លាំង មិនខុសពីការត្រូវឆ្នោតរង្វាន់ធំឡើយ៖
អ្នកកើតឆ្នាំថោះ – ទន្សាយ
ជាមនុស្សដែលមានភាពឧស្សាហ៍ព្យាយាម ហើយរមែងស្វែងរកឱកាសក្នុងជីវិតឥតឈប់ ក៏ព្រោះតែពាក្យថា ចម្អែតក្រពះ ភាពពេញលេញ និងសម្បូរសប្បាយ។ តែយ៉ាងណាក៏មានពេលខ្លះ កើតរឿងអាក្រក់បន្តបន្ទាប់គ្នាជារឿយៗ ហើយក៏មានពេលវិលមករកភាពល្អប្រសើរវិញដែរ។
ដូចសប្តាហ៍ថ្មី ចន្លោះថ្ងៃទី ២៦ ដល់ ០១ មករានេះ ម្ចាស់ឆ្នាំថោះ ដូចទេវតាបានប្រោស ឲ្យជួបតែសម្បត្តិទ្រព្យ ចូលជុំទិស ទោះរឹងរូសមិនចង់ទទួលយក ក៏ជៀសមិនផុតដែរ។ ប្រៀបទៅជាផ្ការីកពេលព្រឹកព្រលឹម ក្តីសង្ឃឹមក៏មានខ្ពស់បន្ថែមទៀតក្នុងការបន្តលើផ្លូវជីវិតដែលកំពុងដើរ។
អ្នកកើតឆ្នាំសេះ – មមី
តាមគ្រូហោរទាយថា ម្ចាស់ឆ្នាំមមី នៅចន្លោះសប្តាហ៍ថ្មី ថ្ងៃទី ២៦ ដល់ ០១ មករា ពួកគេនឹងផាត់អស់ការលំបាក ហើយសល់មកវិញតែសុខ តែភាពស្រណុក គេងក៏លុយចូលដែរ។ បើមនុស្សនេះបន្តស្មារតីខិតខំប្រឹងប្រែងខ្ពស់ ម្ល៉េះសារនេះ ក៏អាចជាលាភធំ ជួយឲ្យម្ចាស់ឆ្នាំសេះ សល់លុយតកូនចៅ។
អ្នកអាចមានឱកាសដំឡើងឋានៈតួនាទី បើជាបុគ្គលិកបម្រើការមិនថាស្ថាប័នឯកជន ឬរដ្ឋ រីឯអ្នករកស៊ី ក៏ផាត់អស់ភាពយាយី ច្រណែនឈ្នានីស មកសល់តែសំបុកអតិថិជនឈរផ្តុំបង្កើតប្រាក់ចំណេញចូលអ្នកមិនខ្វះ។
អ្នកកើតឆ្នាំច – ឆ្កែ
អ្នកដែលកើតឆ្នាំច ដែលរមែងមានភាពឈ្លាសវៃ ទេពកោសល្យខ្ពស់ពីកំណើត ក៏រមែងកើតមានឱកាសច្រើនហើយដែរក្នុងជីវិត តែលាភសារនេះ ជួយឲ្យពួកគេអាចផ្លាស់ប្តូរខ្លួនឯង កែលំអជីវិតទៅភាពល្អប្រសើរខ្លាំង។
ភាពរីកចម្រើននឹងកើតមានឡើងខ្ពស់ជាងអ្នកដទៃ ល្មមឲ្យប្រុសស្រីជុំវិញខ្លួនមានការច្រណែន នឹងភាពមានបានរបស់អ្នកសារនេះ តែយ៉ាងណាបើចង់បន្តការក្តោបក្តាប់លាភ ចូរអ្នករក្សាឥរិយាបថ បន្ទាបខ្លួន មិនក្រអឺតក្រទម ចេះដាក់កាយ នោះខ្សាច់នៃសំណាង ក៏សាយមកបន្តបន្ទាប់ទៀត៕
ប្រភព៖ បរទេស | ប្រែសម្រួល៖ ក្នុងស្រុក