រឿងរ៉ាវដែលពិបាកកាលពីមុន ចូលមកដល់សប្តាហ៍ថ្មី ថ្ងៃចន្ទ ថ្ងៃសិរី ទី ០៩ មករាតទៅពេញមួយអាទិត្យ ម្ចាស់ឆ្នាំទាំង ៣ នឹងដល់ពេលដែលអ្នកត្រូវប្រែមកសោយសុខវិញហើយ ពោលផុតអស់ទុក្ខ អស់គ្រោះចង្រៃទាំងឡាយក្នុងជីវិត។ តាមហោរាសាស្ត្រ គឺមើលឃើញជោគវាសនាឆ្នាំទាំង ៣ នោះដូចខាងក្រោម៖
អ្នកកើតឆ្នាំឆ្លូវ – គោ
ជាមនុស្សដែលមិនខ្លាចនឹងប្រឈមការលំបាក ហើយធ្វើអ្វីប្រកាន់ខ្ជាប់នូវចិត្តអត់ធ្មត់ អត់ធន់ខ្ពស់ខ្លាំងណាស់។ ចាប់ពីថ្ងៃទី ០៩ មករាតទៅ តាមហោរាសាស្រ្តទស្សន៍ទាយមកថា អ្នកកើតឆ្នាំឆ្លូវ នឹងបានជួបសំណាងក្នុងជីវិតធំមួយ។
តាមរយៈការទទួលបានសំណាងសារនេះ ក៏បំផុសចិត្តគំនិតឲ្យពួកគេ យកលាភនោះទៅបង្កើតលាភថ្មីកាន់តែធំ។ មនុស្សនេះមានឆន្ទៈខ្ពស់ មហិច្ឆតាធំ ដូច្នេះបើបានលាភមួយហើយគឺមិនស្កប់ទេ ដោយពួកគេនឹងឆ្លៀតឱកាសសារនេះ បង្កើតផែនការណ៍ត្រៀមទទួលយកលុយធំមួយតង់ផ្សេងទៀតនៅពេលបន្ទាប់។
អ្នកកើតឆ្នាំមមី – សេះ
តែងតែជាមនុស្សដែលមានទំនាក់ទំនងល្អនៅក្នុងសង្គម ហើយតាំងពីក្មេងមកមនុស្សនេះឈ្លាសវៃណាស់ មានទេពកោសល្យណាស់ ដ្បិតបើមិនសូវពូកែ តែពួកគេមិនបញ្ឈប់ការខិតខំនោះទេ ក្នុងជីវិត។
តាមហោរាសាស្រ្តដំណាលមកថា ចាប់ពីសប្តាហ៍ថ្មីស្អែកនេះតទៅមុខ ម្ចាស់ឆ្នាំម្សាញ់ មិនត្រឹមតែសំណាងក្នុងអាជីពការងារ ការរកស៊ីប៉ុណ្ណោះទេ ទៀតសោតក្នុងជីវិតស្នេហា ក៏នឹងរុងរឿង មានសុភមង្គលយ៉ាងផ្អែមល្ហែមដូចគ្នា។
អ្នកកើតឆ្នាំមមែ – ពពែ
ជាមនុស្សដែលមានប្រាជ្ញាខ្ពស់ តែយ៉ាងណាជួនខ្លះពួកគេខ្វះខាតឆន្ទៈក្នុងការព្យាយាមបន្តិច ទើបជាហេតុនាំឲ្យការក្លាយជាអ្នកមាន ត្រូវបានរាំងស្ទះដោយដំណើរមួយចំនួនក្នុងជីវិត។
សំណាងល្អ ព្រះនៃមហាសំណាង មហាទ្រព្យ តែងតែនៅក្បែរម្ចាស់ឆ្នាំមមែនេះជានិច្ច ទើបនាំឲ្យជីវិតរបស់ពួកគេ តែងតែរស់នៅដោយភាពសុខសាន្ត មិនងាយនឹងជួបរឿងលំបាកឡើយ។ ឆ្នាំ ២០២៣ មិនសូវជាឆ្នាំល្អសម្រាប់ម្ចាស់ឆ្នាំមមែទេ តែនៅកំឡុងពេលខាងមុខនេះ អ្នកចាំមើលចុះ ក្នុងកាបូបនឹងមិនដែលអស់លុយទេ ពោលផលចំណេញកើតមានជាប់រហូត រីឯអ្នកបម្រើការងារនៅស្ថាប័នណាមួយ ក៏នឹងមានឱកាសទទួលបានប្រាក់លើកទឹកចិត្ត ឬប្រាក់ឡើងតំណែងផងដែរ៕
ប្រភព៖ បរទេស | ប្រែសម្រួល៖ ក្នុងស្រុក