សម្រាប់អ្នកកើតឆ្នាំទាំង ៥ នៅចន្លោះពីរសប្តាហ៍ចុងក្រោយ ពោលពីថ្ងៃទី ១៥ ដល់ ៣១ កក្កដា ពួកគេនឹងមានរាសីឡើងខ្ពស់ត្រដែត អាចមានលុយចូលឆឹបៗ រវល់រាប់លុយនាំចំណូលចូលហោប៉ៅ កម្រនឹងប្រទះពាក្យថាខាតណាស់៖
អ្នកកើតឆ្នាំខាល – ខ្លា
ម្ចាស់ឆ្នាំខាល រមែងមានចិត្តមុតស្រួច រឹងមាំ មិនងាយឲ្យនរណាមក មាក់ងាយបានស្រួលៗឡើយ។ មនុស្សនេះ ចូលចិត្តប្រដៅណែនាំអ្នកដទៃ ហើយមានច្បាប់ទម្លាប់ខ្ពស់ណាស់ក្នុងការរស់នៅ។
កន្លងទៅ អ្នកកើតឆ្នាំខាល ហាក់ជួបបញ្ហាច្រើន ទាំងក្នុងអាជីពការងារ និងការរកស៊ី ពោលមានការខាតបង់ ប្រៀបនឹងដើរថយក្រោយទៅហើយ តែយ៉ាងណា ដោយសារការខិតខំ ការនៅតែបន្តឆន្ទៈខ្ពស់ក្នុងជីវិត ឥឡូវបូកផ្សំសំណាងផង ពេលវេលាស្រង់យកលាភ គឺចូលមកដល់ហើយ។
១៦ ថ្ងៃចុងក្រោយនៃខែកក្កដានេះ គឺ ជាពេលវេលាកើបមាស កើបប្រាក់ សម្រាប់ម្ចាស់ឆ្នាំខាល លុយចាយមិនអស់ ហើយបើមនុស្សនេះចេះសន្សំផង ក៏នឹងសល់លុយច្រើនក្នុងកំឡុងពេលខាងមុខ។ ជាងនេះគេក៏នឹងទទួលបានការកោតសរសើរពីមនុស្សជុំវិញខ្លួនថែមទៀតផង។
អ្នកកើតរោង – នាគ
ម្ចាស់ឆ្នាំនាគ ជាមនុស្សដែលមានបញ្ញាខ្ពស់ មនុស្សមានភាពស្ងប់ស្ងាត់ ហើយដោះស្រាយអ្វីដោយសន្តិវិធី។ ១៦ ថ្ងៃចុងក្រោយនៃខែកក្កដា សម្រាប់អ្នកកើតឆ្នាំនាគ ក៏ជាពេលវេលាល្អ អាចនាំឲ្យពួកគេឆ្ពោះទៅរកភាពជោគជ័យក្នុងជីវិតផងដែរ ហើយបើបញ្ហាសេសសល់ពីខែចាស់ៗ មកដល់ចុងខែនេះ ពួកគេនឹងអាចដោះស្រាយបាន។ ជារួមចំណូលនឹងផ្ទុះខ្លាំង ជាពិសេសនៅកំឡុងក្រោយថ្ងៃ ១៥ តទៅ ល្មមនាំឲ្យជីវិតពួកគេមានភាពធូរស្រាល មិនតានតឹងដូចមុនឡើយ។
អ្នកកើតឆ្នាំម្សាញ់ – ពស់
មនុស្សដែលកើតឆ្នាំម្សាញ់ នៅចន្លោះថ្ងៃទី ១៥ ដល់ ៣១ កក្កដានេះ ប្រៀបដូចជាមានផ្កាយនាំសំណាង ចូលមកដល់ជីវិតរបស់ពួកគេ។ ដ្បិតបើកន្លងមកមានគ្រោះច្រើនក្នុងជីវិត តែមិនអីទេពេលខាងមុខនេះទៅ គឺនឹងល្អវិញហើយ។
ជាពិសេសចំចុងសប្តាហ៍នេះតទៅ អ្នកកើតឆ្នាំម្សាញ់ នឹងមានយីអ៊ុនឡើងខ្ពស់ ហើយបើចេះចាប់យកឱកាសទាំងនោះផង នោះនឹងមានលុយកាន់ពេញ ល្មមនឹងរាប់ហត់។
អ្នកកើតឆ្នាំច – ឆ្កែ
សម្រាប់អ្នកកើតឆ្នាំឆ្កែ គឺជាមនុស្សឆ្លាត ដែលជួបការលំបាកមិនយូរទេ ព្រោះមនុស្សនេះមានសមត្ថភាពក្នុងការរើបម្រាស់ខ្លួនចេញពីបញ្ហាទាំងឡាយ។ យ៉ាងណាចាប់ពីថ្ងៃថ្មី ១៥ មករាតទៅ អ្នកនឹងរកឃើញគោលដៅជីវិតច្បាស់លាស់ ឃើញកោះឃើញត្រើយពិតប្រាកដ ដែលអ្នកអាចបោះជំហានទៅមុខបាន។
សម្រាប់អ្នកដែលបានខិតខំប្រឹងប្រែងតាំងពីដំបូងហើយនោះ ក៏នឹងទទួលបានលាភធំមួយនៅថ្ងៃសៅរ៍ ឬអាទិត្យនេះ ហើយអ្នកទទួលយកទៅ ព្រោះវាជាការតបស្នងនៅការខិតខំប្រឹងប្រែងទាំងឡាយរបស់អ្នកកន្លងមក។
អ្នកកើតឆ្នាំរកា – មាន់
ជាមនុស្សដែលតែងតែប្រកាន់ខ្ជាប់ការគិតបែបសុទិដ្ឋិនិយម និងមានភាពជឿជាក់ក្នុងជីវិត។ បើទោះស្ថិតក្នុងស្ថានភាពបែបណាក៏ដោយ ពួកគេតែងតែមានភាពក្លាហានជានិច្ច ក្នុងការបោះជំហានទៅមុខ។
អ្នកកើតឆ្នាំរកា តាមហោរាសាស្រ្តទាយមកថា នៅពេលខាងមុខ ១៦ ថ្ងៃចុងក្រោយនៃខែកក្កដា មនុស្សនេះ នឹងជោគជ័យខ្លាំង បើជាមន្រ្តី នោះនឹងអាចឡើងឋានៈថែមទៀត។ បើមានអាជីពអ្វីមួយក្នុងដៃ នោះក៏នឹងឃើញផ្លែផ្កាធំ រីឯស្នេហាក៏នឹងរីករាយ ពោរពេញដោយក្តីសុខយ៉ាងពេញលេញផងដែរ៕
ប្រភព៖ បរទេស | ប្រែសម្រួល៖ ក្នុងស្រុក