នៅរយៈពេល ៣ ខែចុងក្រោយនៃឆ្នាំ ២០២២ ពោលចន្លោះខែតុលា វិច្ឆិកា និងធ្នូ គឺជាពេលវេលាសក្តិសមបំផុតសម្រាប់ម្ចាស់ប្រុសស្រីឆ្នាំទាំង ៣ ខាងក្រោម ក្នុងការរៀបអាពាហ៍ពិពាហ៍ ព្រោះវាជាពេលនាំលាភ ទាញលុយឲ្យហូរចូលខ្លាំង ពោលគ្រួសារនឹងចម្រុងចម្រើនឆាប់មានឆាប់បាន៖
អ្នកកើតឆ្នាំមមែ – ពពែ
ក្បួនហោរ មើលឃើញក្នុងចំណោមឆ្នាំទាំង ១២ ក៏មានឆ្នាំមមែ ដែលមានជើងលេខល្អ បើអាចរៀបការនៅល្បាក់ ៣ ខែចុងក្រោយ នៃឆ្នាំ ២០២២។ មនុស្សកើតឆ្នាំមមែ បរាជ័យក្នុងសេចក្តីស្នេហាច្រើនលើកច្រើនសារគួរសម តែមកដល់ពេលនេះ ក៏ល្មមរកបានអ្នកច្បាស់លាស់ គូគាប់ប្រាកដក្នុងជីវិតហើយដែរ។
ដើម្បីបន្ថែមលាភសំណាង ក្រៅតែពីការរៀបការតាមពេលវេលាដែលហោរទាយ ទៀតសោតគួរតែបន្ថែមភាពផ្អែមល្ហែមទៅដៃគូ ដាក់មនោសញ្ចេតនា បង្កើតអនុស្សាវរីយ៍ឲ្យច្រើនឡើង នោះជោគជតារាសីក៏នឹងរំលេចលើបន្ទាត់បៃតង បាញ់ឡើងទៅលើព្រមគ្នា។
អ្នកកើតឆ្នាំឆ្លូវ – គោ
ម្ចាស់ឆ្នាំឆ្លូវ ស្រលាញ់អ្នកមុនៗមិនសូវបានយូរទេ តែពេលចុងក្រោយនេះ មកប៉ះដៃគូដែលអាចសាងស្នេហ៍យូរអង្វែងតទៅមុខ។ នេះជាគូគាប់ជីវិត ដែលអ្នកគួរតែមើលថែគេឲ្យបានល្អ ហើយពេលវេលានៅឯចុងឆ្នាំ បើអាចចាប់ដៃគ្នារៀបអាពាហ៍ពិពាហ៍នោះគឺល្អបំផុត។
ទាំងសម្បត្តិការងារ ការរកស៊ី ក្រោយការចាប់ដៃចូលរោងជ័យ នោះនឹងនាំឲ្យអ្នកកើតតែសិរីមង្គល មានទ្រព្យហូរចូលច្រើន ដាក់ទុនតូច ចំណេញធំ ដូចលុយហូរធ្លាក់ពីលើភ្នំ លាភធំប៉ុនដំរីក៏មិនប្តូរដែរ។
អ្នកកើតឆ្នាំថោះ – ទន្សាយ
ជាមនុស្សមានភាពបត់បែនរហ័ស សកម្មក្នុងជីវិត ហើយពេលវេលានេះ ក៏បានត្រៀមខ្លួនជាបណ្តើរៗហើយដែរ ក្នុងការប្រលូកទៅក្នុងជីវិតគូ។
តាមជើងលេខម្ចាស់ឆ្នាំថោះ មិនថាបុរសឬស្រ្តី បើចូលរោងជ័យនៅល្បាក់ ៣ ខែចុងក្រោយ នៃឆ្នាំ ២០២២ នោះនឹងជួបសុភមង្គល គូស្នេហ៍ស្រលាញ់គ្នាស្មោះស្ម័គ្រមានការយល់ចិត្ត មិនងាយខ្វែងគំនិត។ ជាងនេះបើដាក់ចិត្តចាប់ដៃគ្នារកស៊ី បំពេញកិច្ចការងារអ្វីមួយផង ក៏នឹងងាយកើតជាផ្លែជាផ្កា ពោលជីវិតជួបតែភាពសម្បូរសប្បាយ ចាយមិនអស់ សល់លុយពេញកុង៕
ប្រភព៖ បរទេស | ប្រែសម្រួល៖ ក្នុងស្រុក