តាមហោរាសាស្រ្តបានទស្សន៍ទាយមកថា ប្រសិនក្នុងផ្ទះរបស់អ្នកមានសមាជិកដែលកើតឆ្នាំទាំង ៤ គូ រវាងម្តាយកូន នោះដូចជាលាភរត់រកលាភ ជួយឲ្យគ្រួសារជួបតែសុភមង្គល មានសុខដុមរមនា ដូចត្រូវរង្វាន់ធំ ជប់ឲ្យក្លាយជាអ្នកមានបាននៅកំឡុង ៣ ឆ្នាំបន្ទាប់៖
ម្តាយកូន កើតឆ្នាំឆ្លូវ និងម្សាញ់
ឧបមាថា ម្តាយកើតឆ្នាំ ឆ្លូវ កូនកើតឆ្នាំ ម្សាញ់ ឬឆ្លាស់គ្នាមកវិញ ពោលឲ្យតែគូឆ្នាំនេះ រវាងឈាមម្តាយឈាមកូន នោះគ្រួសារនឹងពោរពេញទៅដោយថាមពល សើចសប្បាយ ហើយកម្រមានជម្លោះកើតឡើងណាស់។ ជាងនេះគ្រួសារក៏អាចងាយឈានទៅរកភាពជោគជ័យឆាប់រហ័សក្នុងអាជីពការងារ និងការរកស៊ីនានាផងដែរ។
ដ្បិតបើម្ចាស់ឆ្នាំទាំងពីរនេះ ខ្លះមានចិត្តឆាប់ក្តៅ ឆាប់ឆេវឆាវ តែពួកគេងាយចុះសម្រុងគ្នា យល់ចិត្តគ្នាបានលឿន ហើយរស់នៅដោយមានភាពជឿជាក់ ស្មោះត្រង់ផ្តល់ឲ្យគ្នាទៅវិញទៅមក។ ភាគច្រើនចំណោមឆ្នាំពីរ គឺអ្នកកើតឆ្នាំឆ្លូវ ជាអ្នកស្ពាយបន្ទុកធំ តែយ៉ាងណាបានសំណាងរុញពីឆ្នាំម្សាញ់ផង ក៏ជួយឲ្យគ្រួសារនោះ រកលុយបានធូរ ហើយក៏មានលាភចូលឆឹបៗដែរ។
ម្តាយកូន កើតឆ្នាំជូត និងរោង
ឧបមាថា ម្តាយកើតឆ្នាំ ជូត កូនកើតឆ្នាំ រោង ឬឆ្លាស់គ្នាមកវិញ ពោលឲ្យតែគូឆ្នាំនេះ រវាងឈាមម្តាយឈាមកូនគឺជីវិតគ្រួសារនឹងរឹងដូចដែកថែប មិនងាយប្រេះស្រាំ ក្លាយជាជម្លោះ ហើយទ្រព្យក៏មិនងាយបែកទៅណាដែរ។ ឆ្នាំទាំង ២ ចូលគ្នាកាលណា មានភាពពេញលេញកាលហ្នឹង។
ជាពិសេសគឺឆ្នាំជូត រស់នៅឆាប់ចុះសម្រុងគ្នាណាស់ រីឯអ្នកកើតឆ្នាំរោង ពូកែខាងផ្តល់យោបល់ ខាងសម្របសម្រួលឲ្យគ្រួសារ រមែងជួបសុខដុមរមនាជានិច្ច។ ម្ចាស់ឆ្នាំទាំង ២ ក៏រមែងបង្កើតសំណើចឥតឈប់ ហើយជួយគ្នាប្រមូលទ្រព្យចូលផ្ទះ និងពូកែខាងសន្សំសំចៃដូចៗគ្នា។
ម្តាយកូន កើតឆ្នាំម្សាញ់ និងរកា
ឧបមាថា ម្តាយកើតឆ្នាំ ម្សាញ់ កូនកើតឆ្នាំ រកា ឬឆ្លាស់គ្នាមកវិញ ពោលឲ្យតែគូឆ្នាំនេះ រវាងឈាមម្តាយឈាមកូន នោះគឺរាប់ជាគ្រួសារស្ងប់ស្ងាត់ មិនសូវចេះនិយាយស្តីទេ ពោលតាំងតែពីកំណើតដូនតាជំនាន់មុនៗមកម្ល៉េះ។ តែយ៉ាងណាមនុស្សទាំងអស់នេះ ប្រសព្វខាងបង្កើតក្តីស្រលាញ់ចូលដល់គ្រួសារ ហើយលាភសំណាងក៏មានច្រើនដែរ បើបានរស់នៅជុំគ្នា។
ម្ចាស់ឆ្នាំនីមួយៗ មានគុណសម្បត្តិល្អរៀងៗគ្នា ហើយក៏មានឱកាសក្នុងការអភិវឌ្ឍខ្លួនឲ្យបោះជំហានទៅរកគោលដៅជីវិត គាប់ប្រសើរជាបន្តបន្ទាប់ដូចៗគ្នាផងដែរ។ ពេលខ្លះពួកគេ អាចមានសមាជិកខ្លះរឹងរូសបន្តិច ប៉ុន្តែមិនដែលទាស់ទែងកើតជាបញ្ហាធំនឹងគ្នាទេ ហើយតែងតែសហការគ្នា រកប្រាក់ រកទ្រព្យចូលផ្ទះឥតឈប់ឈរ។ តាមជើងលេខគូឆ្នាំទាំងពីរ ក៏ដូចបានចូកចែវគ្នា ឲ្យគ្រួសារប្រែជាអ្នកមានបាននៅ ៣ ឆ្នាំបន្ទាប់នេះដែរ៕
ប្រភព៖ បរទេស | ប្រែសម្រួល៖ ក្នុងស្រុក