តាមក្បួនហោរាសាស្រ្តទស្សន៍ទាយមើលឃើញថា នៅចន្លោះថ្ងៃនេះ ដល់ល្បាក់ថ្ងៃចន្ទពេញវង្សប្រចាំខែកក្កដា ដែលចំថ្ងៃទី ១៣ ខាងមុខ ម្ចាស់ឆ្នាំទាំង ៣ ខាងក្រោម នឹងមានរាសីឡើងខ្ពស់ ហើយអាចប្រទះលាភធំមួយប៉ុនដំរីរៀងគ្នា៖
អ្នកកើតឆ្នាំឆ្លូវ – គោ
ជាឆ្នាំដែលមានគេចាំការពារ ហើយខ្សែនៃរាសីប្រទះចំណុចភ្លឺចិញ្ចាចច្រើននៅខែកក្កដា។ ចាប់ពីថ្ងៃនេះ រហូតដល់ថ្ងៃចន្ទពេញវង្ស ម្ចាស់ឆ្នាំឆ្លូវ មិនត្រឹមតែទទួលបានឱកាសបង្កើនចំណូលប៉ុណ្ណោះទេ ទៀតសោតក៏នឹងមានគេស្រលាញ់រាប់អានច្រើន ដូចមានអ្វីមកបិទលើមុខ។ ចន្លោះពេលនេះ នឹងមានក្តីសុខ សុភមង្គលខ្លាំងពេញក្រុមគ្រួសារ។
អ្នកកើតឆ្នាំរោង – នាគ
ពីថ្ងៃនេះ ដល់ថ្ងៃទី ១៣ កក្កដា អ្នកកើតឆ្នាំរោង នឹងប្រទះលាភសំណាងធំមួយ នាំឲ្យវិថីកំពុងធ្វើដំណើរក្នុងជីវិតហាក់រលូនជាងមុន មិនប៉ះផ្លូវរដាក់រដុបដូចកំឡុងខែចាស់នោះទេ។
បូកផ្សំនឹងចិត្តសប្បុរស ភាពស្មោះត្រង់ដែលម្ចាស់ឆ្នាំរោងមានពីកំណើតផង ក៏ជួយឲ្យអ្នកធំ អ្នកខ្ពស់ជាងខ្លួន មើលឃើញពីការលះបង់ ការខិតខំអស់ជាយូរ ហើយសម្រេចហុចដៃជួយពួកគេ ផ្តល់ដើម ផ្តល់ទុន ផ្តល់ទំនុកបម្រុងគ្រប់បែបយ៉ាង ស្រោចស្រង់ឲ្យជីវិតម្ចាស់ឆ្នាំនាគ បានផ្លោះទៅដំណាក់កាលថ្មី ល្អប្រសើរជាងនេះ។
អ្នកកើតឆ្នាំមមី – សេះ
មិនដឹងមុនថា ជាប្រាក់ចំណេញមកពីប្រភពខាងណាទេ តែលុយក្នុងកុងធនាគារនឹងគុណឡើង ១ ទ្វេជា ២ ឬជា ៣។ វាដូចខ្សាច់សំណាងសាយតាមខ្យល់ នាំឲ្យអ្នករកបានលុយលើសពីការរំពឹងទុក លើសពីការគិតទុកជាមុន។
វាជាឱកាសល្អ ជាលាភធំមួយក្នុងជីវិត ហើយបើអ្នកបន្តផែនការណ៍ដូចបានរៀបចំ បន្តភាពរហ័សរហួន ឧស្សាហ៍ព្យាយាម នោះមិនយូរទេដល់ចុងឆ្នាំ អ្នកនឹងសល់ទ្រព្យធំ ជាផ្ទះ ជាឡាន ឬជាដីជាប់ឈ្មោះរបស់ខ្លួនផ្ទាល់។ វិនិយោគពេលនេះ មានឱកាសកើតផលចំណេញច្រើនសម្រាប់អ្នកកើតឆ្នាំមមី៕
ប្រភព៖ បរទេស | ប្រែសម្រួល៖ ក្នុងស្រុក