តាមក្បួនហោរាសាស្ត្របានទស្សន៍ទាយឃើញថា អ្នកកើតឆ្នាំទាំង ៤ ខាងក្រោម នៅរយៈពេល ២ ឆ្នាំទៅមុខ ពោលចន្លោះ ២០២២-២៣ និង ២០២៤ នឹងអាចបត់ជីវិតឲ្យប្រែជាភាពជោគជ័យ សល់លុយទិញមាសទិញដីទុកជាបន្តបន្ទាប់៖
អ្នកកើតឆ្នាំកុរ – ជ្រូក
ឆ្នាំកុរ ជាមនុស្សមិនសូវចេះនិយាយច្រើនទេ ស្ងៀមៗតែពោរពេញដោយទំនួលខុសត្រូវនិងភាពជាអ្នកដឹកនាំខ្ពស់ក្នុងជីវិត។ មនុស្សនេះ ស៊ូឲ្យគេមើលងាយខ្លួន តែមិនឲ្យប៉ះពាល់ទាំងកាយវិការនិងពាក្យសម្តី ទៅលើក្រុមគ្រួសារ ឬមនុស្សជាទីស្រលាញ់។
ជាទូទៅ តែងដើរជាខ្នងបង្អែកយ៉ាងរឹងមាំ ហើយពេលវេលា ២ ឆ្នាំទៅមុខ ជ្រូកមានសំណាង ហូបឆ្អែតដេកឆ្អែត បានសុខ មិនសូវហត់ និងសល់លុយសល់កាក់អាចសន្សំទ្រព្យធំ ទុកវិនិយោគក្លាយជាផលចំណេញនាពេលទៅមុខទៀតផង។
អ្នកកើតឆ្នាំរកា – មាន់
ជាមនុស្សស្លូតបូត ស្មោះត្រង់ ហើយមានសមត្ថភាពក្នុងការគ្រប់គ្រងលើផ្នែកហិរញ្ញវត្ថុពីកំណើត។ ចាយតិច ខំរកមកវិញ សន្សំចូលច្រើន និយាយទៅជាមនុស្សឈ្លាសវៃរឿងលុយកាក់។
គួបផ្សំនឹងការខិតខំប្រឹងប្រែង បូកសំណាងត្រៀមផ្ទុះឡើងនៅ ២ ឆ្នាំទៅមុខផង ក៏នាំឲ្យមនុស្សឆ្នាំរកា អាចជម្នះអស់រាល់គ្រោះ រាល់ឧបសគ្គទាំងឡាយ មិនថាមកពីជិតពីឆ្ងាយក៏ចូលបៀតមិនបានដែរ។ សញ្ញារាសីចក្រទាំងលើអាជីពការងារ និងការរកស៊ីគឺអាចជោគជ័យខ្ពស់ចន្លោះពេលនេះ។
អ្នកកើតឆ្នាំមមី – សេះ
ជាមនុស្សមានចរិតស្មោះត្រង់ ចេះមើលថែអ្នកក្បែរខ្លួន ចេះដាក់ខ្លួន បន្ទាបកាយមិនកោងកាច ហើយឈ្លាសវៃរាល់ការសម្រេចចិត្តផ្សេងៗ។ តាមហោរាសាស្ត្រនៅរយៈពេល ២ ឆ្នាំបន្ទាប់ រាសីនឹងហោះឡើយ ដូចខ្លែងជួបខ្យល់ ហក់ផុតទៅលើ នាំឲ្យក្លាយជាពេលអាចកែប្រែជីវិតត្រឹមមួយពព្រិចភ្នែក។
អ្នកកើតឆ្នាំឆ្លូវ – គោ
ជាមនុស្សមានភាពឧស្សាហ៍ព្យាយាម ហើយតែងតែមានសំណាងនៅនាទីចុងក្រោយ។ ចាំសង្កេតមើល មនុស្សនេះជួបទុក្ខ ក៏ជួបមិនយូរ ដល់សុខៗ ក៏រំលេចអ្វីម្យ៉ាងជួយឲ្យគេឆ្លងវាផុត ហើយប្រែជាភាពសប្បាយរីករាយត្រលប់មកវិញ។
ជាងនេះដែរ រឿងលុយកាក់នៅ ២ ឆ្នាំបន្ទាប់ គឺជាសញ្ញាហោះឡើងទៅចំណុចខៀវខ្ពស់ត្រដែត នាំឲ្យជីវិតជួបតែភាពសម្បូរបែប ផ្ទុះសុភមង្គលខ្លាំងល្មមឲ្យគ្រប់គ្នាច្រណែន។ អ្នកខ្លះមានកប់ពពក ចង់ប្រាថ្នាបានជីវិតដូចអ្នកទៀតផង៕
ប្រភព៖ បរទេស | ប្រែសម្រួល៖ ក្នុងស្រុក