តាមក្បួនហោរាសាស្ត្របានគន់គូរមើលឃើញថា នៅឆ្នាំ ២០២៣ ខាងមុខ នោះម្ចាស់ឆ្នាំទាំង ៣ នឹងអាចប្រែខ្លួនក្លាយជាអ្នកមានបាន ពោលលាភសំណាង លាភទ្រព្យ ហូរចូលជុំ ៨ ទិស៖
អ្នកកើតឆ្នាំឆ្កែ – ច
រាសីចារមកនឹងឡើងខ្ពស់ត្រដែតនៅឆ្នាំ ២០២៣ ហើយបើនិយាយអំពីការសិក្សា អ្នកនោះ នឹងអាចប្រឡងជាប់បានលទ្ធផលល្អជាទីគាប់ចិត្ត។ រីឯអ្នកបម្រើការងារ ក៏ត្រូវបានដំឡើងសក្តិយសផងដែរ ហើយមានគេគោរពស្រលាញ់ច្រើននៅកន្លែងការងារ។
និយាយអំពីលុយកាក់អ្នករកស៊ីនៅឆ្នាំ ២០២៣ ដូចត្រូវរង្វាន់ធំ បានរស់លើគំនរទ្រព្យ ចាយមិនអស់។ ឈរក៏បានលុយ អង្គុយក៏បានលុយ ព្រោះសឹងគ្រប់ច្រក ឃើញតែផលចំណេញ ពោលជាឆ្នាំមហាសំណាងសម្រាប់ឆ្នាំច។
អ្នកកើតឆ្នាំមមី – សេះ
ម្ចាស់ឆ្នាំសេះ មិនថាដំណើរជីវិតផ្ទាល់ ជីវិតការងារ គឺបានវិវត្តទៅរកគោលដៅថ្មី នៅឆ្នាំ ២០២៣។ ទេវតាទ្រព្យ និងទេវតាសំណាង បានកត់ឈ្មោះម្ចាស់ឆ្នាំមមីចូលក្នុងបញ្ជី ហើយជាពិសេសនៅឆមាសទី ២ កំឡុងពាក់កណ្តាលឆ្នាំ គឺចំពេលកើបមាសប្រាក់ ជួបតែចម្រុងចម្រើន។
បើអ្នកទិញអចលនទ្រព្យនៅឆ្នាំ ២០២៣ ជាម្ចាស់ឆ្នាំមមី នោះនឹងអាចរកឃើញប្រាក់ចំណេញច្រើនត្រលប់មកវិញ។ សមិទ្ធផលនានា នឹងចេញជាផ្លែផ្កា តាំងពីដើមដល់ចុងឆ្នាំ គ្រាន់ថាដើមឆ្នាំ អាចលាយឡំគ្រោះមួយចំនួន តែមិនជាបញ្ហាធំពេកទេ។
អ្នកកើតឆ្នាំកុរ – ជ្រូក
អ្នកកើតឆ្នាំកុរ អាចមានការប្រែប្រួលវិជ្ជមានច្រើននៅឆ្នាំក្រោយ។ ផ្លាស់ពីសំណាងអាក្រក់ មកជាល្អ ផ្លាស់ពីជីវភាពក្រ មកជាមាន ផ្លាស់ពីអ្នកអត់ធនធាន មកជាអ្នកមានទ្រព្យពេញដៃ។ មហាសំណាងឆ្នាំទាំង ៤ ក៏មានចារឆ្នាំកុរ ទៅក្នុងនោះផងដែរ។
ដូចគ្នានឹងផ្នែកសុខភាព ក៏មិនមានបញ្ហា ពោលជាស្ថិរភាព មិនមានភាពធ្ងន់ធ្ងរអ្វីកើតឡើងឡើយ។ រីឯការវិនិយោគ ក៏ងាយនឹងកើតផលចំណេញ តបត្រលប់មកវិញ។ ចាំមើលចុះ ម្ចាស់ឆ្នាំកុរ ក៏នឹងមានដំណឹងល្អមួយចូលមកដល់ តែយើងមិនអាចប្រាប់មុនបានឡើយ។
អ្នកកើតឆ្នាំម្សាញ់ – ពស់
មនុស្សម្នាក់ៗមានសុបិន្តរៀងខ្លួន ហើយនៅពេលវេលាខាងមុខ ២០២៣ ក្តីស្រមៃរបស់ម្ចាស់ឆ្នាំពស់មួយផ្នែកធំ នឹងសម្រេចក្លាយជាការពិត។ វាសក្តិសមនូវអ្វីដែលពួកគេបានខិតខំប្រឹងប្រែង ដោយកន្លងមក ខំសឹងតែរកពេលសម្រាកគ្មាន ដូច្នេះពេលវេលាសោយសុខគួរតែចូលមកដល់។
ប្រសិនបើពួកគេចេះចាប់យកឱកាស នោះឆ្នាំ ២០២៣ នឹងក្លាយជាពេលល្អ អាចឲ្យពួកគេឈោងបានថង់ទ្រព្យ ជួយទាំងខ្លួនឯង ជួយទាំងក្រុមគ្រួសារទាំងមូលឲ្យរស់នៅស្រួល៕
ប្រភព៖ បរទេស | ប្រែសម្រួល៖ ក្នុងស្រុក