ក្រុមជម្រើសជាតិហូឡង់បានប្រកាសបញ្ជីឈ្មោះក្រុមជម្រើសជាតិបណ្តោះអាសន្នរបស់ពួកគេសម្រាប់ការប្រកួតជម្រុះ World Cup ទល់នឹងប្រទេសឡាតវី និងហ្គីប្រាល់តានៅខែខែតុលាខាងមុខ។
ទោះយ៉ាងណាក៏ដោយ! បញ្ជីឈ្មោះនេះមិនរាប់បញ្ចូល Donny van de Beek ដែលបានអវត្តមានពីការប្រកួតអន្តរជាតិដោយសារតែគាត់ខ្វះពេលវេលាលេងនៅ Manchester United ។
កីឡាករវ័យ ២៤ ឆ្នាំរូបនេះត្រូវដកខ្លួនចេញពីក្រុមជម្រើសជាតិសម្រាប់ការប្រកួតយូរ៉ូ ២០២០ ដោយសាររបួសក្រលៀន។ ចាប់តាំងពីពេលនោះមកគាត់បានខកខានការប្រកួតពីរបីលើកដំបូងរបស់អ្នកចាត់ការថ្មី Louis van Gaal ។
Van de Beek បានបង្ហាញខ្លួនតែពីរដងប៉ុណ្ណោះសម្រាប់បិសាចក្រហមនៅរដូវកាលនេះគឺម្តងនៅ Premier League និងម្តងនៅ Champions League ។ អ្នកកាសែតលំដាប់ថ្នាក់លេខ ១ Fabrizio Romano បានអះអាងថា Donny ជិតនឹងចូលរួមជាមួយ Everton ក្នុងលក្ខខណ្ឌខ្ចីជើងនៅរដូវក្តៅ ប៉ុន្តែ United បដិសេធមិនអនុញ្ញាតឱ្យគាត់ចាកចេញទេ។
វាមិនមែនជារឿងល្អសម្រាប់ខ្សែបម្រើរូបនេះ ដែលប្រឈមនឹងការប្រកួតប្រជែងដើម្បីបង្កើតខ្លួនឯងឡើងវិញសម្រាប់ក្លឹបក៏ដូចជាសម្រាប់ប្រទេសរបស់គាត់។