យោងតាមសារព័ត៌មាន Mundo Deportivo របស់អេស្ប៉ាញបានឲ្យដឹងថា Philippe Coutinho ត្រូវពាក់អាវលេខ ១០ របស់ក្រុម Barcelona ។
អាវនេះមានទំនួលខុសត្រូវដ៏ធំធេងដែលបានផ្តល់ឱ្យកីឡាករល្បីៗនិងមានគុណសម្បត្តិខ្ពស់ដែលធ្លាប់លេងឱ្យ Barca កាលពីអតីតកាល។ បញ្ជីឈ្មោះដែលមានទេពកោសល្យរួមមាន Diego Maradona, Rivaldo និង Ronaldinho ជាដើម។ កាលពី ១៣ ឆ្នាំមុន Ronaldinho បានប្រគល់អាវនេះទៅឱ្យ Lionel Messi ដែលជាកីឡាករឆ្នើមបំផុតរបស់ក្លិប។
ទោះយ៉ាងណាការចាកចេញរបស់ Messi ទៅ PSG ទុកឱ្យលេខនេះនៅទំនេរ។ បាសេឡូណាពិបាកកំណត់ថាតើអាវលេខ ១០ នេះនឹងផ្ដល់ដល់កីឡាកររូបណា។ បទបញ្ជា La Liga ចែងថាក្រុមអាចចុះឈ្មោះកីឡាករដែលមានលេខអាវចន្លោះពី ១-២៥ ប៉ុណ្ណោះ។ វាមានន័យថា Barca មិនអាចទុកអាវលេខ១០ឱ្យទំនេរនោះទេ អញ្ចឹងហើយអាវនេះត្រូវតែពាក់សម្រាប់ការប្រកួត៕
