ខ្សែបម្រើរបស់ Real Madrid កីឡាករ Dani Ceballos បានទទួលរងរបួសគួរឱ្យរន្ធត់ ពេលដែលគាត់លេងឱ្យជម្រើសជាតិ U23 អេស្ប៉ាញក្នុងការប្រកួតដែលស្មើគ្នាជាមួយ U23 អេហ្ស៊ីបក្នុងការប្រកួតលើវិញ្ញាសារបាល់ទាត់ក្នុងព្រឹត្តិការណ៍អូឡាំពិក២០២០នៅជប៉ុន។
Dani Ceballos បានទៅដណ្ដើមបាល់ជាមួយខ្សែប្រយុទ្ធអេហ្ស៊ីប Taher Mohamed ក្នុងចំណុចប្រទាញប្រទង់គ្នាដោយ Taher បានជាន់ជើងCeballos ត្រង់ចំណុចនោះ។ VAR បានបំពេញតួនាទីដោយមើលឧប្បត្តិហេតុនេះ ហើយអាជ្ញាកណ្ដាលបានត្រឹមពិន័យកាតលឿងតែប៉ុណ្ណោះ។
បន្ទាប់ពីលេងខ្ចីជើងនៅ Arsenal កាលពីរដូវកាលមុន Ceballos គ្រោងនឹងចាប់អារម្មណ៍បាល់ទាត់ពេញលេញនៅក្លិប Real Madrid ក្រោមការដឹកនាំរបស់លោក Carlo Ancelotti ឥឡូវនេះទំនងជាចំណាយពេលយូរគួរសមនៅខាងក្រៅ ដើម្បីព្យាបាលរបួស៕
