យោងតាមកាសែតអាឡឺម៉ង់ Bild (តាមរយៈ Marca) បានឱ្យដឹងថា Real Madrid កំពុងចាប់អារម្មណ៍យ៉ាងខ្លាំងទៅលើខ្សែបម្រើ Leon Goretzka របស់ក្លិប Bayern Munich ។
ប៉ុន្តែពួកគេមិនបានគិតអំពីការទិញគាត់នៅរដូវក្តៅនេះទេ។ ផ្ទុយទៅវិញពួកគេចង់នាំគាត់ទៅ Bernabeu នៅឆ្នាំ 2022 នៅពេលកិច្ចសន្យារបស់គាត់ជាមួយ Die Roten ផុតកំណត់។
Real Madrid បានបង្កើតទំនាក់ទំនងជាមួយកីឡាករវ័យ ២៦ ឆ្នាំរូបនេះរួចហើយ ដោយប្រាប់គាត់ថាពួកគេនឹងស្វាគមន៍គាត់ដោយបើកចំហរ ប្រសិនបើគាត់មិនចុះកិច្ចសន្យាបន្ថែមជាមួយម្ចាស់ជើងឯកអាឡឺម៉ង់ FC Bayern Munich។អធិរាជសបានប្រើយុទ្ធសាស្រ្តស្រដៀងគ្នាដូចដែលពួគគេចុះកុងត្រាខ្សែការពារ David Alaba ដោយផ្តល់ឱ្យគាត់នូវប្រាក់ច្រើនជាងអ្វីដែល Bayern បានត្រៀមដើម្បីបង់ឱ្យគាត់។
ទោះយ៉ាងណាក្លឹបបិសាចក្រហម Manchester United យកចិត្តទុកដាក់ចំពោះស្ថានភាពកុងត្រារបស់ Goretzka ហើយអាចព្យាយាមទាក់ទាញរូបគេអោយទៅ Old Trafford ផងដែរ។
