អត្ថបទថ្មីៗ

ដ្បិតថាពិភពលោកមួយនេះ មានមនុស្សជាង៧ពាន់លាននាក់ក៏ពិតមែន តែជាក់ស្ដែង យើងបែរជាពិបាកនឹងរកមនុស្សម្នាក់ដើម្បីមករួមដំណើរ ជាដៃគូជីវិតប្ដីប្រពន្ធនឹងគ្នាទៅវិញ។ មិនមែនមនុស្សច្រើន ងាយស្រួលសម្រាប់យើងជ្រើសរើសនោះឡើយ ផ្ទុយទៅវិញ មនុស្សកាន់តែច្រើន ក៏កាន់តែពិបាកសម្រាប់យើងក្នុងការជ្រើសរើស។ យ៉ាងណាមិញ មនុស្សដែលអាចបានមកជួបគ្នា ស្រឡាញ់គ្នា ក្លាយជាប្ដីប្រពន្ធនឹងគ្នា គឺត្រូវពឹងផ្អែកទៅលើនិស្ស័យដែលមានចំពោះគ្នាទៅវិញទេ ហើយការដែលអាចក្លាយជាប្ដីប្រពន្ធនឹងគ្នា ស្រលាញ់គ្នា អាចថែរក្សាចំណងអាពាហ៍ពិពាហ៍ ជីវិតប្ដីប្រពន្ធជាមួយគ្នាបានយូរអង្វែង និងមានក្ដីសុខសុភមង្គល គឺអាស្រ័យលើអ្នកទាំងពីរដែលអាចដឹង និងយល់ពីជិវិតប្ដីប្រពន្ធ ហើយប្រើប្រាស់ពេលវេលារួមគ្នាបានល្អកម្រិតណា។ ប៉ុន្តែទោះជាយ៉ាងណាក៏ដោយ ក៏ជីវិតគ្រួសារ ជីវិតប្ដីប្រពន្ធ ក៏គង់តែមានពេលឈ្លោះប្រកែក និងមានបញ្ហាថ្នាំងថ្នាក់ចំពោះគ្នាមិនអាចគេចបានឡើយ។ ប៉ុន្តែអ្វីដែលសំខាន់ គឺស្ថិតលើអ្នកទាំងពីរ ចេះប្រឈមមុខ និងដោះស្រាយជាមួយគ្នាដោយរបៀបណា…

ពេលខ្លះស្នេហា ការស្រឡាញ់បើទោះបីជាយ៉ាងណាក៏ដោយ ក៏តែងតែធ្វើឱ្យមនុស្សប្រុសមានអារម្មណ៍ធុញទ្រាន់ ហត់ចិត្តដ្បិតមនុស្សស្រីដែលខ្លួនស្រឡាញ់តែងតែបង្ហាញ និងបញ្ចេញនូវអាកប្បកិរិយាមិនគប្បីចំពោះខ្លួន។ ប៉ុន្តែសម្រាប់មនុស្សស្រីដែលមានអត្តចរិត៣ប្រភេទនេះ គឺមនុស្សប្រុសគ្មានថ្ងៃនឹងហត់នឿយ ឬធុញទ្រាន់ក្នុងការស្រឡាញ់នាងនោះឡើយ។ ១. មនុស្សស្រីមានភាពរីករាយ ស្ត្រីរីករាយ និងចូលចិត្តសើចសប្បាយ តែងតែនាំមកនូវសេចក្តីអំណរដល់គ្រប់ទីកន្លែងដែលនាងទៅ។ នោះហើយជាមូលហេតុដែលបុរសជាច្រើនលង់ស្រឡាញ់ស្ត្រីដែលមានចរិតបែបនេះ។ ស្ត្រីរីករាយ និងសកម្មអាចធ្វើឱ្យជីវិតរបស់គាត់មិនសូវធុញទ្រាន់ និងស្មុគស្មាញច្រើនឡើយ។ សូម្បីតែនៅពេលគាត់តស៊ូក៏ដោយ ក៏ស្ត្រីញញឹមលើកទឹកចិត្តគាត់ឱ្យបន្តការខិតខំរបស់គាត់ដើម្បីជម្នះភាពលំបាកដែរ។ ជារៀងរាល់ថ្ងៃសម្រាប់គាត់ គឺជាថ្ងៃដ៏ស្រស់ស្អាតបំផុតដែលគាត់បាននៅជាមួយស្ត្រីនោះ។ ២. ស្ត្រីមានអាកប្បកិរិយាសប្បុរសស្មោះត្រង់ និងការយល់ដឹងជ្រៅជ្រះ មានសុភាសិតមួយដែលមានលក្ខណៈដូចនេះ: “រូបរាងរបស់អ្នកមុនអាយុ 25 ឆ្នាំគឺមកពីឪពុកម្តាយរបស់អ្នក ប៉ុន្តែបន្ទាប់ពីអាយុ 25 ឆ្នាំ រូបរាងរបស់អ្នកពឹងផ្អែកលើអ្នក។…

ការរៀបការបានប្ដីល្អជាសំណាងរបស់មនុស្សស្រី តែអ្វីដែលនាងប្រាថ្នាបន្ថែមទៀតនោះគឺ សុំឱ្យនាងបានជួបឪពុកម្ដាយក្មេកចិត្តធម៌ មានចិត្តអាណិត មេត្តា ស្រឡាញ់ ផ្ដល់ភាពកក់ក្ដៅដល់នាង។ យ៉ាងណាមិញ មានម្ដាយក្មេកម្នាក់ បានប្រាប់ទៅកូនប្រសារស្រី ដែលបានស្ដាប់ និងអានខ្លឹមសាររួចហើយនោះ ពិតជាធ្វើឱ្យស្រីៗមានអារម្មណ៍ថាកក់ក្ដៅ និងរំភើបចិត្តបំផុត។   សម្ដីម្ដាយក្មេក និយាយទៅកាន់កូនប្រសារស្រី ៖ – កូនស្រី! ទោះបីកូនជាកូនប្រសារ ជាសាច់ថ្លៃនៃគ្រួសារមួយនេះក៏ដោយ តែម៉ាក់សូមឱ្យកូនកុំមានអារម្មណ៍ទើសទាល់អី កូនត្រូវធ្វើខ្លួនឱ្យស្និទ្ធស្នាលជាមួយនឹងបងប្អូនទាំងអស់ ជាពិសេសជាមួយម៉ាក់ប៉ា ព្រោះកូនលែងជាអ្នកដទៃទៀតហើយ កូនជាសមាជិកដ៏សំខាន់ម្នាក់នៅក្នុងគ្រួសារមួយនេះ ដូច្នេះ ចូរកូនធ្វើខ្លួនជាកូន ជាបងជាប្អូនរបស់អ្នកក្នុងផ្ទះនេះ ហើយត្រូវគិតថា កូនជាកូនរបស់ប៉ាម៉ាក់មិនមែនជាកូនប្រសារនោះឡើយ។…

ការសួរនាំគ្នាទៅវិញទៅមកគឺជារឿងដែលគួរសម ក្មេងៗសួរសុខទុក្ខចាស់ៗ ឬអ្នកស្គាល់គ្នាក្នុងបំណងជាការគោរព និងចាស់ៗសួរនាំក្មេងៗបែបចាស់ទុំសួរនាំក្មេង ប៉ុន្តែ ក៏មានចាស់ៗមួយចំនួនធំ មាត់ហាឡើងវឹប សួរខុសទំនង សួរបែបគ្មានសុជីវធម៌ គ្មានការគិតទាល់តែសោះ សួរចេញមក សួរបែបចង់ដឹងចង់ឮរឿងគេតែម្ដង គឺសំណួរបែបខុសទំនង ក៏ជាសំណួរដែលក្មេងៗ ឬមនុស្សជាច្រើនមិនចូលចិត្ត និងស្អប់បំផុត ហើយសំណួរទាំងនោះ មានដូចជា ៖ ១. សួររឿងការងារ និងប្រាក់ខែ ជាសសំណួរខ្វះសុជីវធម៌បំផុត ដែលនៅសុខៗ ឬឱ្យតែមកជួបមុខ សួរតែរឿងហ្នឹង រាល់ថ្ងៃអាអូនឯងធ្វើការងារអី ប្រាក់ខែប់ុន្មានដែរ ក៏មានចាស់ខ្លះ ស្រាប់តែធ្លោយរហូតដល់ទៅ អីគេប្រាក់ខែប៉ុណ្ណឹងទេ? ស៊ីគ្រាន់ដែរ?…