អត្ថបទថ្មីៗ

មានគេនិយាយថាកាលដែលយើងជាប់បំណុល ឬ គ្មានការងារធ្វើក៏មិនគួរឱ្យខ្លាចដូចកំហុសទាំង៥យ៉ាងខាងក្រោមនេះដែរ ព្រោះបើអ្នកបានប្រព្រឹត្តិវាហើយ ឱកាសបកក្រោយគឺមានតិចណាស់ ដោយសារតែអ្នកទម្លាប់ទៅនឹងសកម្មភាពទាំងនោះ។ ១.មិនរស់ជាខ្លួនឯង៖ ទោះបីជាអ្នកមិនមានជីវភាពធូរធារ ឬ មិនអស្ចារ្យដូចអ្នកដទៃ សូមអ្នករក្សានូវភាពជាខ្លួនឯង កុំសម្តែងអ្វីដែលមិនមែនជាការពិត កុំនិយាយបំប៉ោងខ្លួនដើម្បីអោយគេសរសើរ ព្រោះលើលោកនេះមានតែការពិតទេដែលស្ថិតស្ថេរជារៀងរហូត។ ចូររស់នៅជាមួយការពិត ធ្វើរឿងដែលអ្នកពេញចិត្ត ដើរតាមក្តីស្រមៃ ដែលអ្នកចង់បាន។ ២.អនុញ្ញាតឱ្យអ្នកដទៃសម្រេចចិត្តពីតម្លៃរបស់អ្នក៖ មនុស្សយើងកើតមកមិនមានការគិតដូចគ្នាទេ អ្នកណាគិតថាអ្នកជាមនុស្សល្អ អ្នកខ្លះគិតថាអ្នកជាមនុស្សអាក្រក់ វាស៊ីសងទៅលើវិចារណញ្ញាណរបស់ពួកគេ តែរឿងដែលអ្នកត្រូវចងចាំ គឺត្រូវជឿជាក់លើខ្លួនឯង ស្រលាញ់ខ្លួនឯង មើលថែខ្លួនឯង គោរពខ្លួនឯង កុំបណ្តោយអោយសម្តីអ្នកដទៃមានឥទ្ធិពលលើជីវិតរបស់អ្នកឱ្យសោះ។ ៣.តែងតែរកលេសគ្រប់រឿង៖ កុំធ្វើជាមនុស្សអាត្មានិយម ដើម្បីតែអាចគេចចេញពីបញ្ហា…

ធ្វើជាមនុស្សត្រូវចេះបើកចិត្តឱ្យទូលាយ ហើយរៀនបែងចែកកឱ្យបានល្អរវាងការនិយាយលេង ឬនិយាយមែន។ មនុស្សយើងត្រូវមានទំនាក់ទំនងជាមួយនឹងមនុស្សជុំវិញខ្លួនឱ្យបានច្រើន ព្រោះយើងរស់នៅក្នុងសង្គម ដូច្នេះ មិនត្រូវខ្វះញាតិមិត្ត ខ្វះការទាក់ទងនឹងមនុស្សជុំវិញខ្លួនឡើយ។ ធម្មតាទេ មនុស្សរស់នៅក្នុងសង្គមតែមួយជាមួយគ្នា មិនថាជាមិត្ត ជាបងប្អូន ឬអ្នកស្គាល់គ្នា ធ្វើការជាមួយគ្នា រកស៊ីជាមួយគ្នា គឺសុទ្ធតែជាការទាក់ទងដ៏ល្អ អ្វីដែលសំខាន់នោះគឺ មនុស្សខ្លះ គាត់ចូលចិត្តលេងសើចច្រើន ព្រោះតែគាត់គិតថា គាត់មានភាពស្និទ្ធស្នាលជាមួយនឹងយើង ជិតស្និទ្ធនឹងគ្នា ទើបពេលខ្លះគាត់និយាយលេងច្រើន។ ចំណែកយើងវិញក៏ដូចគ្នាដែរ មនុស្សដែលចូលចិត្តលេងសើចច្រើន ប្រាកដជាដឹងច្បាស់ហើយថា ការលេងសើចនេះវាបែបណា។ ប៉ុន្តែក៏មានមនុស្សខ្លះគឺ ចូលចិត្តលេងទៅលេងមក មិនចេះប្រកាន់ទេ … អ្នកខ្លះចូលចិត្តលេងដែរ…

គេថាស្នេហាមួយ បើមានការក្បត់ចិត្តហើយ ច្បាស់ណាស់ថា មិនអាចបន្តទៀតបានទេ គឺសុខចិត្តបែក ទោះបីត្រូវឈឺចាប់ក៏ដោយ។ ប៉ុន្តែ ក្រៅពីហេតុផលក្បត់ចិត្តនេះហើយ ក៏នៅមានហេតុផលមួយចំនួនទៀត ដែលអាចធ្វើឱ្យចិត្តមនុស្សយើងចាប់ផ្ដើមលែងចង់បន្តទំនាក់ទំនង អស់ចិត្ត អស់អារម្មណ៍ចំពោះស្នេហាទៀត។ ១. ស្នេហានាំមកនូវភាពទុក្ខព្រួយច្រើនជាងសុភមង្គល មិនមែនឱ្យតែពាក្យថាសង្សារ ឬស្រឡាញ់គ្នា សុទ្ធតែមានក្ដីសុខសុភមង្គលនោះទេ មនុស្សខ្លះ ឈ្មោះថាសង្សារមែន ស្រឡាញ់គ្នាមែន តែវាគ្រាន់តែជារូបភាពខាងក្រៅប៉ុណ្ណោះ តែផ្ទុយទៅវិញ ក្នុងទំនាក់ទំនងមួយនេះ តាំងពីចាប់ផ្ដើមជាមួយគ្នាមក គឺមានតែទុក្ខសោក ទឹកភ្នែក ការពិបាកចិត្តតែប៉ុណ្ណោះ ម្ល៉ោះហើយ បែកគ្នាឱ្យហើយទៅវាល្អជាង ព្រោះបើបន្តរហូតដល់ក្លាយជាប្ដីប្រពន្ធ ក៏គង់តែលែងគ្នានៅថ្ងៃណាមួយ។ ២.…

រាល់ស្នេហា គ្រប់ការស្រឡាញ់ រមែងទាមទារឱ្យចិត្តមនុស្សយើងចេះកំណាញ់ ចង្អៀតចង្អល់ ខ្វល់ខ្វាយ អាចក្លាយជាអារម្មណ៍អាត្មានិយមថែមទៀតផង។ តែបើអ្នកពិតជាស្រឡាញ់មនុស្សម្នាក់ពិតប្រាកដ អ្នកនឹងយល់ពីតម្លៃនៃការលះបង់ អ្នកនឹងចេះបើកចិត្តឱ្យទូលាយ និងចេះផ្ដល់សិទ្ធសេរីភាពឱ្យគ្នា ហើយក៏រឹតតែជឿជាក់ និងគោរពគ្នាថែមទៀត។ នៅពេលដែលអ្នកចេះជឿជាក់លើគ្នាហើយនោះ អ្នកនឹងមិនចាំបាច់ត្រូវទៅនឹកខ្វល់ ចង់ដឹងចង់ឮ ជីកឫសជីកគល់ពីគេទេ ហើយអ្នកក៏រឹតតែមិនចាំបាច់ត្រូវសួរនាំគ្រប់រឿង ចង់ដឹងគ្រប់សកម្មភាពរបស់ដៃគូនោះដែរ។ មនុស្សស្រឡាញ់គ្នាពិត មានចិត្តឱ្យគ្នាប្រាកដ ចេះគោរពគ្នា ចេះឱ្យតម្លៃគ្នា ចេះផ្ដល់ភាពសំខាន់ឱ្យគ្នា នោះគេនឹងដឹងពីតួនាទីរបស់ខ្លួនរៀងៗខ្លួនហើយ។ ទៅណាមកណា មិនបាច់សួរនាំ ក៏គេប្រាប់គ្នា ទៅណាមកណា ជាមួយអ្នកណា មិនបាច់សួរនាំ ក៏ត្រូវរាយការណ៍ប្រាប់គ្នា ទោះដៃគូមិនចង់ដឹង…