អត្ថបទថ្មីៗ

ថ្មីៗនេះរូបភាពប៉ុន្មានសន្លឹកនៃការផលិតធុងសម្រាមបរិស្ថានមួយ បានធ្វើឱ្យមហាជនមានការកោតសរសើរនូវការច្នៃប្រតិដ្ឋថ្មី ​ដោយយកកង់ឡានជារបស់ប៉ះពាល់បរិស្ថាន មកប្រើប្រាស់ឡើងវិញធ្វើជាធុងសម្រាមដើម្បីការពារបរិស្ថានទៅវិញ។ តាមរយៈគណនីហ្វេសប៊ុកផេក ​Davin  Shop  បានបង្ហោះរូបភាព ថែមទាំងរៀបរាប់ថា៖ « ស្នាដៃខ្មែរយើងគួរតែខំលើកស្ទួយ កុំបណ្ដោយអោយដង្ហើមខ្មែរស្ទើរផុត គំាទ្រគេក្ដីសង្ឃឹមយើងរលត់ ម្ដេចនឹងផុតពីវិបត្តិគ្រោះក្រីក្រ។ សូមអរគុណដល់ពុកម៉ែបងប្អូនដែរស្រលាញ់បរិស្ថាន និងជួយគាំទ្រធុងសំរាមយើងខ្ញុំ ០៨១ ៨៥៧ ៨០០​»។ គួរឱ្យដឹងផងដែរថា ធុងបរិស្ថានពណ៌ខ្មៅមួយតំលៃ 25$ ឯពណ៌បៃតងមានតំលៃ 27$ តែប៉ុណ្ណោះ ។ កុំភ្លេចូលរួមគាំទ្រ និងជាវផលិតផលធុងសម្រាមបរិស្ថានពីស្នាដៃកូនខ្មែរយើងផង ​ដោយការជាវ នឹងមានការដឹកជូនដល់ទីកន្លែងសម្រាប់នៅក្រុងភ្នំពេញផងដែរ ​ដោយលោកអ្នកអាចទំនាក់ទំនងសាកសួរព័ត៌មានដោយផ្ទាល់តាមរយៈលេខទូរស័ព្ទ 081…

អ្នកណាថា មនុស្សពីរនាក់ឱ្យតែស្រឡាញ់គ្នា មានចិត្តស្មោះត្រង់ចំពោះគ្នា ប្រាកដជាបានរស់នៅជាមួយគ្នាដល់ចាស់ អាចកាន់ដៃគ្នាចូលរោងការ មានមេបា ញាតិបងប្អូន មិត្តជិតឆ្ងាយចូលរួមអបអរសាទរនោះ គឺមិនអាចក្លាយជាការពិតទាំងអស់នោះឡើយ ចុងក្រោយនៃទំនាក់ទំនងស្នេហាមួយចំនួន ប្រហែលយើងបានត្រឹមតែជាភ្ញៀវចូលរួមមង្គលការរបស់មនុស្សដែលយើងស្រឡាញ់តែប៉ុណ្ណោះ។ ធ្លាប់គិតថា រាល់ការស្រឡាញ់សុទ្ធតែមានន័យ មានតម្លៃ អាចក្លាយជាប្រពន្ធប្ដី កាន់ដៃគ្នាចូលរោងការយ៉ាងមានក្ដីសុខ និងសុភមង្គល តែពេលជួបរឿងផ្ទាល់ទើបយល់ច្បាស់ថា ការពិតទៅ ទំនាក់ទំនងស្នេហាដ៏ផ្អែមល្ហែម ឬការស្រឡាញ់ដ៏ស្មោះស្ម័គ្រ វាគ្រាន់តែជាការសាកល្បង ឬការសាងទំនាក់ទំនងមួយ ដើម្បីឈានទៅរកដៃគូពិតប្រាកដនាថ្ងៃខាងមុខតែប៉ុណ្ណោះ។ មនុស្សដែលយើងស្រឡាញ់ពេលនេះ មនុស្សដែលយើងព្យាយាមថែរក្សាពេលនេះ មិនមែនសុទ្ធតែអាចចាប់ដៃគ្នាបានរហូតនោះឡើយ ថ្ងៃនេះយើងនិងគេស្រឡាញ់គ្នា តែថ្ងៃមុខ អ្នកដែលអាចរៀបការជាមួយយើងបានអាចមិនមែនគេ ឬអ្នកដែលរៀបការជាមួយគេក៏មិនមែនយើងដែរ នេះហើយស្នេហា…

មនុស្សកំពុងមានស្នេហា មនុស្សដែលកំពុងតែស្រឡាញ់ដៃគូដ៏ងប់ងល់ ប្រាកដជាដឹងច្បាស់ថា ភាសានៃក្ដីស្រឡាញ់ អារម្មណ៍នៃក្ដីស្រឡាញ់ គឺស្រឡាញ់ស្ទើរលេប ស្រឡាញ់ស្មើជីវិត ពិតជាមិនមានអ្វីអាចបរិយាយបានឡើយ។ អារម្មណ៍នៃក្ដីស្រឡាញ់គឺ មិនចង់ឃ្លាតឆ្ងាយពីគ្នា ចង់តែនៅក្បែរៗគ្នា និយាយគ្នា ជជែកគ្នា ឮសំឡេងគ្នា ឃើញមុខគ្នា បានកាន់ដៃគ្នា នេះហើយជាអារម្មណ៍នៃសេចក្ដីស្រឡាញ់ … មិនថាធ្វើអ្វី និយាយអ្វី នៅទីណា ដល់កន្លែងណា ជាមួយអ្នកណា ក៏មិនភ្លេចមនុស្សដែលខ្លួនស្រឡាញ់ដែរ បិទភ្នែកបើកភ្នែក ដង្ហើមចេញ ដង្ហើមចូល គឺមានតែមនុស្សម្នាក់ហ្នឹង មិនអាចបំភ្លេចបាន សូម្បីតែមួយវិនាទី។ សេចក្ដីស្រឡាញ់ដែលកំពុងតែងប់ងល់ ទោះមានអ្វីមករារាំងក៏មិនអាចបង្ខាំង…

ម៉ាឡេស៊ី៖ មានមនុស្សមិនតិចអ្នកនោះទេ ​ចូលចិត្តនិយាយលេងថា  ពិបាកចិត្តពេកចង់តែរស់នៅកណ្តាលកោះ ​ព្រោះពួកគេយល់ថាជាទីស្ងាត់ឆ្ងាយពីគេឯង  និងធ្វើឱ្យអារម្មណ៍ធូរស្រាលអាចចេញឆ្ងាយពីពិភពអ៊ូអរបាន។ ជារឿងពិសេសណាស់ ​រីហ្សតមួយកន្លែងនៅប្រទេសម៉ាឡេស៊ី ​គឺជារីហ្សតដែលស្ថិតនៅដីកោះមួយដុំកណ្តាលទឹកសមុទ្ រជួនកាលលិចទឹកស្ទើរពេញមួយឆ្នាំ ​ពេលខ្លះទឹកក៏នាចបន្សល់ដីទួល មើលទៅពិតជាមានអារម្មណ៍ស្រស់ស្រាយមែនទែនចំពោះការសម្រាកលំហែនៅកណ្តាលសមុទ្រធំល្វឹងល្វើយបែបនេះ។ រីសតមួយនេះមានឈ្មោះថា Sipadan Kapalai Dive Resort ធ្វើដំណើរពីកោះ Sipadan និងកោះ Mabul តែប៉ុន្មាននាទីប៉ុណ្ណោះ ​អ្នកនឹងប្រទះនឹងការរៀបចំបឹងហ្គាឡូជាប់ៗគ្នាជាជួរ ​ដូចនៅកោះម៉ាឌីវដែរ ហើយរចនាម៉ូដស្រដៀងនឹងផ្ទះបែបបុរាណខ្មែរគួរជាទីមនោរម្យមែនទែន ពោលគឺប្រៀបបីដូចជាស្ថិតនៅក្នុងពិភពមួយទៀតដាច់ដោយឡែកពីគេឯង។ ទីនេះប្រៀបបីដូចជាភូមិដ៏ស្រស់ស្អាតមួយដែលងើបចេញពីផ្ទៃទឹកសមុទ្រ ស្ថិតនៅកណ្តាលសាគរល្វឹងល្បើយ ​ជាពិសេសអ្នកអាចគយគន់ហ្វូងត្រីរាប់ពាន់នៅផ្ទៃទឹកខាងក្រោមបានច្បាស់ល្អ  ឯការស្នាក់នៅគឺទំនើប និងមានផាសុកភាពល្អ។ ហើយអ្វីដែលរំភើបមិនអាចបំភ្លេចបាន…

ការចុះអេតាស៊ីវិល អាចនិយាយបានថាជារឿងដែលសំខាន់ សម្រាប់គូស្វាមីភរិយាថ្មីដែលទើបនឹងរៀបការរួចថ្មីថ្មោង ដែលត្រូវនាំគ្នាទៅចុះអេតាស៊ីវិល ឬសំបុត្រអាពាហ៍ពិពាហ៍បន្ទាប់ពីរៀបការរួច ដើម្បីបញ្ជាក់ថាជាប្ដីប្រពន្ធនឹងគ្នាស្របច្បាប់។ ដ្បិតថាអេតាស៊ីវិល ឬសំបុត្រអាពាហ៍ពិពាហ៍មួយសន្លឹក មិនអាចបញ្ឈប់ចិត្តក្បត់ផិត ឬការលួចលាក់របស់ភាគីម្ខាងណា ដែលចង់ក្បត់ ចង់មានថ្មីបានក៏ពិតមែន តែជាក់ស្ដែង យ៉ាងហោចណាស់ក៏សំបុត្រមួយសន្លឹកនេះ ក៏អាចយកឈ្នះលើការក្បត់លួចលាក់ ប្រសិនបើប្ដីលួចទៅមានស្រី ឬមានប្រពន្ធចុង ក្នុងនាមយើងជាប្រពន្ធដើម ប្រពន្ធស្របច្បាប់ ក៏អាចឈ្នះមីស្រីលួចលាក់ដែលទាក់ទងប្ដីគេ យ៉ាងហោចណាស់ ក៏អាចឈ្នះក្នុងផ្លូវច្បាប់ ប្រសិនបើមានករណីលែងលះឡើងតុលាការ ឈ្នះដែលអាចចែកទ្រព្យសម្បត្តិ ឬអ្វីផ្សេងៗ យ៉ាងហោចណាស់ក៏ មិនបាច់ត្រូវទៅលួចលាក់ ឬចាញ់ប្រៀបប្ដី និងមីស្រីស្រែកឃ្លានប្ដីគេ។ សម័យនេះ មិនអាចធ្វើដូចសម័យយាយតា ប៉ាម៉ាក់យើងបានទេ…

ភ្នំពេញ៖ ហាងបុកល្ហុងនៅស្រុកខ្មែរ មានច្រើនកន្លែងមែនទែន ​សម្រាប់រកទទួលទាន ​ដោយមានរសជាតិឆ្ងាញ់ៗខុសប្លែកពីគ្នាទៅតាមគ្រឿងផ្សំប្រចាំហាងនីមួយៗ។ នៅក្នុងថ្ងៃនេះដែរ ​«ក្នុងស្រុក ​» សូមណែនាំហាងបុកល្ហុងមួយកន្លែងទៀតហើយ ​កំពុងតែមានឈ្មោះល្បី ​ និងមានភ្ញៀវចូលទទួលទានមិនចេះដាច់នោះគឺ ហាង « បុកល្ហុងអំពិលខ្ចី (រសជាតិដើម)​»។ បុកល្ហុងអំពិលខ្ចី (រសជាតិដើម)»ទោះបីជាមានទីតាំងរាងតូចបន្តិចមែន ​តែមានភ្ញៀវចេញចូលទទួលទានមិនចេះដាច់នោះទេ ​ថែមទាំងគ្មានកន្លែងអង្គុយផងដែរព្រោះតែមានភ្ញៀវពេញៗហាង។ ហាងមួយនេះមានបុកល្ហុងជាច្រើនប្រភេទ ជាពិសេសនោះគឺ ​បុកល្ហុងអំពិលខ្ចី ដូចជាឈ្មោះហាងតែម្តង ​ហើយមានរសជាតិឆ្ងាញ់ប្លែក ​ដែលអ្នកមកទទួលទាននៅហាងតែងតែកំម៉ុងទទួលទានរាល់ពេល ​ហើយក៏មានមុខម្ហូបបែបបុកល្ហុង និងញ៉ាំដទៃទៀតជាច្រើនមុខផងដែរ ​ដែលសុទ្ធសឹងតែទទួលបានការពេញនិយមដូចជា ​បុកក្តាមសមុទ្រ ​បុកងាវ ​បុកបង្គារ…

កណ្តាល៖ ជាធម្មតាមនុស្សយើងទោះបីជាការងារ និងការសិក្សាសំខាន់យ៉ាងណាក្តី តែយើងនៅតែត្រូវការសម្រាក និងពេលលំហែអារម្មណ៍ខ្លះ ដើម្បីបង្កើនភាពរីករាយ និងបំបាតស្ត្រេសផងដែរ ដោយភាគច្រើនយើងតែងតែរកកន្លែងដើរលេងសប្បាយៗនានាដើម្បីទៅកម្សាន្ត។ ពេលនេះមិនបាច់ទៅដល់ខេត្តឆ្ងាយនោះទេ សម្រាប់អ្នកដែលមិនសូវមានពេលវេលាច្រើន និងមិនចូលចិត្តធ្វើដំណើរផ្លូវឆ្ងាយ រមណីយដ្ឋានមួយកន្លែងបើកថ្មីនៅជិតបង្កើយ ដ៏ស្រស់ស្អាតកំពុងតែរង់ចាំលោកអ្នកហើយនោះគឺ រមណីយដ្ឋាន « ភូមិផ្កាត្រកួន»។ រមណីយដ្ឋានមួយនេះ មានអាកាសធាតុត្រជាក់បរិសុទ្ធដែលបានមកពីជំនោរទឹកទន្លេនៅជុំវិញ ថែមទាំងមានការរៀបចំទីកន្លែងដោយសួនផ្កា និងដំណាំបន្លែយ៉ាងស្រស់ស្អាតប្លែកគួរជាទីមនោរ្យផងដែរលើផ្ទៃដីធំល្វឹងល្វាយដល់ទៅជាង ៦០ហិចតា។ កាន់តែពិសេសអ្នកដែលមកលេងកម្សាន្តអាចដើរលេងថតរូបកម្សាន្តបានយ៉ាងរីករាយជាមួយនឹងទិដ្ឋភាពក្នុងរមណីយដ្ឋាននេះផ្ទាល់ អាចជិះទូកលេងកម្សាន្ត អង្គុយកញ្ចុះមាត់ទឹកទទួលទានអាហារឆ្ងាញ់ៗបែបអ្នកស្រុក និងអាចទស្សនាថ្ងៃរៀបលិចដ៏អស្ចារ្យនៅពេលល្ងាចបានទៀតផង។ សម្រាប់អ្នកដែលចង់មកកម្សាន្ត រមណីយដ្ឋាន « ភូមិផ្កាត្រកួន» នេះមានទីតាំងស្ថិតនៅក្នុង ឃុំស្វាយប្រទាល ស្រុកស្អាង…

ថៃ៖ ភូកេតប្រទេសថៃ ​គឺជាទីកន្លែងទេសចរណ៍ដ៏សម្បូរបែបមួយបន្ទាប់ពីទីក្រុងបាងកក ​ជាពិសេសទីនោះមានប្រជុំកោះស្អាតៗ និងល្បីៗជាច្រើន កំពុងតែទាក់ទាញភ្ញៀវទេសចរណ៍មកកម្សាន្ត។ ការទៅលេងលក្ខណៈជា ​Trips  ជាមួយនឹងមិត្តភក្តិគឺជារឿងមួយដ៏ល្អបំផុតសម្រាប់អ្នកដែលចង់ចំណាយលុយតិច ព្រោះបើតាមការរៀបរាប់ពីម្ចាស់គណនីហ្វេសប៊ុក ​Nimol  បាននិយាយពីបទពិសោធន៍របស់ខ្លួនជាមួយនឹងដំណើរកម្សាន្តមួយនេះផងដែរថា  ការចំណាយពេលដើរលេងនៅភូកេត ​រយៈពេល ​៣ថ្ងៃ ​ក្នុងម្នាក់ចំណាយអស់ត្រឹមតែ ​ខ្ទង់ ​200$  ទៅ​​250$  ម្នាក់ប៉ុណ្ណោះ ឯថ្លៃហោះហើរយន្តហោះប្រមាណជា ​100$  (តម្លៃអាចផ្លាស់ប្តូរទៅតាមរដូវកាល)។ នេះជាការៀបរាប់សង្ខេបត្រួសៗនៃដំណើរកម្សាន្តរបស់ម្ចាស់គណនី ​Nimol នៅក្នុងនោះការស្នាក់នៅក្នុងរីហ្សតមួយកន្លែង ចំនួន ​២បន្ទប់ ​រយៈពេល ​៣យប់ តម្លៃ 5,130baht…