អត្ថបទថ្មីៗ

“ដើរផ្លូវរបស់ខ្លួនឯង កុំខ្វល់ពីសំដីរបស់អ្នកដទៃ” (Dante Alighieri) តាំងពីតូចមកខ្ញុំតែងមានចម្ងល់ចំពោះពាក្យ១ឃ្លានេះ ខ្ញុំតែងតែប្រាប់ខ្លួនរហូតមកថា ធ្វើរឿងអ្វីក៏ដោយកុំទៅខ្វល់នឹងពាក្យឥតប្រយោជន៍របស់អ្នកដទៃ ប៉ុន្តែនិយាយងាយស្រួលណាស់​ ធ្វើគឺវាពិបាក នៅក្នុងចិត្ត គឺនៅតែខ្វល់ពីពាក្យសម្ដីអ្នកដទៃដដែល រាល់ដងពេលដែលចេញទៅក្រៅ ខ្ញុំតែងសួរមិត្តភក្តិខ្ញុំថា ៖ “ខ្ញុំពាក់បែបនេះស្អាតដែរទេ?” គេនិយាយថា ៖ “ស្អាតតើ” ឮដូច្នេះហើយទើបខ្ញុំចេញពីផ្ទះដោយក្តីរីករាយ ដូច្នេះហើយ ពាក្យ១ឃ្លានេះពិបាកនឹងស្តែងចេញមកណាស់។ តាមពិតទៅតាំងពីតូចមក យើងតែងតែយកចិត្តទុកដាក់សភាពខ្លួនឯងដែលនៅក្នុងភ្នែករបស់អ្នកដទៃ យើងសុទ្ធតែចង់ឲ្យគេចូលចិត្ត ដូច្នេះហើយមានពេលជាច្រើន បានធ្វើឲ្យខ្លួនឯងវង្វេងវង្វាន់រកមិនឃើញខ្លួនឯង បានធ្វើឲ្យខ្លួនឯងឃ្លាតកាន់តែឆ្ងាយទៅៗពីផ្លូវដែលខ្លួនបានដើរ ក៏កាន់តែធ្វើឲ្យខ្លួនមានអារម្មណ៍ស្រពេចស្រពិលចំពោះអនាគតខ្លួនដែរ។ នៅក្នុងពិភពលោកនេះ មានមនុស្ស៣ប្រភេទ ៖ ប្រភេទទី១…

ប្រសិនបើអ្នកមិនប្រាប់កូនៗអំពីហេតុផល៤ប្រការនេះទេ កូនៗនឹងមិនអាចមានគំនិតចាស់ទុំឡើយ ហើយរមែងតែខាតបង់ពេលចេញប្រឡូកក្នុងសង្គមយើងនេះមិនខាន។ ប្រការ ១ ៖ កូនគឺជាកូន កូនគ្មានទំនាក់ទំងអីជាមួយនរណាម្នាក់បន្តិចសោះឡើយ។ (កុំអាងខ្នង) ប្រការ ២ ៖ ពិភពរបស់កូនក្មេងគេនិយាយពីមនោសញ្ចេតនា ពិភពរបស់មនុស្សធំគេនិយាយពីផលប្រយោជន៍។ កុំគិតថាពេលនេះកូនជល់កែវគ្នាសប្បាយហៅបងប្អូនល្អ នោះគឺគ្រាន់តែជាការរាប់គ្នាធម្មតាៗ។ ចុះកូនមានដែលគិតទេថា មិត្តជិតដិតបំផុតរបស់កូនកាលនៅរៀន ហេតុអ្វីពេលនេះគេមិនរាប់រកកូនទៀតនោះ? ប្រការ ៣ ៖ នៅលើលោកនេះ មិនមានយុត្តិធម៌នោះទេ គឺមានតែសមត្ថភាពខ្លាំងពិតតែប៉ុណ្ណោះ។ ការរអ៊ូបន្ទោសមេឃបន្ទោសដី បន្ទោសអ្នកដទៃ គឺគ្មានប្រយោជន៍អ្វីទាំងអស់។ វាគ្រាន់តែជាការប្រកាសប្រាប់គេឯងថា កូនជាមនុស្សអសមត្ថភាពបរាជ័យម្នាក់តែប៉ុណ្ណោះ។ ប្រការ ៤…

បុគ្គលគ្រប់រូបរមែងមានក្ដីស្រមៃរៀងៗខ្លួន ហើយតាមរយៈក្ដីស្រមៃនោះ បុគ្គលខ្លះទទួលបានជោគជ័យ ឯបុគ្គលខ្លះទៀតក៏បរាជ័យ។ ហេតុអ្វីបានជាបុគ្គលខ្លះជោគជ័យ ចំណែកបុគ្គលខ្លះទៀតបែរជាបរាជ័យ ខណៈដែលពួកគេសុទ្ធតែមានក្ដីស្រមៃដូចគ្នា? គ្រប់បុគ្គលជោគជ័យ ក៏ព្រោះដោយសារក្ដីស្រមៃរបស់ពួកគេស្ថិតក្នុងដែនកំណត់មួយច្បាស់លាស់ មិនស្រមៃលើសពីសមត្ថភាពរបស់ខ្លួន ហើយទន្ទឹមនឹងការស្រមៃនោះ ពួកគេតែងតែធ្វើសកម្មភាពយ៉ាងឈ្មុសឈ្មុល និងសស្រាក់សស្រាំ។ ផ្ទុយទៅវិញ បុគ្គលបរាជ័យ គឺដោយសារបុគ្គលនោះមានក្ដីស្រមៃលើសពីសមត្ថភាពដែលខ្លួនមាន លង់លក់ក្នុងក្ដីស្រមៃដូចចៅចាក់ស្មុគ ពិសេសថែមទាំងអសកម្មភាពទៀតផង។ ក្ដីស្រមៃ គឺជាកម្លាំងចលករដ៏អស្ចារ្យមួយដែលជំរុញធ្វើឱ្យមនុស្សមានកម្លាំងចិត្ត មានការប្ដេជ្ញាចិត្តខ្ពស់ ចេះតស៊ូ ទទូច និងហ៊ានពុះពាររាល់ឧបសគ្គក្នុងឆាកជីវិតប្រកបដោយប្រសិទ្ធភាព និងប្រសិទ្ធផល។ ឧទាហរណ៍ បើយើងមានក្ដីស្រមៃចង់ក្លាយជាសិស្សពូកែប្រចាំថ្នាក់រៀន ឬប្រចាំសាលា ឬក៏ប្រចាំប្រទេស ក្ដីស្រមៃនោះនឹងជំរុញឱ្យយើងមានកម្លាំងចិត្តរៀនសូត្រ ជម្រុះចោលភាពខ្ជិលច្រអូស ហ៊ានលះបង់ទាំងថវិកានិងពេលវេលាដើម្បីសិក្សាស្រាវជ្រាវឱ្យស៊ីជម្រៅ…

អ្វីទៅជាសុភមង្គល? សុភមង្គល មិនមែនអ្នកមានបានស្តុកស្តម ក៏មិនមែនអ្នកមានអាហារបរិភោគហូរហៀរនោះដែរ តែគឺជាជីវភាពរស់នៅដ៏សាមញ្ញមួយដែលមនុស្សរាល់គ្នាចង់បាន នោះគឺពេលដែលអ្នកឃ្លានអ្នកមានអ្វីញុំា ចង់បានក្តីស្រលាញ់ហើយមានមនុស្សអាចពឹងពាក់បាន។ នៅខាងក្រោមផ្ទះខ្ញុំមានប្តីប្រពន្ធ១គូមានជីវភាពបែបនេះដែរ ស្វាមីគឺជាអ្នកលក់ចេកអាំង ប្រពន្ធគឺជាអ្នកបោសសំអាត។ ជារៀងរាល់ថ្ងៃ ប្រពន្ធងើបពីព្រលឹមចម្អិនម្ហូបទុកឲ្យប្តី ហើយជួយរៀបចំឥវ៉ាន់ឲ្យប្តីសំរាប់យកទៅលក់ បន្ទាប់មកអ្នកទាំងពីរក៏ចេញពីផ្ទះទាំងអស់គ្នា។ ពួកគាត់កម្រនិយាយគ្នាណាស់ ពួកគាត់តែងតែប្រើកែវភ្នែកជាការប្រាស្រ័យទាក់ទងគ្នា សកម្មភាពដ៏សាមញ្ញាមួយ អាចធ្វើឲ្យអ្នកទាំងពីរយល់ពីចិត្តគ្នាទៅវិញទៅមកបាន ។ នៅក្នុងកែវភ្នែករបស់ប្តី ប្រពន្ធគឺជាអ្នកដែលធ្វើម្ហូបឆ្ងាញ់ជាងគេ ប្រពន្ធគាត់គឺជាមនុស្សពូកែ និងអត់ធ្មត់ម្នាក់ ចំណែកឯនៅក្នុងកែវភ្នែកភរិយាគាត់វិញ ស្វាមីគាត់គឺជាបុរសដែលសក្តិសមអាចពឹងពាក់អស់មួយជីវិតបាន។ ដូច្នេះហើយជីវិតមនុស្ស២នាក់បានក្លាយទៅជាជីវិតតែមួយ គឺជាសុភមង្គលដ៏សាមញ្ញ ។ មានពេលខ្លះ អ្នកអាចយល់ថានឿយហត់ណាស់ ដោយសារមនុស្សម្នាក់គិតច្រើនពេក បារម្ភពីរឿងអតីតកាល…