អត្ថបទថ្មីៗ

ខ្ញុំស្រឡាញ់អ្នក​ ខ្ញុំទុកចិត្តអ្នកណាស់​ ហេីយខ្ញុំក៏មិនខ្វល់ថាក្រោយខ្នងខ្ញុំ អ្នកបានទៅលួចឆាត​ លួចជួបនឹងអ្នក​ណា​នោះឡើយ ប៉ុន្តែធ្វើយ៉ាងណា សូមលាក់ឱ្យជិត កុំឱ្យខ្ញុំដឹង ព្រោះថាបេីខ្ញុំដឹងគ្រប់យ៉ាងគឺចប់​ ខ្ញុំនិយាយបែបនេះ​ មិនមែនខ្ញុំគំរាម​ទេ ប៉ុន្តែខ្ញុំគ្រាន់តែប្រាប់ឱ្យអ្នកបានយល់ថា ខ្ញុំឱ្យតម្លៃទៅលេីភាពស្មោះត្រង់ខ្លាំងណាស់​។ ម្យ៉ាងទៀត ប្រសិនបេីអ្នកក្បត់ខ្ញុំ​ ខ្ញុំក៏នឹងក្លាយជាមនុស្សចិត្តដាច់ភ្លាមៗមួយរំពេចន៍​ ព្រោះថាទោះខ្ញុំស្រឡាញ់អ្នកខ្លាំងប៉ុនណាក៏ដោយ​ ក៏ខ្ញុំមិនអាចទ្រាំមេីលអំពេីផិតក្បត់របស់មនុស្សដែលខ្ញុំស្រឡាញ់បានដែរ​ ខ្ញុំមានចិត្ត​ មានបេះដូង​ ខ្ញុំក៏ត្រូវការស្នេហាស្មោះត្រង់​ មនុស្សដែលស្រឡាញ់ខ្ញុំពិតប្រាកដ​ ខ្ញុំមិនមែនកេីតមកដេីម្បីធ្វេីជាទាសករស្នេហា​ ឬ​ធ្វេីជាក្របីក្នុងកែវភ្នែករបស់អ្នកណានោះទេ​។ ខ្ញុំមិនដែលសម្លឹងចង់បានផលប្រយោជន៍ពីមនុស្សដែលខ្ញុំស្រឡាញ់ឡើយ​ សុំត្រឹមឱ្យគេជាមនុស្សដែលអាចជឿទុកចិត្តបាន​ មិនមែនជាប្រភេទមនុស្សស្មោះតែនឹងមុខ​ ហេីយបេីអ្នកបំផ្លាញសេចក្តីទុកចិត្តរបស់ខ្ញុំដោយការលួចលាក់អ្នកណាក្រោយខ្នងខ្ញុំ​ កុំបន្ទោសថាខ្ញុំមិនផ្ដល់ឱកាស​ ព្រោះថាខ្ញុំគ្មានឱកាសផ្តល់ឱ្យមនុស្សក្បត់ទេ​ ក្បត់លេីកទីមួយ​ ប្រាកដជាហ៊ានក្បត់លេីកទីពីរ​…

កាលយេីងស្រឡាញ់គ្នាដំបូង​ អ្នកជាអ្នកនិយាយដោយខ្លួនឯង​ ដោយខ្ញុំមិនបានបង្ខំឡើយ​ អ្នកសន្យាថានឹងមិនលែងដៃខ្ញុំជាដាច់ខាត ទោះស្ថិតក្នុងកាលៈទេសៈណាក៏ដោយ​ អ្នកនឹងនៅក្បែរខ្ញុំ​ កាន់ដៃខ្ញុំ​ អ្នកនឹងមិនទៅណាចោលខ្ញុំ​ ប្រសិនបេីខ្ញុំមិនទៅចោលអ្នកមុន​។ តែមកដល់ពេលនេះ ពាក្យសម្តីរបស់អ្នកគ្រប់ម៉ាត់​ ខ្ញុំក៏នៅតែចាំជាប់ក្នុងក្រអៅបេះដូង​ ប៉ុន្តែអ្វីដែលនៅសេសសល់នោះ គឺគ្រប់យ៉ាងនៅសល់ត្រឹមតែពាក្យសម្តីតែប៉ុណ្ណោះ​ ព្រោះថាពេលនេះវត្តមានអ្នកគ្មាននៅក្បែរខ្ញុំទៀតទេ​ អ្នកបានបំពានសន្យាខ្លួនឯង​ អ្នកចាកចោលខ្ញុំ​ ព្រោះអ្នកបានស្គាល់គេ​។ ពេលនេះ អ្នកដាច់ចិត្តបោះបង់ខ្ញុំ​ ដោយសារតែចិត្តក្បត់នៅក្នុងខ្លួនអ្នកបានផុសឡេីង​ ខ្ញុំក៏មិននឹកស្មានថាយេីងមានថ្ងៃនេះ​ ថ្ងៃដែលយេីងត្រូវបែកគ្នា​ ថ្ងៃដែលខ្ញុំត្រូវឈរមេីលអ្នកដេីរចេញទៅ​ អ្នកឈានជេីងដេីរចេញទៅដោយមិនខ្វល់ពីទឹកភ្នែករបស់ខ្ញុំដែលស្រក់លន់​តួ​ ហាមមិនឱ្យអ្នកទៅ​ តែវាក៏គ្មានន័យអី​ ព្រោះតែមនុស្សដែលអ្នកទេីបស្គាល់​ អ្នកហ៊ានបោះបង់មនុស្សស្រីម្នាក់ដែលធ្លាប់រួមសុខទុក្ខជាមួយអ្នក​ មិនដែលទៅណាចោលអ្នក​ ក៏មិនខុសអីនឹងពាក្យគេថាមនុស្សចង់ទៅហើយនោះ ទោះយកដំរីមកអូសក៏គេមិននៅដែរ​។…

មានគេនិយាយថា ស្រលាញ់មនុស្សម្នាក់ប្រៀបដូចជាស្រលាញ់កូនកោះដាច់ស្រយាលមួយអ៊ីចឹង មិនអាចទៅក្បែរបាន ក៏មិនអាចចេញទៅណាបាន គ្រាន់តែអាចនៅរេរាក្បែរគេតែប៉ុណ្ណោះ។ សេចក្តីស្នេហា គឺរមែងធ្វើឱ្យមនុស្សឈ្លក់វង្វេង ធ្លាប់ធ្វើឱ្យអ្នកទាំងពីរមានមនោសញ្ចេតនាដ៏ជ្រាលជ្រៅ ស្រលាញ់បាត់មុខគ្នាមិនបាន។ ប៉ុន្តែស្នេហាដ៏ជ្រាលជ្រៅ ទីបំផុតនៅតែត្រូវបានភាពជាក់ស្តែងវាយផ្តួលបាន ហើយស្នេហាកាន់តែសាបរលាបទៅ។ ប្រហែលជាអ្នកអាចនៅតែស្រលាញ់គេដដែល ក៏ប្រហែលជាគេក៏មិនដែលធ្លាប់គិតថាបោះបង់អ្នកដែរ ប៉ុន្តែមនោសញ្ចេតនាអ្នកទាំងពីរ ដល់ទីបំផុតនៅតែមិនអាចត្រលប់ដូចកាលពីមុនបាន។ ចាប់ពីពេលដែលអ្នកជ្រើសរើសបែកគ្នានៅខណៈពេលនោះ អ្វីៗលែងត្រលប់ទៅដូចដើមបានទៀតហើយ មានតែជ្រើសរើសជីវិតរស់នៅរៀងៗខ្លួន។ ឃើញស្នេហាចាកចេញទៅឆ្ងាយដោយសន្សឹមៗ គឺគ្មានមធ្យោបាយឡើយ កាន់តែឈឺចាប់។ ដូច្នេះស្រលាញ់ហើយបែរជាមិនអាចនៅជាមួយគ្នា រមែងតែជាការកុហកទាំងខ្លួនឯង និងកុហកដល់អ្នកដទៃ ព្រោះក្នុងចិត្តស្រលាញ់ តែមាត់បែរជានិយាយថាចង់ដកខ្លួនទៅវិញ។ ពីមុន អ្នកយល់ថាការដកខ្លួនដ៏ល្អបំផុត គឺជាការបំភ្លេចមនុស្សដែលខ្លួនស្រលាញ់ ប៉ុន្តែអ្នកបានចាប់អារម្មណ៍ថា មនុស្សដែលអ្នកធ្លាប់ស្រលាញ់បាត់មុខមិនបាន…

ខ្ញុំគិតថាអ្នកក៏ធ្លាប់ជួបភាពទើសទាល់មួយ ដូចជាការផ្ញើរសារឱ្យគេ ហើយគេធ្វើជាមើលមិនឃើញ មិនព្រមឆ្លើយតបមកអ្នកដែរមែនទេ? បើអ្នកជួបនឹងស្ថានភាពបែនេះ បានន័យថាប្រយោគបើកឆាករបស់អ្នក គឺបានប្រើខុសហើយ ជឿខ្ញុំចុះ ឈប់ប្រើពាក្យថា “នៅទេ?” “កំពុងធ្វើអ្វី?” មកធ្វើជាការបើកប្រយោគសន្ទនារបស់អ្នកទៀតទៅ សាកល្បងប្រយោគទាំងបីឃ្លានេះវិញ អាចមានប្រសិទ្ធភាពចំពោះនារីដល់ទៅ៩០%។ ១. តើអ្នករវល់ទេ? ម្សិលមិញខ្ញុំ និងមិត្តរបស់ខ្ញុំបានណាត់គ្នាញុំាបាយ ពេលដែលញុំាបាយ Messenger របស់នាងក៏បន្លឺឡើង  ស្មានមិនដល់ថានាងគ្រាន់តែលើកទូរសព្ទមកមើលភ្លាម មិននិយាយអ្វីមួយម៉ាត់ ស្រាប់តែបោះទូរសព្ទទៅមួយចម្ហៀងតែម្តង ទឹកមុខប្រែជាមួម៉ៅ ខ្ញុំចម្លែកក្នុងចិត្តក៏បានសួរនាងថាមានអ្វីកើតឡើង។ មិត្តរបស់ខ្ញុំបានយកទូរសព្ទរបស់នាងមកឱ្យខ្ញុំមើល មានបុរសម្នាក់បានផ្ញើសារមកកាន់នាងថា “ធ្វើអី?” ខ្ញុំសួរនាងថាហេតុអ្វីមិនឆ្លើយតប ច្បាស់ណាស់ បុរសម្នាក់នេះមានចិត្តមកលើឯងហើយ។…