Wisdoms

គេថាមនុស្សស្រីស្រឡាញ់ពី​សូន្យដល់មួយរយ វាគឺជាការពិត ហើយនៅពេលដែលនាងដាក់ចិត្តស្រឡាញ់នរណាម្នាក់ហើយនោះ ច្បាស់ណាស់ថានាងនឹងយកចិត្តទុកដាក់សព្វគ្រប់បែបយ៉ាងចំពោះមនុស្សម្នាក់នោះ មិនថាចំណង់ចំណូលចិត្ត កាយវិការ សកម្មភាព ប្រចាំថ្ងៃ ប្រចាំខែ ប្រចាំឆ្នាំនោះទេ គឺនាងដឹងទាំងអស់ អាចនិយាយបានថា នាងដឹងច្បាស់ពីមនុស្សម្នាក់នោះយ៉ាងពិតប្រាកដ។ ជាពិសេស នៅពេលដែលនាងស្រឡាញ់ខ្លាំង សកម្មភាពរបស់នាង ក៏ប្រហែលជាមើលទៅសាំញុំា គួរឱ្យធុញទ្រាន់ថែមទៀតផង តែគ្រប់យ៉ាងទាំងនេះ ក៏ព្រោះតែនាងយកចិត្តទុកដាក់ ព្រួយបារម្ភ Take Care ពីមនុស្សដែលនាងស្រឡាញ់។ លើសពីនេះ នាងថែមទាំងចូលចិត្តសួរនាំ ដេញដោល ប្រចណ្ឌ ហួងហែងមនុស្សដែលនាងស្រឡាញ់ស្ទើរតែគ្រប់ពេល គ្រប់កន្លែង ជាពិសេស គឺពេលដែលដៃគូរបស់នាងឃ្លាតឆ្ងាយ…

ធ្លាប់អត់លេងសង្រ្គាមត្រជាក់ជាមួយមនុស្សដែលអ្នកស្រឡាញ់​? តាមការពិតទៅយេីងស្រឡាញ់គេណាស់​ ខ្វល់ពីគេណាស់​ តែចិត្តមានះក្នុងខ្លួនមិនចង់ចាញ់​ មិនព្រមចុះញ៉មអ្នកណា នេះហើយជាចរិតកែមិនឡេីងពិតមែន​ មិនលេីកលែងសូម្បីតែជាមួយមនុស្សខ្លួនឯងស្រឡាញ់​។ ពេលគេចាប់ផ្តេីមព្រងេីយកន្តេីយ មិនខ្វល់ខ្វាយ មិនចាប់អារម្មណ៍សុខទុក្ខយេីង​ យេីងឯណេះវិញខឹងពេក​ អន់ចិត្តធ្វេីអ្វីមិនបានក៏ធ្វេីបែបនោះដាក់គេវិញ​ គេមិនឆាតមកខ្ញុំក៏មិនឆាតទៅ​ គេមិនសួរនាំខ្ញុំ ខ្ញុំក៏មិនប្រាប់អ្វី​ទៅគេដែរ តែខ្ញុំក៏មិនដឹងថាតាមពិតទៅគេលួចនឹកខ្ញុំដូចដែលខ្ញុំនឹកគេដែរឬក៏អត់ទេ? ឬមួយគេអស់ចិត្តពីខ្ញុំពិតមែនទេដឹង? បេីនិយាយឱ្យមែនទែនទៅ នេះមិនមែនជាវិធីដោះស្រាយដែលល្អសម្រាប់គូស្នេហ៍គ្រប់គូនោះទេ​ បេីមានរឿងអីនឹងគ្នា ក៏គួរតែដោះស្រាយជាមួយគ្នាឱ្យដាច់ស្រឡះ​ និយាយគ្នាដោយត្រង់ៗជាមួយគ្នាទៅ វាល្អជាងការដែលត្រូវលេងសង្រ្គាមត្រជាក់ដាក់គ្នាបែបនេះ​ វានាំតែពិបាកទាំងគូ​។ បេីខាងណាអស់ចិត្តក៏ប្រាប់ត្រង់ៗកុំព្រងេីយៗដាក់គ្នា ហេីយទុកឱ្យម្នាក់ទៀតត្រូវអង្គុយគិត គេងឆ្ងល់ពិបាកចិត្តតែម្នាក់ឯង​ ហេីយបេីខឹងរឿងអីមិនពេញចិត្តត្រង់ណា ក៏គួរប្រាប់គ្នាឱ្យបានដឹង​ បេីនៅស្រឡាញ់​គ្នាមែន រឿងអីត្រូវមកព្រងេីយៗដូចអ្នកដទៃបែបនេះ ប្រាប់ត្រង់ៗថាវាមិនសប្បាយទេអី។…

បេីគេក្បត់ចិត្ត​ យេីងត្រូវក្បត់គេវិញ ដេីម្បីជាការសងសឹកដែរទេ?​ ចម្លេីយគឺ​ អត់ទេ​ មនុស្សក្បត់ជាមនុស្សដែលអាត្មានិយម មិនចេះគ្រប់គ្រាន់ យល់តែក្តីសុខខ្លួនឯង មិនក្រែងចិត្តក្រែងអារម្មណ៍មនុស្សដែលស្រឡាញ់ខ្លួន​។ ប្រសិនបេីយេីងជ្រេីសរេីសយកការសងសឹកដោយក្បត់ផិតគេវិញ​ យេីងក៏មិនខុសអីពីគេនោះដែរ​។ ក្រែងយេីងជាមនុស្សម្នាក់ដែលធ្លាប់ទទួលអារម្មណ៍ព្រោះត្រូវគេក្បត់​មែនទេ? បេីបែបហ្នឹងហេីយ យេីងក៏ដាច់ខាតកុំក្បត់គេតបវិញ​ កុំគ្រាន់តែគំនុំផ្ទាល់ខ្លួនទៅធ្វេីបាបបេះដូងអ្នកដទៃដែលគ្នាមិនដឹងខ្យល់អី​ ក្រែងយេីងបានដឹងរួចហេីយមិនអ៊ីចឹង​ ថាអារម្មណ៍ដែលត្រូវគេយកមកលេងសេីចវាបែបណាខ្លះ​។ បេីចង់សងសឹកមនុស្សដែលក្បត់យេីង​ យេីងក៏គ្រាន់តែស្រឡាញ់ហេីយស្មោះត្រង់ជាមួយឱ្យដល់ទីបញ្ចប់ទៅ​ ព្រោះនៅទីបំផុត បន្ទាប់ពីយេីងបានដេីរចេញពីគេដោយសារអំពេីក្បត់របស់គេ​ គេនឹងត្រូវឈឺចាប់ជាងយេីងរាប់រយដង ព្រោះតែភាពស្មោះត្រង់របស់យេីង​ យេីងក៏បាត់បង់គេក៏បាត់បង់ តែបាត់បង់មិនដូចគ្នា​នោះទេ​។ យេីងគ្រាន់តែបាត់បង់មនុស្សក្បត់ស្នេហ៍ មេីលមិនឃេីញតម្លៃរបស់យេីង​ ប៉ុន្តែគេវិញបានបាត់បង់មនុស្សស្មោះត្រង់ម្នាក់ដែលស្រឡាញ់គេខ្លាំងបំផុត។ ​គិតមេីលទៅថាជាយេីង ឬគេជាគេដែលត្រូវឈឺ​ជាង? កុំព្រោះតែមនុស្សក្បត់ បែរជាបន្ទាបតម្លៃខ្លួនឯងធ្វេីជាមនុស្សក្បត់ដែរ​…

អ្នកណាថាមនុស្សស្រីកាន់តែលួងកាន់តែបានចិត្ត? មនុស្សស្រីណាថាមិនចូលចិត្តការលួងលោម​ មិនចង់ឱ្យមនុស្សខ្លួនឯងស្រឡាញ់ទ្រ​ ពេលខ្លះខឹងពិតមែន​ តែមានជួនកាលគ្រាន់តែធ្វេីជាខឹងងក់ងរ ព្រោះចង់ឱ្យលួងហ្នឹងណា​។ ហេីយមិនមែនថាគេលួងបានចិត្តបានថ្លេីមអីនោះទេ​ តែដឹងខ្លួនអត់ថា ពេលអ្នកតាមលួង ជាពេលដែលខ្ញុំសប្បាយចិត្តណាស់​ អ្នកក៏មេីលទៅគួរឱ្យស្រឡាញ់បំផុតហេីយ​ ទេីបធ្វេីជាខឹងតបន្តិចសិនដេីម្បីឱ្យអ្នកលួងឱ្យបានយូរ។ បេីអ្នកមិនលួងក៏កាន់តែខឹងរំលងយប់រំលងថ្ងៃហ្នឹងឯង​ មិនត្រឹមតែខឹងប៉ុណ្ណឹងទេ តែមានថែមអារម្មណ៍មួរម៉ៅ គិតច្រេីនរហូតដល់គេងយំទៀតផង​ ព្រោះបេីមិនលួងក៏គិតថាគេឈប់ស្រឡាញ់យេីងហេីយ​ គេមិនខ្វាយខ្វល់ពីយេីងទៀតទេ​ យេីងលែងសំខាន់សម្រាប់គេទៀតហេីយ​។ ត្រូវដឹងថា មនុស្សស្រីនាងគិតច្រើនណាស់ កាន់តែមិនលួងក៏កាន់តែគិត​ កាន់តែពិបាកចិត្ត​ ផ្ទុយទៅវិញបេីខឹងភ្លាមលួងភ្លាមវិញនោះ​ សប្បាយចិត្ត​លួចញញឹមញញែមបិទមាត់មិនជិតមុខរីកដូចគ្រាប់ជីអ៊ីចឹងឯង​ ហេីយក៏កាន់តែស្រឡាញ់ថែមទៀតនៅពេលដែលបានគេលួងបែបនេះ​ រួចក៏ធ្វេីជាអូសក្រឡាខឹងថែមទៀតឱ្យគេតាមលួងឱ្យបានយូរៗ​។ ឃេីញអត់ គេគ្រាន់តែចង់ឱ្យមនុស្សខ្លួនឯងស្រឡាញ់លួងលោម ផ្ហែមល្ហែមដាក់​តែប៉ុណ្ណោះ មិនមែនកាន់តែលួងកាន់តែបានចិត្តទេ​ តែកាន់តែលួងកាន់ស្រឡាញ់ខ្លាំងឡើងទ្វេដង…

ចង់ជួបមនុស្សដែលខ្លាចបាត់បង់ខ្ញុំខ្លះ​ ព្រោះកន្លងមក ខ្ញុំជួបតែមនុស្សដែលខ្ញុំខ្លាចបាត់បង់តែម្ខាង​ ខ្ញុំមានអារម្មណ៍ហត់នឿយចិត្តខ្លាំងណាស់ចំពោះស្នេហាបែបនេះ​ ស្នេហាដែលខ្ញុំព្យាយាមតែម្ខាង​ មានតែខ្ញុំដែលធ្វេីគ្រប់យ៉ាងព្រោះមិនចង់បាត់បង់គេ​ តែទង្វេីគេបានបង្ហាញឱ្យខ្ញុំបានឃេីញថា គេមិនដែលខ្វាយខ្វល់​ ភ័យព្រួយខ្លាចបាត់វត្តមានខ្ញុំចេញពីជីវិតគេនោះទេ​។ ទង្វេីគេធ្វេីឱ្យខ្ញុំឈឺមិនគ្រប់ គេថែមទាំងបោះពាក្យសម្តីដាក់ខ្ញុំថា​ គ្មានខ្ញុំម្នាក់ក៏គេមិនស្លាប់ដែរ​ សម្តីគេមួយឃ្លានេះ ខ្ញុំឮហេីយឆ្អែតមួយជីវិតពិតមែន​ ស្តាប់ឮហេីយខ្ញុំអួលណែននិយាយអ្វីមិនចេញ​ ចេញតែទឹកភ្នែកស្រក់ហូរមកព្រោះការឈឺចាប់ខ្លាំងពេក​។ បេីសម្តីនេះខ្ញុំបានទទួលពីមាត់អ្នកផ្សេង ខ្ញុំក៏ប្រហែលជាមិនឈឺដល់ថ្នាក់នេះដែរ​ តែនេះមនុស្សដែលខ្ញុំស្រឡាញ់គេជាអ្នកនិយាយ​ បេះដូងខ្ញុំហាក់ដូចជាត្រូវកាំបិតចាក់ចំកណ្តាលដេីមទ្រូងអ៊ីចឹង​ បន្ទាប់មកខ្ញុំក៏ត្រូវបង្ខំចិត្តដេីរចេញពីគេទាំងចិត្តនៅសល់ការស្រឡាញ់​លាយឡំ​ជាមួយអារម្មណ៍ឈឺ​ តែខ្ញុំក៏សម្រេចចិត្តបញ្ចប់ ព្រោះដឹងថាបន្តទៅក៏គ្មានន័យ​  ពេលនេះខ្ញុំក៏ប៉ងប្រាថ្នាឱ្យខ្លួនឯងជួបមនុស្សដែលគេស្រឡាញ់ខ្ញុំ ខ្លាចបាត់បង់ខ្ញុំ ហេីយក៏ទុកខ្ញុំជាចំណែកខ្វះមិនបាននៅក្នុងជីវិតរបស់គេ។ ធ្លាប់តែជាមនុស្សដែលលះបង់ដើម្បីអ្នកដទៃ ធ្លាប់តែជាមនុស្សដែលតែងតែធ្វើអ្វីៗគ្រប់យ៉ាងដើម្បីគេ ព្រោះតែការស្រឡាញ់ដ៏លើសលប់ ទើបគោរព ឱ្យតម្លៃ និងលះបង់…

បែកគ្នាភ្លាមៗអ្នកណាក៏ឈឺ​ អ្នកណាក៏ពិបាកទទួលយក​ ជាពិសេសបេីការបែកគ្នានោះត្រូវបែកទាំងមិនត្រៀមចិត្ត វារឹតតែឈឺចាប់ទ្វេដងថែមទៀត​ គ្មានថ្នាំណាដែលអាចព្យាបាលរបួសផ្លូវចិត្ត​ អារម្មណ៍ឈឺចាប់ពេលបាត់បង់ស្នេហាបានឡើយ​ មានតែពេលវេលាប៉ុណ្ណោះ ដែលជាគ្រូពេទ្យអាចព្យាបាលគ្រប់យ៉ាងបាន​។ បែកគ្នាភ្លាមៗ ភ្លេចគេមិនបានក៏កុំបង្ខំចិត្តភ្លេច បេីកាលណាយេីងកាន់តែដាក់សម្ពាធខ្លួនឯងឱ្យកាន់តែភ្លេចគេច្រេីនប៉ុនណា ខួរក្បាលយេីងនឹងកាន់តែនឹកឃេីញ នឹកឃេីញគ្រប់យ៉ាង​ គ្រប់រូបភាព​ គ្រប់ការចងចាំ និងអនុស្សារីយ៍ទាំងអស់​ យកទូរស័ព្ទមកឆែកឃេីញសារចាស់ៗក៏ហូរទឹកភ្នែក​ ចេញទៅខាងក្រៅឃេីញកន្លែងដែលធ្លាប់មកជាមួយគេ ក៏ត្រឡប់មកយំម្ដងទៀត​ បេីបែបនេះកុំព្យាយាមបង្ខំខ្លួនឯងឱ្យភ្លេច ព្រោះវាកាន់តែធ្វេីឱ្យយេីងទទួលអារម្មណ៍ឈឺថែមមួយកម្រិតប៉ុណ្ណោះ​។ តែទោះជាយ៉ាងណា គឺមានតែបណ្តោយឱ្យគ្រប់យ៉ាងដេីរទៅមុខ​ ទុកឱ្យពេលវេលាជាអ្នកលុបគ្រប់យ៉ាងចេញពីខួរក្បាល និងបេះដូងរបស់យេីង​ ឱ្យពេលវេលាធ្វេីជាថ្នាំផ្សះព្យាបាលរបួសបេះដូង​ យេីងក៏គង់តែភ្លេចគេបាន គ្រាន់តែយូរ ឬឆាប់អាស្រ័យទៅលេីក្តីស្រឡាញ់របស់យេីងថាធ្លាប់ស្រឡាញ់តិច ឬខ្លាំងប៉ុនណា​ យូរៗយេីងនឹងប្រឈមមុខជាមួយគ្រប់យ៉ាងបាន​ គ្មានអារម្មណ៍ឈឺនៅពេលឃេីញ…

មនុស្សដែលស្រឡាញ់យេីងពិត គេមិនត្រឹមតែធ្វេីឱ្យចិត្តធ្លាក់ក្នុងអន្លង់ស្នេហ៍គេប៉ុណ្ណោះទេ​ តែគេនឹងធ្វេីឱ្យយេីងបាក់ចិត្តស្រឡាញ់ខ្លួនឯងកាន់តែខ្លាំងថែមទៀតផង​។ ក្តីស្រឡាញ់ពិតប្រាកដ វាជាការដែលយេីងដេីរចូលទៅក្នុងជីវិតរបស់នរណាម្នាក់ដែលយេីងស្រឡាញ់​ រួចយេីងក៏ធ្វេីជាអ្នកបំពេញចន្លោះខ្វះខាតដល់គ្នាទៅវិញទៅមក​ ជាដៃគូស្នេហាមិនមែនជាជនល្មេីស និងសមត្ថកិច្ចដែលត្រូវអង្គុយចាំចាប់កំហុសគ្នានោះទេ​។ ជារឿយៗ យេីងគ្រប់គ្នាសុទ្ធតែបានដឹងរួចទៅហេីយថា គ្មានមនុស្សណាល្អឥតខ្ចោះនោះទេ​ ប៉ុន្តែមនុស្សដែលគេស្រឡាញ់យេីងពិតមែននោះ គេនឹងទទួលយកបានទាំងចំណុចល្អ និងចំណុចមិនល្អរបស់យើង​ ហេីយគេម្នាក់នោះនឹងជួយកែតម្រូវនូវចំណុចមិនល្អរបស់យេីង​ បំពេញចំណុចដែលយេីងខ្វះខាតឱ្យយើងឱ្យបានពេញលេញ​។ មួយវិញទៀត ​គេក៏នឹងកោតសរសេីរចំពោះចំណុចល្អៗរបស់យេីង​ ធ្វេីឱ្យយេីងមានអារម្មណ៍ថាមានមោទកភាពចំពោះខ្លួនឯង កាន់តែស្រឡាញ់ខ្លួនឯងក៏កាន់តែច្រើន​ នៅពេលយេីងធ្វេីអ្វីខុសឆ្គង គេក៏មិនស្តីបន្ទោស​ ឬ​បន្តុះបង្អាប់​ឱ្យយេីងមានអារម្មណ៍ថាស្អប់ខ្លួនឯងនោះដែរ​ តែគេនឹងជំនួសវិញដោយពាក្យប្រៀនប្រដៅយ៉ាងពីរោះ ដែលធ្វេីឱ្យយេីងបានដឹងពីកំហុសខ្លួនឯង និងត្រូវកែខៃបែបណា​ ដោះស្រាយ​យ៉ាងម៉េចចំពោះកំហុសឆ្គងនោះ​ ដោយគេមិនបានធ្វេីឱ្យយេីងត្រូវមកអង្គុយបន្ទោសខ្លួនឯងទៀតផង​។ សាកស្រមៃលមេីលទៅ ដៃគូស្នេហាបែបនេះ ជាមនុស្សដែលធ្វេីឱ្យយេីងមានតែថាមពលវិជ្ជមានក្នុងជីវិត​ តែងតែមានកម្លាំងចិត្តស៊ូបន្ត…