Vireak007

ទំនាក់ទំនងរវាងប្រុសស្រី ចង់បានភាពយូរអង្វែង ភាគច្រើនគឺត្រូវមានភាពស៊ីចង្វាក់គ្នា។ ចំពោះមនុស្សពីរនាក់ដែលមានភាពស៊ីចង្វាក់គ្នា ច្បាស់ណាស់មានផ្នែកជាច្រើនសុទ្ធតែអាចចុះសម្រុងគ្នា បែបនេះអ្នកទាំងពីរទើបអាចរក្សារការរស់នៅចុះសម្រុងបន្តទៅទៀត។ បើអ្នកទាំងពីរមានកន្លែងជាច្រើនដែលមិនស៊ីចង្វាក់ គំនិតមិនស្របគ្នា ច្បាស់ណាស់និយាយឱ្យស្រួលស្តាប់ទៅ សុទ្ធតែយល់ថាជាពាក្យដែលមិនបានការ។ ពួកយើងរស់នៅក្នុងពិភពលោកនេះ ជួបមនុស្សជាច្រើន តែមិនប្រាកដថាពួកគេយល់ពីយើងឡើយ ។ ដូច្នេះហើយ ចំពោះចំណុចទាំង ៣ នេះ បើអ្នកទាំងពីរមិនអាចចុះសម្រុងគ្នាទេនោះ បញ្ចាក់ថាអ្នកទាំងពីរមិនអាចដើររួមគ្នាបានយូរឡើយ។ ១. មិនត្រូវគ្នាចំពោះរឿងលុយកាក់ នៅក្នុងសង្គមនេះ មនុស្សគ្រប់គ្នាសុទ្ធតែមានទស្សនៈនៃការចំណាយប្រាក់ផ្ទាល់ខ្លួន។ មិនអាចនិយាយបានថា អ្នកណាខុសអ្នកណាត្រូវទេ មនុស្សគ្រប់គ្នាសុទ្ធតែមានរបៀបនៃការរស់នៅខុសគ្នា។ ប៉ុន្តែចំពោះបញ្ហាលុយកាក់បើនិយាយមិនត្រូវគ្នាទេនោះ ច្បាស់ជាមានទំនាស់មិនឈប់ឡើយ។ មនុស្សពីរនាក់រស់នៅជាមួយគ្នា មិនអាចចៀសផុតពីបញ្ហាលុយកាក់ឡើយ។ បើអ្នកទាំងពីរមានការយល់ខុសគ្នាចំពោះការចាយលុយ…

គូស្វាមីនីមួយៗមានរឿងផ្សេងៗ និងរឿងខ្លះដែលអាចនាំអោយមានការអាក់អន់ចិត្តយ៉ាងខ្លាំង។ តើវាកើតឡើងយ៉ាងដូចម្តេច? វាជាចំណុចមួយចំនួនដែលអាចកើតមានឡើង ៖ ១. ធ្វេសប្រហែស ឬមិនសូវយកចិត្តទុកដាក់ នៅពេលពួកគេបានរៀបការហើយ គេតែងគិតថា គេបានរៀបការរួចហើយ ភាគច្រើនគឺបុរស ដូចនេះការខិតខំរបស់គេក្នុងសេចក្តីស្នេហានេះត្រូវបាត់បង់បន្តិចម្តងៗ គេលែងចង់រវល់ ខ្វល់ខ្វាយ និងយកចិត្តទុកដាក់លើភរិយារបស់គេ ដែលទាំងនេះបណ្តាលឱ្យមានការអន់ចិត្ត លែងមានមនោសញ្ចេតនា និងភាពស្និទ្ធស្នាលដូចពីមុន ។ អ្នកត្រូវចាំថា គ្មាននរណាចង់ធ្វើជាអ្នកចាំផ្ទះរបស់អ្នក ដែលអ្នកតែម្ខាងចាំតែទទួលប្រយោជន៍នោះទេ។ ២. អាតា្មនិយម នៅពេលដែលមានបុគ្គលណាមួយខ្ជិល ឬធ្វេសប្រហែស គឺមកពីភាពអាត្មានិយមដែលចង់បានតែម្ខាង។ វានឹងធ្វើឱ្យអាពាហ៍ពិពាហ៍ប្រេះឆា ឬល្អក់កករ។ ទំនាក់ទំនងនៅក្នុងសេចក្តីស្នេហា វាជាការខិតខំរបស់មនុស្សពីរនាក់ដែលផ្តល់ឱ្យគ្នា។…

អារម្មណ៍របស់មនុស្សស្រី គឺឆុតណាស់ នាងមិននិយាយ មិនបញ្ចាក់ថានាងមិនដឹងឡើយ ហើយកុំយល់ថាខ្លួនអ្នកជាមនុស្សឆ្លាតឱ្យសោះ មានពេលខ្លះអាចចំណេះជិះករឯងក៏ថាបាន។ កុំយកភាពចេះដឹង និងភាពអត់ឱនរបស់នាង មកធ្វើជាលេសសម្រាប់ឱ្យអ្នកបណ្តោយខ្លួនតាមចិត្តឱ្យសោះ នាងមិនបកអាក្រាតពាក្យកុហករបស់អ្នក គឺនាងកំពុងផ្ដល់ឱកាសដល់អ្នក។ មនុស្សស្រីសុទ្ធតែឆាប់ខឹង ហួងហែងច្រើន គ្មានមនុស្សស្រីណាចិត្តទូលាយឱ្យមនុស្សខ្លួនស្រលាញ់ទៅសិ្នទ្ធស្នាលជាមួយស្រីដទៃឡើយ បើនាងមិនប្រកាន់ចំពោះក្តីស្រលាញ់ដែលអ្នកបានចែករំលែកទៅស្រីផ្សេងនោះ គឺមានហេតុផលពីរ ទី១ នាងលែងស្រលាញ់អ្នកហើយ ទី២ នាងស្រលាញ់អ្នកខ្លាំងពេក។ ដ្បិតតែខាងក្រៅមើលទៅចិត្តទូលាយណាស់ តែក្នុងចិត្តនាងឈឺចាប់ឥតឧបមា គ្មានមនុស្សស្រីណាដែលគ្មានចរិកផ្ទាល់ខ្លួនឡើយ។ អ្នកល្អចំពោះនាងប៉ុន្មានភាគ នោះនាងនឹងកាន់តែល្អចំពោះអ្នកទ្វេដង បើនាងច្បាស់លាស់នឹងអ្នកហើយ នាងនឹងយកចិត្តស្មោះប្រគល់ជូនអ្នកតែម្នាក់គត់។ កុំយកចិត្តស្មោះរបស់នាងចាត់ទុកដូចជាជ័យជម្នះរបស់អ្នកឱ្យសោះ ពីព្រោះដោយបែបនេះហើយ មនុស្សស្រីអាចប្រមូលយកចិត្តស្មោះរបស់នាងមកវិញបានគ្រប់ពេលវេលា ពេលនោះនាងនឹងយល់ហើយថា អ្វីដែលជាការលះបង់ដែលមានតម្លៃ…

ខ្ញុំពិតជាស្ញប់ស្ញែងមនុស្សស្រីមួយចំនួនដែលស្រលាញ់គេឥតទាមទារលក្ខខ័ណ្ឌណាស់ ពីព្រោះការទុកចិត្តគេខ្លាំងពេក ងាយនឹងឱ្យយើងរងរបួសមិនដឹងខ្លួន តែតាមពិតទៅគួរអាណិតមនុស្សស្រីដែលរង់ចាំពាក្យសន្យាទាំងនេះទៅវិញទេ ជួនកាលពួកនាងស្រលាញ់ចំមនុស្សដែលមិនគួរស្រលាញ់ បានធ្វើឱ្យខ្លួនឯងស្ទើរឆ្កួតស្ទើរជា ចុងក្រោយគ្មានសល់អ្វីសោះ។ ១. យកពាក្យសន្យាគេចាត់ទុកជាការពិត មនុស្សស្រីនៅក្នុងរឿងស្នេហា គឺដូចនៅក្នុងបន្ទប់បិទជិតងងឹតសូន្យអ៊ីចឹង។ ពិតជាស្ញប់ស្ញែងមនុស្សស្រីដែលស្រលាញ់គេឥតលក្ខខ័ណ្ឌខ្លាំងណាស់ ជួនកាលមកពីនាងទុកចិត្តគេខ្លាំង ស្រលាញ់គេខ្លាំង តែខ្ញុំក៏អាណិតមនុស្សស្រីដែលចាត់ទុកពាក្យសន្យាជាពិតដែរ ពួកនាងស្រលាញ់ចំមនុស្សដែលមិនគួរស្រលាញ់ ធ្វើឱ្យខ្លួនឯងរស់ស្ទើរឆ្កួតស្ទើរជា ដល់ពេលចុងក្រោយអ្វីៗក៏គ្មាន ហើយនៅតែអង្គុយស្រមៃដល់ពាក្យសន្យារបស់មនុស្សប្រុសថាអាចសម្រេចជាការពិតបាន។ ទោះចាំដល់ក្តីស្រម៉ៃនោះក្លាយជាទៅផ្សែងអ័ព្ទក៏ដោយក៏នៅតែចាំ ពិតជាល្ងង់ណាស់ នេះមិនមែនជាការពិតទេ។ ទំនុកចិត្តក៏ត្រូវផ្តល់ឱ្យមនុស្សដែលមានតម្លៃដែរ តើត្រូវទេ? ២.  ប្រើការស្លាប់ទៅរក្សាស្នេហាមួយនោះ តាំងពីបុរាណមកមនុស្សស្រីតែងប្រើវិធីសាស្រ្តទាំង៣នេះ ៖ ១.យំ ២.បង្កររឿង ៣. សម្លាប់ខ្លួន។…

មនុស្សភាគច្រើនតែងតែយល់ថា ការរស់នៅម្នាក់ឯងគឺជាភាពឯកា ហើយអ្នកទាំងនោះតែងតែចង់បានដៃគូ ឬសង្សារទាំងនៅវ័យក្មេង។ សង្គមកាន់តែជឿនលឿន មនុស្សមួយភាគធំតែងតែមើល និងធ្វើត្រាប់តាមគ្នា ហើយបង្អួតគ្នាទៅវិញទៅមក។ ពួកគេចង់បានសង្សារ ឬមនុស្សមកកំដរគេដើម្បីបំបាត់ភាពឯកានៅក្នុងចិត្ត ទោះបីពេលខ្លះគេមិនសូវស្រលាញ់ចូលចិត្តម្នាក់នោះក៏ដោយ។ ការធ្វើដូច្នេះ នឹងនាំឱ្យភាពឯកាកាន់តែកើនឡើង ស្របពេលនោះការឈឺចាប់ក៏កើតឡើងនៅពេលគេគ្មានពេលវេលាគ្រប់គ្រាន់ ឬគេលែងរវល់នឹងយើង។ ដូច្នេះវិធីដែលល្អនោះគួរតែរកថា តើធ្វើយ៉ាងណាដើម្បីបំបាត់ភាពឯកាទោះបីជារស់នៅម្នាក់ឯង។ នេះគឺតម្លៃដែលយើងផ្តល់ជូនខ្លួនយើង ព្រមទាំងរស់នៅដោយភាពមានសុភមង្គល រីករាយ និងមានសេចក្តីស្ងប់ផ្លូវចិត្ត។ ១. យើងត្រូវរៀនទទួលស្គាល់ពីអារម្មណ៍ ឬសញ្ញានៃភាពឯកា ដូចជាអារម្មណ៍នៃភាពទទេស្អាត ការគេងមិនលក់ ឬគេងមិនស្កប់ ការពន្យាពេលក្នុងការធ្វើអី្វមួយដោយគ្មានអារម្មណ៍ មានអារម្មណ៍ស្ពឹកស្រពន់ មិនចង់ធ្វើអ្វី ។ យើងត្រូវរៀនសម្គាល់…

អ្នកនឹងទទួលអារម្មណ៍នៃក្តីស្រលាញ់គ្រប់ទង្វើដែលគេធ្វើជូនអ្នក។ នៅពេលអ្នកជួបមនុស្សដែលស្រលាញ់អ្នកពិតប្រាកដ អ្នកនឹងមិនមានអារម្មណ៍ថាហត់នឿយក្នុងការថែរក្សាទំនាក់ទំនងស្នេហានេះដោយម្នាក់ឯងឡើយ។ អ្នកមិនចាំបាច់ប្រឹងប្រែងច្រើនពេកក្នុងការរក្សាមនុស្សម្នាក់ឱ្យគេនៅក្បែរខ្លួនអ្នក។ អ្នកមិនចាំបាច់យល់ព្រមគ្រប់យ៉ាងដើម្បីផ្គាប់ចិត្តគេ នៅពេលដែលពេលខ្លះអ្នកមិនចង់ក៏ដោយ។ មនុស្សម្នាក់ដែលគេយល់ពីអ្នក គេនឹងធ្វើការសម្របសម្រួល និងពិភាក្សាជាមួយអ្នក។ នៅពេលអ្នកជួបមនុស្សដែលស្រលាញ់អ្នកពិតប្រាកដ អ្នកនឹងមិនចំណាយកម្លាំងច្រើនក្នុងការគិតព្រួយបារម្ភ ឬខ្វល់ខ្វាយនៅពេលគេមិននៅក្បែរអ្នកនោះទេ។ អ្នកនៅតែមានអារម្មណ៍សុវត្ថិភាព ទោះបីគេមិននៅក្បែរគ្នា ព្រោះអ្នកទទួលបានការស្រលាញ់ពីគេពិតប្រាកដ ហើយគេនឹងមិនធ្វើទង្វើដែលក្បត់អ្នកពីក្រោយខ្នងនោះឡើយ។ អ្នកមិនចាំបាច់បារម្ភថា តើអ្នកបានធ្វើទង្វើអ្វីខុសដែលធ្វើឱ្យគេគេចឆ្ងាយ ឬបាត់បង់ចំណាប់អារម្មណ៍មកលើអ្នក។ អ្នកនឹងទទួលអារម្មណ៍ដ៏ទុកចិត្តមួយដែលអ្នកអាចនិយាយរៀបរាប់ពីរឿងគ្រប់យ៉ាងទៅគេដោយធូរស្បើយ។ នៅពេលអ្នកជួបមនុស្សដែលស្រលាញ់អ្នកពិតប្រាកដ អ្នកនឹងមិនមានអារម្មណ៍ថប់ដង្ហើម តប់ប្រមល់ឡើយ។ អ្នកទាំងពីរនឹងមានការជឿជាក់គ្នាក្នុងទំនាក់ទំនងមួយនេះ។ អ្នកអាចធ្វើអ្វីដែលអ្នកចង់បានដោយមិនបាច់បារម្ភ។ អ្នកអាចផ្តោតអារម្មណ៍ទៅលើការងាររបស់អ្នក និងធ្វើវាដោយសប្បាយចិត្តដោយមិនមានអារម្មណ៍ថាខុសឆ្គង ហើយអ្វីដែលសំខាន់ គឺគេនឹងគាំទ្រអ្នកជានិច្ច។ គេនឹងតែងតែនៅពីក្រោយអ្នក ជម្រុញ និងលើកទឹកចិត្តអ្នកក្នុងការខិតខំប្រឹងប្រែងនឹងអ្វីដែលអ្នកគួរទទួលបាន។…

ជាធម្មតានៅក្នុងរឿងស្នេហា យើងតែងសង្កេតឃើញថាភាគច្រើនគឺមនុស្សប្រុសជាអ្នកបញ្ចេញសកម្មភាពមុន មិនសូវឃើញមានមនុស្សស្រីនោះឡើយ ដោយសារតែមនុស្សស្រីមានភាពខ្មាសអៀនច្រើន។ តែមានកត្តាខ្លះដែលអាចឱ្យមនុស្សប្រុសសង្កេតដឹងបានថា តើមិត្តភ័ក្រ្តដែលនៅក្បែរខ្លួនអ្នករាល់ថ្ងៃដែលជាមនុស្សផ្ទុយភេទ គេមានទង្វើអ្វីខ្លះលើអ្នក។ ១. “ចុងសប្តាហ៍នេះអ្នកទំនេរទេ” រាល់ដងនាងតែងតែណាត់អ្នកមុន ពេលដែលភាសាសន្ទនាមិនអាចលាក់បាំងពីអារម្មណ៍ល្អបានហើយ សកម្មភាពប្លែកៗនឹងបង្ហាញចេញមកដោយមិនដឹងខ្លួនជាមិនខាន។ ពេលដែលមនុស្សស្រីអញ្ជើញអ្នកហូបអី ឬទៅណាជាមួយគ្នា នោះគឺសញ្ញាដែលបង្ហាញប្រាប់អ្នកហើយ។ តាមពិតទៅ ឱ្យតែមនុស្សប្រុសយល់ព្រមឧស្សាហ៍ចេញទៅជាមួយនោះ នាងប្រាកដជាឆាប់សម្រេចបានគោលដៅជាមិនខាន។ អ្នកត្រូវដឹងថាជួនខ្លះនាងសុខចិត្តទៅកន្លែងអ្នកចូលចិត្តដើម្បីបាននៅក្បែរអ្នកឱ្យបានច្រើន។ ២. “ ខ្ញុំអផ្សុកណាស់ អ្នកអាចកំដរខ្ញុំនិយាយគ្នាបានទេ?” សង្ឃឹមថាអ្នកអាចកំដរនាងបាន នៅក្នុងសភាពបែបនេះ បើនាងចេះតែពឹងផ្អែកលើអ្នក ដូចជាមិនចង់ឃ្លាតឆ្ងាយពីអ្នក ចូលចិត្តចែករំលែកពីអារម្មណ៍របស់នាងមកកាន់អ្នក មិនថាជារឿងរីករាយ ឬទុក្ខសោក មិនថាពេលណានោះទេ នាងចេះតែនឹកគិតដល់អ្នកជាមនុស្សទី១…

១. ស្ទាបក្បាលរបស់អ្នក បើមនុស្សប្រុសម្នាក់ព្រមស្ទាបអង្អែលក្បាលរបស់អ្នកនោះ ហើយចូលគៀកអ្នកដោយគ្មានមូលហេតុ ស្ទើរតែនៅចង់សោយសុខការបំបោះអង្អែលបែបនេះទៀត នេះក៏បញ្ជាក់ថាបុរសម្នាក់នេះបានស្រលាញ់អ្នកចេញពីដួងចិត្តរបស់គេ។ អ្វីៗរបស់អ្នក គេសុទ្ធតែចូលចិត្ត នឹងផ្តល់តម្លៃដល់អ្នកទៀតផង។ ម្យ៉ាងទៀតពេលមនុស្សប្រុសស្ទាបក្បាលមនុស្សស្រី សកម្មភាពបែបនេះក៏ធ្វើឱ្យមនុស្សស្រីមានភាពកក់ក្តៅផងដែរ។ ព្រោះមានតែមនុស្សដែលស្និទ្ធស្នាលទេ ទើបអាចថើប និងស្ទាបក្បាលរបស់អ្នក ប្រាប់ដល់អ្នកថាក្នុងចិត្តគេមានតែអ្នកតែប៉ុណ្ណោះ។ ដូច្នេះមនុស្សស្រីដែលបានជួបមនុស្សប្រុសបែបនេះហើយ ដាច់ខាតកុំឱ្យរំលងផុតឱ្យសោះ។ ២. ស្ទាបពោះរបស់អ្នក ពេលដែលអ្នកឈឺពោះ ឬពេលមករដូវ បើគូស្នេហ៍របស់អ្នកដឹងថាអ្នកមិនស្រួលខ្លួន ហើយគេសុខចិត្តយកដៃដ៏កក់ក្តៅរបស់គេមកស្ទាបពោះរបស់អ្នក ជួយឱ្យពោះរបស់អ្នកមានកម្ដៅ ដើម្បីកាត់បន្ថយការឈីចាប់របស់អ្នក។ មនុស្សប្រុសបែបនេះ បញ្ជាក់ថាគេស្រលាញ់អ្នកខ្លាំងណាស់។ ពីព្រោះគេមិនចង់ឃើញអ្នកឈឺចាប់ មិនដាច់ចិត្តឃើញអ្នករង់ការឈឺចាប់អ្វីនោះឡើយ។ មនុស្សប្រុសដែលគិតដល់អ្នកបែបនេះ ទើបពិតជាមនុស្សដែលស្រលាញ់អ្នកថ្នាក់ថ្នមអ្នក។ ចូរអ្នកកុំបោះបង់គេដោយងាយៗឱ្យសោះ…