ពេលនឹកដល់អ្នក ខ្ញុំមិនអាចធ្វេីអីក្រៅពីទាញទូរសព្ទមកបេីកមេីលរូបថតដែលយេីងធ្លាប់ថតជាមួយគ្នា អានសារចាស់ៗដែលយេីងធ្លាប់ផ្ញេីឱ្យគ្នា កាន់តែមេីលខ្ញុំកាន់តែមានអារម្មណ៍ថាឈឺកាន់តែខ្លាំង ទ្រូងខាងឆ្វេងនេះ វាចុកអួលណាស់ ព្រោះខ្ញុំមិនអាចធ្វេីអ្វីបានលេីសពីនេះ។
ខ្ញុំមិនមានសិទ្ធិសូម្បីដឹងថាអ្នកកំពុងធ្វេីអ្វី? ព្រោះពេលនេះយេីងមិនត្រូវជាអ្វីនឹងគ្នាបន្តិចឡេីយ ទេីបគ្មានហេតុផលអីដែលខ្ញុំត្រូវដឹងពីសកម្មភាពរបស់អ្នក។
ទោះបីជាពេលវេលាកន្លងផុតទៅយូរយ៉ាងណាក៏ដោយ តែចិត្តស្រឡាញ់ដែលធ្លាប់មានចំពោះអ្នកយ៉ាងណា វាក៏នៅតែយ៉ាងហ្នឹង មិនដែលប្រែប្រួលសូម្បីតែបន្តិច។
ខ្ញុំនៅត្រង់នេះ កន្លែងនេះ រង់ចាំការវិលត្រឡប់របស់អ្នក ទោះបីក្តីសង្ឃឹមមានត្រឹមមួយភាគរយ ក៏ខ្ញុំនៅតែចាំ ខ្ញុំនៅតែជឿថា ពួកយេីងនឹងអាចត្រឡប់មកដូចដេីមនៅថ្ងៃណាមួយជាក់ជាមិនខាន។
បេះដូងខ្ញុំមួយនេះ នឹងមិនអនុញ្ញាតឱ្យអ្នកផ្សេងចូលមកជំនួសតំណែងរបស់អ្នកនោះឡេីយ បេីមិនទាន់ស្អប់ បើនៅសល់ចិត្តស្រឡាញ់ ត្រឡប់មកវិញមក យេីងនឹងសាងស្នេហ៍នេះឡេីងវិញម្តងទៀត ចាប់ផ្ដើមឡើងវិញជាមួយគ្នា ឱ្យមានន័យជាងពីមុន។
ចិត្តនៅតែនឹក នៅតែចាំ ចាំរហូតដល់បេះដូងមួយនេះលែងដេីរ បេះដូងមួយនេះបានបញ្ជាក់យ៉ាងច្បាស់ថា មិនអាចស្រឡាញ់អ្នកណាផ្សេងក្រៅពីអ្នកឡេីយ…
មនុស្សដែលស្រឡាញ់អ្នកបំផុតម្នាក់នេះ នៅតែរង់ចាំស្វាគមន៍ការត្រឡប់មកមកវិញរបស់អ្នក នៅតែរង់ចាំចាប់ផ្តេីមជាថ្មីជាមួយនឹងអ្នក គ្មានថ្ងៃប្ដូរចិត្តឡើយ៕
អត្ថបទ ៖ អេដមីន ហត់ / ក្នុងស្រុកសូមរក្សាសិទ្ធិ