តាមការស្រាវជ្រាវមួយបង្ហាញថា មនុស្សប្រុសដែលមានចិត្តស្មោះត្រង់និងច្បាស់លាស់ជាមួយអ្នក គឺពួកគេរមែងយកដៃទៅប៉ះលើផ្នែកទាំង ៤ នេះ នៃរាងកាយរបស់អ្នក៖
៤) ប៉ះចង្កេះ
ពេលដែលគេធ្លាក់ក្នុងអន្លង់ស្នេហ៍អ្នកហើយ គេតែងតែចង់ឱបចង្កេះរបស់អ្នក។ ប៉ុន្តែជាទូទៅផ្នែកចង្កេះគឺជាតំបន់ឯកជនភាព ដែលមនុស្សស្រីមិនចេះតែឲ្យនរណាប៉ះបាននោះទេ ហើយយ៉ាងណាប្រសិនបុរសនោះគេមានទម្លាប់ឱបចង្កេះអ្នកពីក្រោយអ្វីជាដើម នោះគឺគេរាប់អ្នកជាមនុស្សអាទិភាពតែម្នាក់ហើយ។
៣) ប៉ះសក់
មនុស្សស្រីគឺស្រលាញ់សក់ខ្លាំងណាស់ ហើយចង់បានសក់ទន់ និងក្រអូប។ សម្រាប់មនុស្សប្រុសដែលស្រលាញ់អ្នកវិញក៏ដូចគ្នា គឺចូលចិត្តទៅយកដៃអង្អែលសក់ ហើយស្ទាបក្បាលរបស់អ្នកថ្នមៗ និងពេលខ្លះគឺគេយកច្រមុះទៅស្រង់ក្លិនដ៏ក្រអូបនៃសក់របស់អ្នក។
២) ប៉ះដៃ
មិនថាទៅកន្លែងណា ពេលណា នៅជាមួយនរណា គឺគេចង់កាន់ដៃអ្នកមិនចង់លែងនោះឡើយ។ ម្នាក់ហ្នឹងប្រហែលស្រលាញ់អ្នកខ្លាំង មិនចង់បាត់អ្នកនោះទេ ហើយការកាន់ដៃនេះសោតក៏បង្ហាញជាសាធារណៈថាគេស្រលាញ់អ្នកខ្លាំងដែរ។
១) ប៉ះស្មា
នៅពេលដែលមនុស្សប្រុសប៉ះស្មាមនុស្សស្រីដែលគេស្រលាញ់ គឺពួកគេចូលចិត្តយកចង្កាទៅដាក់នៅលើស្មារបស់ស្រ្តីនោះ ហើយផ្នែកក្បែរនោះគឺឆ្អឹងដងកាំបិតគឺជាចំណុចរសើបបំផុតមួយរបស់ស្រ្តី ដែលនាងមិនចេះតែឲ្យនរណាប៉ះបានទេ អ៊ីចឹងពេលបុរសដែលនាងស្រលាញ់ទៅបបោសអង្អែល ក៏ធ្វើឲ្យមានអារម្មណ៍រំភើបច្រើនដែរ៕
ប្រភព៖ បរទេស | ប្រែសម្រួល៖ ក្នុងស្រុក