Wisdoms

ជាការពិតណាស់ មនុស្សធ្លាប់តែស្រឡាញ់គ្នា មនុស្សក៕ពុងតែល្អល្អូកល្អើននឹងគ្នាសើ សុខៗក៏ស្រាប់តែត្រូវមកបាក់បែកចែកផ្លូវគ្នាទីទៃ សួរថាតើមាននរណាអាចធ្វើចិត្តទទួលយកបាននោះ គឺមិនមែនជារឿងងាយឡើយ។ ការដែលត្រូវប្រឈមមុខនឹងការបែកបាក់ដំបូងៗគឺវាបែបនេះឯង បាយមិននឹក ទឹកមិនស្រេក ចង់តែដេក គ្មានកម្លាំងនឹងធ្វើអ្វី គ្មានអារម្មណ៍នឹងចេញទៅណា ស្មារតីមិននឹងន សូម្បីតែឈរក៏មិនចង់ឈរផង ទឹកក៏មិននឹកនាចង់ងូតដែរ គឺមិនខុសពីមនុស្សដែលគ្មានវិញ្ញាណជាប់នឹងខ្លួនឡើយ ។ ចំណែកអ្នកខ្លះទៀត ព្រោះតែមានការងារ ក៏ត្រូវព្យាយាមធ្វើចិត្តជាមនុស្សរឹងមាំ ខំញញឹមនៅចំពោះមុខគេឯង ទាំងការពោត ចិត្តនេះធ្លុះធ្លាយ ទន់ជ្រាយខ្លាំង ចង់តែស្រែលម្ដងៗទៅហើយ។ ហើយក៏មានសំណួរ ចោទសួរដេញដោលពេញខួរក្បាលដែលមានចម្លើយឆ្លើយថា ” វាមិនសម មិនពិតទេ មិនអាចទេ មិនមែនទេ…

ជាការពិត សម័យនេះទាល់តែមានលុយ មានឡាន មានគ្រប់យ៉ាង ទើបជីវិតស៊ីវិល័យ ដើរទាន់គេ គេមិនមើលងាយ គេមិនសើចចំអក តែអ្នកខ្លះក៏គិតថា មានលុយ មានឡាន មានគ្រប់យ៉ាង ទើបជីវិតមានក្ដីសុខ និងសុភមង្គល។ ប៉ុន្តែលុយកាក់ មាសប្រាក់ បុណ្យសក្តិដែលអ្នកមាន មិនអាចផ្ដល់សុភមង្កលដល់គ្រួសារអ្នកបានឡើយ តែផ្ទុយទៅវិញ របស់ទ្រព្យក្រៅកាយទាំងនេះ​ អាចនឹងបំផ្លាញក្ដីសុខ សុភមង្គល និងគ្រួសារអ្នកទៅវិញទេ។ ក្នុងគ្រួសារខ្លះ ប្ដីប្រពន្ធខ្លះ កាលនៅក្រីក្រ ស្រឡាញ់គ្នាណាស់ ថ្នាក់ថ្នមគ្នាណាស់ តែដល់ពេលមាន គឺប្ដូរចរិត ចិត្តគំនិតផ្ទុយស្រឡះពីកាលមុន។ កាន់តែមាន…

នៅពេលដែលមនុស្សគ្រប់គ្នាឃើញខ្ញុំមានលុយចាយពេញដៃ មានឡានជិះស្រួល មានផ្ទះនៅដោយខ្លួនឯង មានសម្ភារប្រើសប្រាស់ មានគ្រប់យ៉ាងនៅក្នុងជិវិត គ្រប់គ្នាគិតថា ជីវិតខ្ញុំនេះគ្មានអ្វីត្រូវខ្វល់ គ្មានអ្វីត្រូវលំបាកនោះឡើយ កូនៗរបស់ខ្ញុំក៏មិនវេទនាដែរ។ វាជាការពិត ជីវិតខ្ញុំ និងគ្រួសារខ្ញុំ កូនៗរបស់ខ្ញុំ ពិតជារស់នៅបានស្រណុកសុខកាយមែន តែជាក់ស្ដែង ទម្រាំតែបានប៉ុណ្ណេះ គ្រប់យ៉ាងដែលនៅពីក្រោយភាពស្រណុកសុខស្រួលមួយនេះ វាជាអ្វីដែលគ្រប់គ្នាស្មានមិនដល់នោះឡើយ។ ជាស្ត្រីមេម៉ាយម្នាក់ ត្រូវមើលថែកូនដោយខ្លួនឯង ធ្វើការរកលុយដោយខ្លួនឯង ខ្ញុំអាចចិញ្ចឹមកូនខ្ញុំបានល្អ ក៏ព្រោះតែខ្ញុំត្រូវធ្វើជាមនុស្សដែលរឹងមាំ ដឹកនាំជីវិតកូនៗ រឹងមាំជាជំហរដ៏រឹងប៉ឹងសម្រាប់ពួកគេ។ ខ្ញុំត្រូវធ្វើជាគ្រូ ជាពេទ្យ ជាចុងភៅ ជាធនាគារ​ ជាគ្រប់យ៉ាងសម្រាប់គេតែម្នាក់ឯង។ ខ្ញុំត្រូវអប់រំគេឱ្យបានល្អ ស្វែងរកភាពល្អបំផុតសម្រាប់ពួកគេ…

មែនហើយ មនុស្សម្នាក់ៗតែងតែគិតថា ភាពឯកានឹងធ្វើឱ្យខ្លួនកាន់តែលំបាក ដូច្នេះ គ្មាននរណាម្នាក់ ដែលចង់រស់នៅជាមួយភាពឯកានោះឡើយ។ តែផ្ទុយមកវិញ ប្រសិនបើអ្នកអាចឱ្យខ្លួនឯងរស់នៅជាមួយនឹងភាពឯកាបាននោះ វាគឺជារឿងដែលល្អបំផុត ព្រោះភាពឯកានឹងជួយឱ្យអ្នករកឃើញភាពពិតប្រាកដោយខ្លួនឯង ហើយនឹងក្លាយជាមនុស្សដែលរឹងមាំខ្លាំងបំផុត ដោយមិនបាច់ត្រូវពឹងផ្អែក ឬសុំឱ្យអ្នកដទៃមកនៅក្បែរកំដរអ្នកនោះឡើយ។ យ៉ាងណាមិញ ខាងក្រោមនេះ គឺជា៥ចំណុចធំៗ ដែលនឹងអាចជួយឱ្យអ្នករស់នៅជាមួយនឹងភាពឯកាបានដោយក្ដីសុខ និងស្ងប់ចិត្តបំផុត។ ១. បង្កើនការយល់ដឹង ច្បាស់ណាស់ ការយល់ដឹងរបស់មនុស្ស មិនសម្ដៅដល់ការដែលយើងបានចូលសាលា រៀនថ្នាក់ខ្ពស់ប៉ុណ្ណោះទេ តែវាអាស្រ័យលើការក្រេបរសនៃជីវិតបានច្រើនកម្រិតណា។ មនុស្សដែលមានការយល់ដឹង គឺមិនចេះខឹង រឹតតែមិនដែលបន្ទោសអ្នកដទៃផ្ដេសផ្ដាសឡើយ តែជាមនុស្សដែលមានចិត្តត្រជាក់ ចិត្តស្ងប់ល្អ ហើយក៏តែងតែអភ័យដល់មនុស្សដែលធ្វើខុស និងចេះជួយកែប្រែគេផងដែរ។…

ធម្មតាជីវិតគ្រួសារ ពាក្យថាប្ដីប្រពន្ធ រមែងមានពាក្យសម្ដីធ្ងន់ស្រាលលើគ្នាខ្លះហើយ គ្មានប្ដីប្រពន្ធណា ដែលថាមិនឈ្លោះគ្នានោះឡើយ កុំឃើញគេផុសរូបស្វីតៗ នឹកថា យី!ប្ដីប្រពន្ធនេះល្អូកល្អើនណាស់ អត់ចេះឈ្លោះគ្នាសោះ នោះមិនពិតទេ ព្រោះគ្មានអ្នកណាបង្ហោះរូបឈ្លោះគ្នាឱ្យគេឯងបានឃើញនោះទេ តែគេមានវិធីក្នុងការរក្សា និងការពារឱ្យគ្រួសារមានក្ដីសុខ និងសុភមង្គល។ ជីវិតអាពាហ៍ពិពាហ៍ ទាមទារឱ្យប្ដីប្រពន្ធគ្រប់គូ ត្រូវចេះតស៊ូជាមួយគ្នា ត្រូវចេះអត់ធ្មត់ឱ្យបានខ្ពស់ អនុគ្រោះ យោគយល់ដល់គ្នា អធ្យាស្រ័យ ប្រណី មេត្តា ថែរក្សាការពារគ្នា ស្មោះត្រង់ចំពោះគ្នា ចេះឆ្លៀតពេលដើម្បីគ្នា គោរព និងឱ្យតម្លៃគ្នា ទើបគ្រួសារមានសុភមង្គល និងអាចកាន់ដៃគ្នាដល់ចាស់រាងៗកូនតកូនតចៅ។ មួយវិញទៀត ត្រូវចេះយល់ចិត្តគ្នា…

អ្នកខ្លះគិតថា មនុស្សពីរនាក់អាចស្រឡាញ់គ្នាជាគូអនាគត រស់នៅជាមួយគ្នាបានរហូតដល់ចាស់ លុះត្រាតែមាន រូបរាង កម្ពស់ ពណ៌សម្បុរ អាយុ ឋានៈ បុណ្យសក្តិប្រហាក់ប្រហែលគ្នា ទើបវាសក្ដិសមនឹងគ្នា សមជាប្ដីប្រន្ធ។ អ្នកខ្លះទៀតនិយាយថា ស្វាមីភរិយា ទាល់តែមានការងារធ្វើឱ្យដូចគ្នា ឬបើជាអ្នករកស៊ី ត្រូវរកស៊ីឱ្យដូចគ្នា ទើបវាបានយូរអង្វែង វាសក្ដិសមនឹងគ្នា តែគ្រប់យ៉ាងទាំងនោះ គឺគ្រាន់តែជាភាពសក្ដិសម សម្រាប់ដៃគូទាំងពីរ វាមិនមែនជាសុភមង្គល ឬជាចំណងដែលអាចចងឱ្យគូជីវិត រ់ស់នៅជាមួយគ្នាបានយូរនោះឡើយ … ។ ជីវិតគូ គឺត្រូវតស៊ូរួមគ្នា មិនថាពួកយើងមានការងារខុសគ្នាក៏ដោយ តែសំខាន់ គឺចិត្តគំនិតដូចគ្នា…