Wisdoms

មនុស្សស្រីកាលជំនាន់មុន ប្រាកដណាស់គឺ មិនខ្វល់អំពីការងារ ការរកស៊ីអ្វីនោះឡើយ ដឹងត្រឹមថា ធំពេញរូបពេញរាង គឺត្រូវរៀបការមានគ្រួសារ ក្លាយជាប្រពន្ធគេម្ដាយគេ ការងារជាប្រចាំគឺ ដាំបាយធ្វើម្ហូប រៀបចំផ្ទះសម្បែងមើលថែទាំកូន និងប្ដី ចំណែកកិច្ចការងារអ្វីផ្សេង ធ្វើការរកលុយគឺ តួនាទីរបស់ប្ដី ជាប្រពន្ធមានសិទ្ធត្រឹមនៅពីក្រោយប្ដីតែប៉ុណ្ណោះ ចាំតែប្ដីដឹកនាំបានហើយ ចុងក្រោយ សូម្បីតែហាមាត់និយាយក៏ពិបាកដែរ។ តែសម្រាប់មនុស្សស្រីសម័យនេះ នាងផ្តោតខ្លាំងបំផុតគឺ ត្រូវរឹងមាំដោយខ្លួនឯង មានចំណេះ មានជំនាញ មានមុខរបរ ការងាររកលុយដោយកម្លាំងញើសឈាមរបស់ខ្លួនឯង ព្រោះនាងត្រូវតែជាអ្នកដឹកនាំជីវិតឱ្យខ្លួនឯង មិនអាចចាំតែប្ដីរកស៊ីចិញ្ចឹមនោះឡើយ នេះហើយជាគំនិតរបស់មនុស្សស្រីបច្ចុប្បន្ន។ ប៉ុន្តែរឿងដែលពិបាកសម្រាប់មនុស្សស្រីដែលរឹងមាំពេកគឺ បើនាងអាចមានជីវិតជោគជ័យលើវិថីរកស៊ី ឬធ្វើការ…

ខ្ញុំមានសំណាងដែលបានស្គាល់អ្នក មាននិស្ស័យទើបអាចបានស្រឡាញ់អ្នក តែអ្វីដែលគួរឱ្យស្ដាយគឺ ខ្ញុំ និងអ្នកមិនអាចមានអនាគតជាមួយគ្នាឡើយ។ តាំងពីស្គាល់អ្នក រហូតដល់ស្រឡាញ់អ្នក ទោះបីពេលខ្លះ ខ្ញុំខឹង អន់ចិត្តនឹងអ្នក ឯកាព្រោះតែអ្នកច្រើនប៉ុនណា ខ្ញុំក៏មិនដែលស្ដាយដែលស្រឡាញ់អ្នក ក៏រឹតតែមិនស្ដាយដែលបានស្គាល់អ្នកនោះឡើយ។ ប៉ុន្តែអ្វិដែលខ្ញុំស្ដាយបំផុតគឺ ខ្ញុំជ្រុលជ្រួសលើចិត្ត និងមនោសញ្ចេតនាខ្លួនឯង ខ្ញុំស្ដាយដែលដើរចូលទៅជ្រៅពេកក្នុងជីវិតអ្នក ខ្ញុំដើរទៅឆ្ងាយពេកក្នុងជីវិតអ្នក ឆ្ងាយហួសដែលពិបាកនឹងត្រឡប់ក្រោយ ខ្ញុំចូលទៅឆ្ងាយហើយ សុំទោស!ដែលមិនអាចឈប់ស្រឡាញ់អ្នក។ មិនមែនចង់ឈប់ស្រឡាញ់អ្នក មិនមែនហត់នឿយព្រោះតែស្រឡាញ់អ្នក តែការដែលស្រឡាញ់អ្នក វាពិតជាពិបាកនឹងសម្លឹងមុខអ្នក វាពិបាកដែលខ្ញុំបានត្រឹមតែមើលមុខអ្នក មានឈ្មោះត្រឹមជាមិត្តល្អ​ មនុស្សល្អនៅក្រៅចិត្តអ្នកតែប៉ុណ្ណេាះ។ យល់អារម្មណ៍មួយនេះទេ អារម្មណ៍ដែលដើរចូលទៅជ្រៅក្នុងមនោសញ្ចេតនាស្នេហា តែបានត្រឹមតែជាការធ្វើដំណើរ វង្វេងក្នុងអារម្មណ៍ស្រឡាញ់មួយនេះតែម្នាក់ឯង។…

ចំណាយពេលស្រឡាញ់គ្នា ក្រលំបាកមកជាមួយគ្នា ខិតខំតស៊ូប្រឹងប្រែងរួមគ្នា រហូតដល់ពេលមួយមានអ្វីៗគ្រប់យ៉ាង តែបែរជាមិនមានពេលវេលាក្បែរគ្នា មិនមានសូម្បីតែពេលដើម្បីយល់ចិត្តគ្នា មានគ្រប់យ៉ាង តែយើងបែរជាបាត់បង់ក្ដីស្រឡាញ់ទៅវិញ មានគ្រប់យ៉ាង តែបែរជាគ្មានក្ដីសុខ គ្មានសុភមង្គល ខ្វះភាពកក់ក្ដៅឱ្យគ្នា តើមានដើម្បីអ្វី? ធ្លាប់គិតថា ឱ្យតែយើងមានលុយ មានឡាន មានមុខមាត់ក្នុងសង្គម នោះយើងនឹងមានគ្រប់យ៉ាងហើយ តែអ្វីៗ វាមិនដូចការគិតរបស់យើងឡើយ។ ពេលមាន ម្នាក់ៗបែរជាគ្មានពេលឱ្យគ្នា ពេលមាន ម្ខាងៗប្រែជាផ្លាស់ប្ដូរ កែប្រែចិត្តគំនិត លែងឱ្យតម្លៃគ្នា លែងមានក្ដីស្រឡាញ់ឱ្យគ្នា តើយើងមានដើម្បីអ្វី? ពេលនេះ មានលុយច្រើនប៉ុនណា ក៏មិនអាចទិញអារម្មណ៍ល្អៗរវាងយើងមកវិញបានដែរ។ មានប៉ុនណា…

តើអ្នកដឹងទេថា នៅលើរាងកាយរបស់ស្ត្រីមាន ៣ ដែលតូច ដែលជាចំណុចបង្កើតភាពទាក់ទាញសម្រាប់មនុស្សស្រី ច្រើនជាងការរីកធំ។ ជាធម្មតា មនុស្សស្រីចូលចិត្តបុរសដែលមានកម្ពស់ខ្ពស់ សាច់ដុំធំៗ ចំណែកបុរសវិញចូលចិត្តនារីដែលតូចច្រឡឹង។ នោះគឺជាលក្ខណៈយេនឌ័រនៃភេទទាំងពីរ។ ស្ត្រីប្រភេទនេះ ធ្វើឱ្យបុរសមានអារម្មណ៍ថាពួកគេចង់ត្រូវបានការពារ និងស្រឡាញ់។ ក្រៅពីភាពសុភាពរាបសារ និងសម្រស់ស្រស់ស្អាត ស្ត្រីត្រូវបានបង្ហាញតាមបែបវិទ្យាសាស្ត្រថាមានសុខភាពល្អ ក៏ជាចំណុចទាក់ទាញរបស់មនុស្សស្រីផងដែរ។ ជាពិសេសនៅពេលពួកគេមានអាយុ 40 ឆ្នាំ សមត្ថភាពរំលាយអាហាររបស់រាងកាយត្រូវបានកាត់បន្ថយ ប្រសិនបើអ្នកកំពុងប្រឈមនឹងការអស់រដូវ ប្រព័ន្ធ endocrine អាចត្រូវបានរំខានដែលនាំឱ្យមានសរីរាង្គខ្លះកាន់តែធំ។ ដូច្នេះអវយវៈទាំង ៣ ផ្នែករបស់មនុស្សស្រី បើមានទំហំតូច នោះបញ្ជាក់ថា ស្ត្រីមានសុខភាពល្អ…

ការរាប់អាននៅក្នុងភាពជាមិត្ត ក៏អាចនិយាយាបានថា ជាទំនាក់ទំនងដ៏សំខាន់មួយដែរ សម្រាប់ជីវិតមនុស្សយើងប្រចាំថ្ងៃ។ មនុស្សម្នាក់ៗត្រូវតែមានមិត្ត ប៉ុន្តែពាក្យថាមិត្តគឺមាន មិត្តល្អ និងមិត្តអាក្រក់ មនុស្សខ្លះ គ្រាន់តែជាមិត្តតែប៉ុណ្ណោះ គឺមិត្តតាមស៊ីពែយើងទេ ចំណែកមិត្តខ្លះទៀតគឺ មើលឃើញតែប្រយោជន៍ ដូចខ្មោចចាំទារបាយអ៊ីចឹង។ យ៉ាងណាមិញ ខាងក្រោមនេះ ជាប្រភេទមិត្តមួយចំនួន ដែលយើងមិនគួររាប់អានឡើយ ដើម្បីកុំឱ្យខាតពេលវេលា ខាតលុយកាក់ ជាពិសេសគឺ ខាតចិត្ត ខាតមនោសញ្ចេតនា មនុស្សប្រភេទនេះដូចពាក្យស្លោកគេថា “ទុកមិនចំណេញ ដកចេញក៏មិនខាត”។ ១. មនុស្សទំនេរអត់ការងារធ្វើ អង្គុយនិយាយតែដើមគេ មនុស្សទំនេរអត់ការងារធ្វើ ច្រើនតែចំណាយពេលនិយាយតែដើមគេ និយាយចុះនិយាយឡើង…

មិនបាច់តាមរកទេសម័យនេះ គ្មានមនុស្សស្រីគ្រប់ល័ក្ខណ៍នោះឡើយ ហើយបើទោជាអាចរកបានមែន ក៏មិនអាចរស់នៅជាមួយដោយសុខសាន្ត សុភមង្គលបានដែរ កុំថាឡើយមនុស្សស្រីគ្រប់ល័ក្ខណ៍ រាល់ថ្ងៃមានត្រឹមមនុស្សស្រីច្បាប់វិន័យតឹងរឹងជ្រុលហួសហេតុ មិនចេះអធ្យាស្រ័យប៉ុណ្ណឹង នៅតែមិនអាចរស់នៅជុំគ្រួសារ។ ជឿទៅថា មនុស្សស្រីមិនបាច់ដល់ថ្នាក់ល្អឥតខ្ចោះ ត្រឹមត្រូវគ្មានចន្លោះនោះទេ ត្រឹមអាចយល់ ដឹង និងស្គាល់កាលៈទេសៈ ចេះបត់បែន យល់ការណ៍រាក់ជ្រៅ ដឹងក្ដៅត្រជាក់ ស្គាល់ភារកិច្ចការងារ និងតួនាទីប៉ុណ្ណឹង គឺល្អពេកណាស់ហើយ តែបើឱ្យល្អគ្រប់រឿង ចេះគ្រប់សព្វ ច្បាប់វិន័យតឹងរឹងគ្រប់យ៉ាង ធានាថា អ្នកណាក៏រស់នៅជាមួយនាងមិនបានដែរ ព្រោះនាងល្អ ស្អាត ពូកែ អ៊ីចឹង អ្នកផ្សេងគឺមិនដល់នាង មិនអាចផ្គាប់ចិត្តនាងបានឡើយ។…

នៅក្នុងជីវិតមនុស្សស្រី មិនថាក្នុងរឿងស្នេហា ការងារ ឬទំនាក់ទំនងណាផ្សេងនោះឡើយ មិនសំខាន់ទេថា នាងមានកម្លាំងក្នុងការទ្រាំបានយូរដល់ពេលណានោះទេ តែអ្វីដែលអាចបង្ហាញពីភាពខ្លាំង និងរឹងមាំរបស់នាងនោះគឺ ការដែលនាងហ៊ានប្រឈមុខជាមួយនឹងរឿងគ្រប់យ៉ាង ហើយក៏ហ៊ានដើរចេញ នៅពេលដែលអស់ភាពអំណត់។ ការប្រឈមមុខ គឺជាចំណុចខ្លាំងបំផុត ដែលបង្ហាញពីសមត្ថភាពរបស់នាង មានន័យថា នាងមានគំនិត នាងមានការតាំងចិត្ត ហើយនាងមានកម្លាំងកាយគ្រប់គ្រាន់ ជាពិសេសនោះគឺ នាងមានភាពក្លាហាក្នុងការប្រឈមមុខ ជាមួយនឹងរឿងរ៉ាវ និងបញ្ហាគ្រប់បែបយ៉ាងបានដោយមិនគេចវេស មិនកំសាក មិនខ្លាចរអានោះឡើយ នេះហើយទើបជាភាពខ្លាំងដ៏ពិតប្រាកដ។ ចំណុចទី២គឺ ការហ៊ានសម្រេចចិត្តដើរចេញពីមនុស្ស ឬកន្លែងដែលមិនដែលឱ្យតម្លៃនាង ហ៊ានចាកចេញពីមនុស្សដែលមិនដែលគោរព និងស្រឡាញ់នាង មិនមែនការទ្រាំធ្វើឆ្កែធ្វើឆ្មា ទ្រាំនឹងការប្រមាថមើលងាយធ្វើបាប…

អ្នកណាៗក៏គេរវល់ដែរ កុំចេះតែយកលេសថារវល់ រហូតដល់គ្មានពេលនៅក្បែរ ដើរលេងលំហែជាមួយមនុស្សជាទីស្រឡាញ់។ ពាក្យថារវល់ ភាគច្រើនទាល់តែចិត្តមិនចង់ ឬមនុស្សមិនសំខាន់ ទើបគេប្រើពាក្យនេះដើម្បីជាលេស តែសម្រាប់មនុស្សដែលយើងស្រឡាញ់ ទោះរវល់ប៉ុនណា ក៏អាចឆ្លៀតពេលដើម្បីគ្នាបានដែរ។ ពេលវេលាលំហែ ពេលដើរកម្សាន្តគឺមានតម្លៃណាស់ ព្រោះវាជាពេលវេលា សម្រាប់ឈ្វេងយល់ពីគ្នា និងបង្កើនស្នាមញញឹម និងក្ដីសុខជាមួយមនុស្សដែលយើងស្រឡាញ់។ គ្រប់គ្នាសុទ្ធតែមានការងារ មមាញឹករៀងៗខ្លួន តែជឿថា ក៏អាចឱ្យយើងមានពេលសម្រាប់មនុស្សដែលយើងស្រឡាញ់ដែរ សំខាន់ឱ្យតែចេះឆ្លៀត ឬបង្កើតឱកាស ដើម្បីនៅក្បែរមនុស្សដែលយើងស្រឡាញ់។ ជឿទៅថា ទោះរវល់យ៉ាងណា មមាញឹកប៉ុនណា ក៏គេអាចកំដរយើងបានដែរ ឱ្យតែគេស្រឡាញ់យើងពិត គេប្រាកដជា ព្យាយាមនៅក្បែរ និងមើលថែយើងហើយ៕…

មនុស្សស្រី កុំចេះតែខឹង អន់ចិត្ត ឬទាមទារចង់បានការថ្នាក់ថ្នម ផ្គាប់ចិត្តពីដៃគូខ្លាំងពេក ព្រោះមនុស្សប្រុសខ្លះ គាត់សោះកក្រោះណាស់ ជាពិសេសគឺ គាត់មិនសូវជាចូលចិត្តរឿងផ្អែមល្ហែម យកចិត្ត ផ្គាប់ចិត្ត លួងលោមអីនោះទេ ដូច្នេះហើយ អ្នកកុំចេះតែចង់ឱ្យគាត់ធ្វើរឿងទាំងនេះពេក មនុស្សប្រុសមិនមែនសុទ្ធពូកែលួងលោម ផ្អែមល្ហែម ទន់ភ្លន់នោះឡើយ។ ម្យ៉ាងវិញទៀត បើអ្នកចង់បានអី ឬត្រូវការអី គួរតែនិយាយត្រង់ៗជាមួយនឹងគាត់ ព្រោះថា មនុស្សប្រុសខ្លះ គាត់ពិតជាល្ងង់មែនក្នុងរឿងធ្វើអ្វីៗដើម្បីផ្គាប់ចិត្តគូស្នេហ៍ ឬប្រពន្ធ ឬអាចនិយាយបានថា ពេលខ្លះ គាត់ពិតជាអៀនច្រើនមែន ក្នុងការ Surprise ឬបង្ហាញពីអ្វីដើម្បីពញ្ជាក់អារម្មណ៍មនុស្សដែលគាត់ស្រឡាញ់។ យ៉ាងណាមិញ…