កងទ័ពអ៊ីស្រាអែលបានទទួលស្គាល់ថា ខ្លួនបានធ្វើការវាយឆ្មក់យ៉ាងតិច ៥០ ដងលើគោលដៅនានានៅក្នុងប្រទេសស៊ីរីក្នុងឆ្នាំ ២០២០ ដែលបង្ហាញថាស៊ីរីសុវត្ថិភាពជាងបើប្រៀបធៀបទៅនឹងឆ្នាំមុន ៗ ។
នៅក្នុងទិន្នន័យសន្តិសុខប្រចាំឆ្នាំរបស់ខ្លួនដែលបញ្ចប់នៅពាក់កណ្តាលអធ្រាត្រយប់នេះ កងទ័ពអ៊ីស្រាអែលបានបញ្ជាក់ថាក្រៅពីការវាយឆ្មក់ទាំងនោះ ពួកគេបានធ្វើប្រតិបត្តិការជាក់លាក់ចំនួន ២០ ជាពិសេសនៅព្រំដែនលីបង់ និងស៊ីរី បន្ថែមពីលើការរារាំងប្រតិបត្តិការណ៍បំផ្លាញពីសំណាក់ទាហានមកពីគណបក្ស Hezbollahចំនួន២លើកផងដែរ។
ប្រភពពីកងទ័ពដដែល ក៏បានបញ្ជាក់ផងដែរថា កម្លាំងរបស់ខ្លួនអាចរាំងខ្ទប់ការវាយប្រហាររបស់ក្រុមទាហាន Hezbollah ដែលធ្វើប្រតិបត្តិការនៅតាមព្រំដែនស៊ីរី បន្ថែមលើការរកឃើញ និងដោះគ្រឿងផ្ទុះដែលបង្កប់តាមបន្ទាត់ព្រំដែនស៊ីរី និងបំផ្លាញក្រុមឧទ្ទាមតូចមួយចំនួនទៀត។
ទិន្នន័យកងទ័ពអាកាសអ៊ីស្រាអែល បានបង្ហាញពីការកើនឡើងនូវសកម្មភាពដែលទាក់ទងទៅនឹង“ ការប្រយុទ្ធគ្នារវាងសង្គ្រាម” ដែលមានគោលបំណង“ ប្រយុទ្ធប្រឆាំងនឹងការប៉ុនប៉ងរបស់សត្រូវ ក្នុងការឈរជើងនៅតាមព្រំដែននៃប្រទេសអ៊ីស្រាអែល និងរារាំងសង្គ្រាមដែលអាចកើតឡើងជាបន្តបន្ទាប់។ ” ពួកគេបានពន្យល់ថាយន្តហោះចម្បាំងរបស់អ៊ីស្រាអែល បានអនុវត្តប្រតិបត្តិការចំនួន ១៤០០ លើក កាលពីឆ្នាំមុនបន្ថែមលើការវាយប្រហារតាមឧទ្ធម្ភាគចក្រជាង ៤០០ គ្រឿងបន្ថែមទៀត។
កងទ័ពអ៊ីស្រាអែលក៏បានបញ្ជាក់ផងដែរថា ចាប់តាំងពីដើមឆ្នាំនេះគោលដៅប្រហែល ៣០០ នៅក្នុងតំបន់ហ្គាហ្សាស្ទ្រីបត្រូវបានទម្លាក់គ្រាប់បែក ហើយវាបានរារាំងការប៉ុនប៉ងបំផ្ទុះបំបែករនាំងការពារព្រំដែនចំនួន ៣៨លើក ជាថ្នូរនឹងការបាញ់គ្រាប់ចំនួន ១៧៦ គ្រាប់ឆ្លងកាត់ព្រំដែនហ្គាហ្សាពី ភាគីប៉ាឡេស្ទីន ៩០ ភាគរយនៃតំបន់ទាំងនោះស្ថិតក្នុងតំបន់គ្មានមនុស្សរស់នៅ និងប្រព័ន្ធម៊ីស៊ីល Iron Dome បានស្ទាក់ចាប់ ៨០ ករណីផ្សេងទៀត។
ប្រភពដដែលបានបង្ហាញថាឆ្នាំ ២០២០ បានឃើញការថយចុះនៃប្រតិបត្តិការប្រឆាំងនឹងអ៊ីស្រាអែល ហើយអ្នករងរបួសនិងស្លាប់ក្នុងព្រឹត្តិការណ៍នានាក៏ធ្លាក់ចុះបើប្រៀបធៀបនឹងឆ្នាំមុន៕
ប្រភព៖ almasdarnews