យោងតាមសេចក្ដីប្រកាសរបស់ ក្រសួងសុខាភិបាលកម្ពុជា បានឱ្យដឹងអំពីលទ្ធផលនៃការធ្វើតេស្តរកវិជ្ជមានជំងឺ Covid-១៩ ជាលទ្ធផលសម្រាប់ថ្ងៃទៅ ០១ ធ្នូ ២០២០ នេះដែរ គឺមានករណីវិជ្ជមាន៣នាក់ថ្មីបន្ថែមទៀត។ តែគួរបញ្ជាក់ថា អ្នកទាំង៣នាក់នេះមិនមែនជាអ្នកដែលជាប់ពាក់ព័ន្ធនឹងព្រឹត្តិការណ៍២៨ វិច្ឆិកា ឆ្លងចូលសហគន៍ឡើយ។
អ្នកទាំង៣នាក់នេះជាអ្នកដំណើរចូលមកកម្ពុជា រួមមាន ៖
– បុរសជនជាតិខ្មែរ អាយុ២៦ឆ្នាំ អាសយដ្ឋានស្នាក់នៅ ដងទង កំពត ធ្វើដំណើរមកពីប្រទេសជប៉ុន តាមជើងហោះហើរនៅប្រទេសកូរ៉េខាងត្បូង មកដល់កម្ពុជាថ្ងៃទី១៨ វិច្ឆិកា ២០២០ លទ្ធផលធ្វើតេស្តវត្ថុសំណាកលើកទី២។
– បុរសជនជាតិខ្មែរ អាយុ៤៦ឆ្នាំ អាសយដ្ឋាននៅខេត្តកណ្ដាល ធ្វើដំណើរមកពីប្រទេសជប៉ុន តាមជើងហោះហើរនៅប្រទេសកូរ៉េខាងត្បូង មកដល់កម្ពុជាថ្ងៃទី១៨ វិច្ឆិកា ២០២០ លទ្ធផលធ្វើតេស្តវត្ថុសំណាកលើកទី២។
– ស្ត្រីជនជាតិខ្មែរ អាយុ៣៥ឆ្នាំ អាសយដ្ឋាននៅទឹកឈូ កំពត ជាអ្នកដំណើរមកពីប្រទេសចិន មកដល់កម្ពុជានៅថ្ងៃទី ១៨ វិច្ឆិកា ២០២០ ជាលទ្ធផលធ្វើតេស្តលើកទី២ ឃើញវិជ្ជមាន។
អានសេចក្ដីលម្អិតបន្ថែមពីខាងក្រសួងខាងក្រោមនេះ ៖
