យោងតាមសេចក្ដីប្រកាសរបស់ក្រសួងធនធានទឹក និងឧតុនិយម សម្រាប់ការព្យាករណ៍អាកាសធាតុនៅកម្ពុជាបានឱ្យដឹងថា កម្ពុជានឹងជួបស្ថានភាពអាកាសធាតុចុះត្រជាក់ជាលើកដំបូង គិតចាប់ពីថ្ងៃទី ០៤ ធ្នូ នេះតទៅ ជាមួយនឹងខ្យល់មូសុងឦសានត្រជាក់ខ្លាំង។ ជ្រលងសម្ពាធខ្ពស់ពីប្រទេសចិន នឹងរំកិលចុះមកក្រោមជាលំដាប់ រំកិលចុះមកដល់ភាគកណ្ដាលនៃប្រទេសកម្ពុជា។
ស្ថានភាពបែបនេះ នឹងធ្វើឱ្យកម្ពុជាចុះត្រជាក់ជាលើកទី១ នៅថ្ងៃទី ០៤ ខែ ធ្នូ ឆ្នាំ ២០២០ ៖
១. បណ្ដាខេត្តនៅតំបន់វាលទំនាបកណ្ដាល ៖
– សីតុណ្ហភាពអប្បបរមា មានពី ១៩ – ២១ អង្សា
– សីតុណ្ហភាពអតិបរមាន មានពី ២៦ – ២៨ អង្សា
២. បណ្ដាខេត្តជាប់ជួរភ្នំដងរែក និងខ្ពង់រាបឦសាន ៖
– សីតុណ្ហភាពអប្បបរមា មានពី ១៧ – ១៩ អង្សា
– សីតុណ្ហភាពអតិបរមាន មានពី ២៥ – ២៧ អង្សា
៣. តំបន់មាត់សមុទ្រ ៖
– សីតុណ្ហភាពអប្បបរមា មានពី ២១ – ២៣ អង្សា
– សីតុណ្ហភាពអតិបរមាន មានពី ២៧ – ២៩ អង្សា
អាស្រ័យនឹងស្ថានភាពអាកាសធាតុបែបនេះ សូមសាធារណៈជនជ្រាបជាដំណឹង សូមយកចិត្តទុកដាក់ថែរក្សាសុខភាពឱ្យបានល្អ និងត្រឹមត្រូវគ្រប់ៗគ្នា៕
