នៅរសៀលថ្ងៃទី៣០ ខែវិច្ឆិកា ឆ្នាំ២០២០នេះ ដំរីអាស៊ីចំណាស់មួយក្បាលដែលមានឈ្មោះថា ខាវ៉ាន់ ដែលជាដំរីដ៏ឯកោបំផុតនៅលើពិភពលោក នៅទីបំផុតបានមកដល់ទឹកដីនៃខេត្តសៀមរាប នៃព្រះរាជាណាចក្រកម្ពុជាហើយ បន្ទាប់ពីបានធ្វើដំណើរជាច្រើនម៉ោង នៅលើយន្តហោះពីប្រទេសប៉ាគីស្ថាន។
ការមកដល់នេះ ក៏មានការទទួលស្វាគមន៍ ពីសំណាក់ ឯកឧត្តម នេត្រ ភក្រ្តា រដ្ឋលេខាធិការក្រសួងបរិស្ថាន និងតំណាងអង្គការ Four Paws ព្រមទាំងមានព្រះសង្ឃប្រោះព្រំមង្គលសិរីសួស្តី សម្រាប់ដំរីនេះផងដែរ។ កម្ពុជាបានផ្តល់ជម្រកថ្មី ផ្តល់ជីវិតថ្មី និងផ្តល់ក្តីសង្ឃឹមថ្មីដល់ដំរីដ៏ឯកោមួយនេះ សូមស្វាគមន៍យ៉ាងកក់ក្ដៅជាមួយផ្ទះថ្មីណា ខាវ៉ាន់៕
អានអត្ថបទបន្ថែមអំពី ដំរីឯកា ៖ តុលាការប៉ាគីស្ថាន បានសម្រេចឱ្យដោះលែងដំរីចំណាស់មួយក្បាល ដែលជាប់ឃុំ ហើយនឹងបញ្ជូនមកដែនជម្រកនៅកម្ពុជាវិញ
រូបថត៖ ឃុត សៅ