យោងតាមការបង្ហៅរបស់គណនីហ្វេសប៊ុគឈ្មោះ បង ម៉េង អ្នកសារព័ត៌មាន បានឱ្យដឹងថា នៅវេលាម៉ោង០០ និង២០នាទីយប់រំលងអធ្រាត្រ ឈានចូលថ្ងៃទី២៨ ខែវិច្ឆិកា ឆ្នាំ២០២០នេះ នៅចំណុចរង្វង់មូល មុខក្លោងទ្វារចូលគម្រោង ដឺស្ដារផ្លាទីនីម ក្នុងបរិវេណបុរីប៉េងហួត(បឹងស្នោ) ភូមិបឹងឈូក សង្កាត់និរោធ ខណ្ឌច្បារអំពៅ រាជធានីភ្នំពេញ មានករណីរថយន្ត Ford Raptor ដ៏ទំនេីបមួយគ្រឿង បានបេីកចូលបុរីយ៉ាងលឿន មិនប្រយ័ត្នក៏ជ្រុលទៅបុករថយន្ត Hyundai SantaFe ខ្ទេចយ៉ាងដំណំ ហេីយ Raptor មិនទាន់អស់ល្បឿន ក៏បន្តទៅបុកឡេីងជាប់រង្វង់មូលដឺស្ដារផ្លាទីនីម បណ្ដាលឱ្យរងការខូចខាតយ៉ាងដំណំ តែសំណាងល្អ មិនបណ្ដាលឱ្យរបួសមនុស្សទេ គ្រាន់តែមានការប្រកែកគ្នា ផ្អេីលក្រុមសន្តិសុខបុរីប៉េងហួត ចូលមកសម្រុះសម្រួលមិនបាន ក៏រាយការណ៍ប្រាប់សមត្ថកិច្ចចុះមកអន្តរាគមន៍ផងដែរ។
បច្ចុប្បន្នក្រោយពេលកេីតហេតុ រថយន្តទាំងពីរគ្រឿង ត្រូវបានសមត្ថកិច្ចជំនាញចុះមកវាស់វែង និងស្ទូចយកទៅរក្សាទុកបណ្ដោះអាសន្ន នៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដេីម្បីរង់ចាំធ្វើការដោះស្រាយគ្នា និងដោះស្រាយការខូចខាតទ្រព្យសម្បត្តិឯកជនរបស់បុរីប៉េងហួតទៅតាមផ្លូវច្បាប់នៅពេលក្រោយ ៕
ប្រភព ៖ បង ម៉េង អ្នកសារព័ត៌មាន