ក្រសួងសុខាភិបាលកម្ពុជាបានចេញសេចក្ដីប្រកាសបន្ទាន់នៅយប់ថ្ងៃទី ០៩ វិច្ឆិកា ឆ្នាំ២០២០ អំពីការធ្វើតេស្តរកវិជ្ជមានជំងឺកូវីដ១៩ជាលើកទី២ ចំពោះអ្នកដែលបានប៉ះពាល់ដោយផ្ទាល់ និងប្រយោលជាមួយនឹងគណៈប្រតិភូជនជាតិហុងគ្រី ជាលទ្ធផលគឺរកឃើញអ្នកផ្ទុកវិជ្ជមានជំងឺ កូវីដ១៩ ចំនួន៣នាក់ហើយ។
អ្នកដែលបានឆ្លងវិជ្ជមានជំងឺកូវីដ១៩ទាំង៣នាក់នោះរួមមាន ៖
– ឯកឧត្តម សួស យ៉ារ៉ា ជនជាតិខ្មែរ អាយុ ៤៧ឆ្នាំ ជាសមាជិករដ្ឋសភា
– លោក ស ចិត្រា ជនជាតិខ្មែរ អាយុ ៤៧ ឆ្នាំ ជាអគ្គលេខាធិការ ក្រសួងកសិកម្ម រុក្ខាប្រម៉ាញ់ និងនេសាទ
– បុរសជនជាតិហុងគ្រី អាយុ ៦៨ ឆ្នាំ ជាឯកអគ្គរាជទូតប្រទេសហុងគ្រីប្រចាំកម្ពុជា។
បច្ចុប្បន្នអ្នកឆ្លងទាំង៣រូប បាន និងកំពុងដាក់ឱ្យសម្រាកព្យាបាលនៅមន្ទីពេទ្យមិត្តភាព ខ្មែរ-សូវៀត។
