តើអ្នកធ្លាប់ស្រមៃថាស្នាក់នៅក្នុងលូបេតុង ដ៏ធំទាំងអស់នេះក្នុងអំឡុងពេលដំណើរកម្សាន្តរបស់អ្នកដែរឬទេ?
ជាក់ស្តែងគឺមានប្រជាប្រិយភាពរីកចំរើននៅតៃវ៉ាន់ដែលលូបេតុង ត្រូវបានគេយកទៅធ្វើជាផ្ទះ និងហាងកាហ្វេជាដើម។
ទោះបីជាវាមើលទៅរៀងតូចជាង ផ្ទះសំណាក់ និងសណ្ឋាគារ ហើយផ្ទះលូទាំងអស់នេះមានទំហំធំទូលាយគ្រប់គ្រាន់ដើម្បីដាក់អ្វីដូចជាផ្ទះរបស់យើងបានដែរ។
មួយចំណែកទៀតវាក៏អាចធ្វើទៅជាហាងកាហ្វេនិងបណ្ណាល័យ។
ខាងក្រោមនេះគឺជាការផ្លាស់ប្តូរដ៏អស្ចារ្យប្រាំរបស់លូបេតុងនៅតៃវ៉ាន់ ហើយវាពិតជាទាក់ទាញដល់ភ្ញៀវទេសចរណ៍ខ្លាំងណាស់។
១. នេះគឺជាផ្ទះដែលគេហៅថា Hualien Youliang Farmhouse Water House
ផ្ទះលូបេតុងនេះមានទីតាំងស្ថិតនៅក្នុង Hualien, ផ្ទះធ្វើពីលូទាំងនេះត្រូវបានគេគូររូប គំនូរជីវចលគួរឱ្យស្រឡាញ់ជាមួយនឹងពណ៌ភ្លឺ ហើយវាមានភាពទាក់ទាញខ្លាំងណាស់។
បន្ទប់ទាំងអស់នេះប្រាកដណាស់ដែលមានភាពទាក់ទាញដល់កូនក្មេង។
ការរចនាខាងក្នុងពិតជាមានភាពទាក់ទាញ និងធ្វើឱ្យមានការភ្ញាក់ផ្អើលយ៉ាងខ្លាំង ហើយវាអាចដាក់គ្រែបានដល់ទៅពីរឯណោះ។
អ្នកអាចជ្រើសរើសគំនូរជីវចលដែលបានរចនាខាងក្នុងបានតាមចិត្តរបស់អ្នក
២. ផ្ទះល្វែង Hualien Qinjiang Yingyue
ផ្ទះមួយនេះក៏មានទៅតាំងនៅ Hualien ការធ្វើផ្ទះពីលូទាំងអស់នេះគឺមានការរចនាតាមបែបទំនោះ និងទាន់សម័យ ។
បន្ទប់នេះអាចដាក់មនុស្សបានរហូតដល់ ៤នាក់ ។
៣. ហាងកាហ្វេនៅ Changhua
ហាងកាហ្វេទាំងអស់នេះគឺមានភាពខុសប្លែកពីគេ ហើយវានឹងធ្វើឱ្យយើងមានការរីករាយជាមួយកាហ្វេនិងតែរបស់អ្នក។
ដោយសារតែមានភាពល្បីល្បាញប៉ុន្មានឆ្នាំចុងក្រោយនេះ ពួកគេបានផ្លាស់ប្ដូរលូទាំងនេះមួយផ្នែកទៅជាផ្ទះសម្រាប់ស្នាក់នៅផងដែរ។
៤. ផ្ទះសំណាក់ Tea Two Finger
មានទីតាំងនៅ Nantou ផ្ទះធ្វើពីលូនេះត្រូវបានប្រើជាចម្បងដើម្បីលើកកម្ពស់វប្បធម៌ប្រពៃណីតែរបស់តៃវ៉ាន់
ហើយវាក៏បានបម្រើឱ្យអតិថិជនទរបស់ពួកគេ នូវតែជារៀងរាល់ថ្ងៃ ហើយអ្នកអាចថតរូបបានយ៉ាងស្រស់ស្អាត
៥. ផ្ទះលូនៅក្នុងកសិដ្ឋានតូចមួយ
ផ្ទះលូនេះស្ថិតនៅ Taitung មានភាពសាមញ្ញប៉ុន្តែទាន់សម័យ និងមានភាពងាយស្រួលក្នុងការរស់នៅ
ការសាងសង់នៅពិតជាមានការខុសពីគេ ហើយវាក៏មានភាពល្បីល្បាញផងដែរ ព្រោះមានគូរស្វាមីភរិយាថ្មីទៅថតរូបនៅទីនោះ។
ប្រែសម្រួលដោយ៖ Kalib9
ប្រភព៖ GOODTIMES