របៀបកាន់ដៃគ្នាជាមួយមនុស្សស្រឡាញ់ បង្ហាញពីជម្រៅស្នេហារបស់អ្នក

បើអ្នកស្រឡាញ់នរណាម្នាក់ អ្នកដឹងថាការដើរកាន់ដៃគ្នាជាមួយគូស្នេហ៍គឺអស្ចារ្យណាស់។ អ្នកប្រហែលមិនធ្លាប់កត់សម្គាល់ទេ ប៉ុន្តែកាយវិការនេះអាចបង្ហាញច្រើនអំពីទំនាក់ទំនង និងដំណាក់កាលដែលអ្នកកំពុងឆ្លងកាត់។

Knongsrok សូមអញ្ជើញអ្នកអានមើលអត្ថន័យនៅពីក្រោយវិធីកាន់ដៃនីមួយៗ។ តើទម្លាប់របស់អ្នកជាមួយណា?

១. កាន់ដៃត្រង់ៗ ដោយម្រាមដៃជាប់គ្នា

បើកាន់ដៃបែបនេះ ស្នេហាច្រើនផ្អែកលើសេចក្តីស្រឡាញ់ មិនមែនតែចំណង់ខ្លាំងៗទេ។ វាក៏បង្ហាញថាដៃគូដែលកាន់បែបនេះមានបុគ្គលិកលក្ខណៈរឹងមាំ ច្រើនជាអ្នកផ្តួចផ្តើម ហើយម៉ឺងម៉ាត់។

២. កាន់ដៃជាប់ៗ ដោយសង្កត់គ្នាខ្លាំង

នេះជានិមិត្តរូបនៃចំណង់ និងការផ្សារភ្ជាប់ខ្លាំងរវាងមនុស្សពីរនាក់។ សំខាន់គឺអ្នកទាំងពីរត្រូវកាន់គ្នាទៅវិញទៅមក។ បើម្ខាងស្ទាក់ ឬមិនចង់កាន់ វាមិនមែនជាសញ្ញាល្អទេ។

៣. កាន់តែចុងម្រាមដៃ ឬកាន់ធូរៗ

វិធីនេះបង្ហាញថាអ្នកទាំងពីរផ្តល់អាទិភាពដល់ឯករាជ្យភាពគ្នា។ គូស្នេហ៍បែបនេះចេះទុកចន្លោះ និងភាពឯកជនឱ្យគ្នា។ វាក៏អាចមានន័យថាពួកគេកំពុងមានពេលល្អ និងមានអារម្មណ៍ដូចពេលទើបស្គាល់គ្នាជាមិត្តដំបូង។

៤. កាន់ដៃជាប់ខ្លាំង រហូតហាក់តានតឹង

បើកាន់បែបនេះ រឿងរវាងអ្នកទាំងពីរច្រើនតែកាន់តែធ្ងន់ធ្ងរ។ ជាអកុសល វាមិនតែងតែជាសញ្ញាវិជ្ជមានទេ។ ពេលខ្លះវាបង្ហាញភាពមិនស្រួល ជាជាងភាពស្និទ្ធ។

៥. ដៃម្ខាងទាញ ឬកាន់ដៃគូដាក់ក្នុងដៃខ្លួន

វិធីនេះច្រើនឃើញពេលចូលរួមព្រឹត្តិការណ៍សង្គម។ ប៉ុន្តែបើធ្វើរាល់ថ្ងៃ អ្នកដែលយកដៃគូកាន់អាចកំពុងស្វែងរកការការពារ ឬមានអារម្មណ៍មិនមានសុវត្ថិភាពក្នុងទំនាក់ទំនង។

៦. ទាញដៃគូឱ្យដើរលឿន

ការកាន់ដៃបែបនេះអាចបញ្ជាក់ថាអ្នកទាំងពីរមិននៅលើចង្វាក់តែមួយ។ អ្នកដែលទាញចង់ឱ្យដៃគូសម្រេចចិត្តលឿនជាងមុន។ វាក៏អាចជាសញ្ញាថាម្នាក់ធុញទ្រាន់នឹងទម្លាប់ក្នុងស្នេហា។

៧. ដៃគូមិនចង់កាន់ដៃ

បើដៃគូមិនចង់កាន់ដៃ វាអាចមានន័យថាគេឃ្លាតឆ្ងាយ។ ប៉ុន្តែក៏អាចបង្ហាញត្រឹមភាពអៀនខ្មាស់ ឬចង់បានភាពឯកជន។ កុំប្រញាប់សន្និដ្ឋានអវិជ្ជមាន។ សូមមើលសញ្ញាផ្សេងទៀតក្នុងទំនាក់ទំនង។ ពេលខ្លះវាមិនមែនជារឿងគួរព្រួយបារម្ភទេ។

ការកាន់ដៃគឺជាភាសាកាយវិការមួយ មិនមែនជាច្បាប់ថេរទេ។ អត្ថន័យពិតអាស្រ័យលើអារម្មណ៍ និងស្ថានការណ៍របស់អ្នកទាំងពីរ។

ប្រភព៖ Brightside
អត្ថបទដោយ៖ ក្នុងស្រុក