កងកម្លាំងពិសេសបារាំងបានទទួលជោគជ័យ ក្នុងការបើកប្រតិបត្តិការពិសេស២ផ្សេងគ្នាដោយសម្លាប់ប្រមុខក្រុមភេរវកម្មអាល់កៃដាលោក Abdelmalek Droukdel នៅភាគខាងជើងប្រទេសម៉ាលីតំបន់ Sahel និងចាប់មេដឹកនាំ ISISម្នាក់ទៀត។ នេះបើតាមលោកស្រី Florence Parly រដ្ឋមន្ត្រីក្រសួងការពារជាតិបារាំង។
បើតាមលោកស្រី Florence Parly ក្រុមទាហានពិសេសបារាំង បានតាមប្រមា៉ញ់ភេរវកម្មអាល់កៃដាលោក Abdelmalek Droukdel ចំនួន៧ឆ្នាំមកហើយ។ លោកស្រី Florence Parly បាននិយាយថា៖“ កងទ័ពបារាំងដែលគាំទ្រដោយដៃគូបាន សម្លាប់មេដឹកនាំរបស់អាល់កៃដានៅអ៊ីស្លាម Islamic Maghreb (AQMI) ដែលនិងអ្នកជិតស្និទ្ធជាច្រើននាក់របស់គាត់ក្នុងអំឡុងពេលប្រតិបត្តិការនៅភាគខាងជើងប្រទេសម៉ាលី” ។
(AQMI) គឺជាក្រុមឧទ្ទាមដែលចាស់ជាងគេហើយកាន់កាប់តំបន់ Sahel យូរជាងគេ។ Abdelmalek Droukdel បានកាន់ដំណែងជាប្រមុខក្រុមភេរវកម្មអាល់កៃដាជាង១៥ឆ្នាំហើយ។ក្រុម(AQMI) នេះមានក្រុមសកម្មប្រយុទ្ធដេលមានបទពិសោធន៍ធ្វើសង្គ្រាមហើយមានអំណាចជាងគេ ក្នុងតំបន់ភាគខាងជើងប្រទេសម៉ាលី មុនពេលកងពិសេសបារាំងបើកប្រតិបត្តិការណ៍ Operation Barkhene វាយពួកគេឲ្យដកថយនិងលាក់ខ្លួនអស់ពេលដ៏យូរឆ្នាំ។
ទាហានបារាំងជាង១០០០នាក់ កងទ័ពរបស់អង្គការសហប្រជាជាតិ និងកងទ័ពអាហ្វ្រិកជាច្រើនប្រទេសទៀតបានចំណាយពេលជាច្រើនឆ្នាំទើបអាចស្វែងរក ភេរវកម្មអាល់កៃដារូបនេះបាន៕