ហេតុអ្វីមនុស្សស្រីត្រូវទ្រាំ?
ពេលខ្លះខ្ញុំពិតជាមិនយល់ ថាហេតុអ្វី មនុស្សស្រីត្រូវទ្រាំ នឹងរឿងគ្រប់យ៉ាង មិនព្រមឈប់ មិនព្រមបញ្ចប់ មិនព្រមប្រលែង ហេតុអ្វី ត្រូវនៅឱបក្រសោបទុក្ខទឹកភ្នែកជាមួយនឹងមនុស្សប្រុសម្នាក់ ដែលមិនបានស្រឡាញ់ មើលថែ ថ្នាក់ថ្នមនាង?
– ទ្រាំឈឺចាប់ តែមិនប្រាប់អ្នកណា
– ទ្រាំឯកា ព្រោះមិនចង់រំខានអ្នកណា
– ទ្រាំឱ្យគេវាយធ្វើបាប ប្រើហិង្សា មិនហ៊ាននិយាយ ព្រោះខ្លាចកាន់តែមានរឿង ឬខ្លាចខ្មាសគេ
– ទ្រាំបៀមទុក្ខ ព្រោះគិតថាគេនឹងកែប្រែជាថ្មី
– ទ្រាំលំបាក វេទនា ទាំងផ្លូវកាយផ្លូវចិត្ត ស្ទើរតែពេញមួយជីវិតទៅហើយ
ចង់សួរថា តើទ្រាំដល់ពេលណា មិនខ្វះទេមនុស្សល្អៗ កុំនៅទ្រាំសន្សំកម្មជាមួយនឹងមនុស្សបែបនោះអី ប្រលែងចោលទៅ វាគ្មានតម្លៃឱ្យអ្នកស្រណោះស្រណោកនោះឡើយ៕
